25/12/2025
سلام اہلِ پنڈ
آج توں چند سال پہلاں جدوں پنڈ وچ کوئی فوتگی ہُندی سی، تاں پنڈ دے لوک فوتگی والے گھر دودھ یا گھر والیاں دی آسانی تے مدد لئی کجھ نہ کجھ ضرور لے کے جاندے سن۔
تے قبر دی تیاری تے باقی تقریباً سارے کم وی پنڈ آلے مل کے کر لیندے سن۔ جیہڑی کہ بڑی چنگی گل سی تے ایہہ چیز توں ثابت ہوندا سی کہ سارے لوکاں دا آپس وچ بڑا گہرا پیار اے۔
ہُن ٹائم دے نال نال کجھ رسومات نوجواناں نے بھلا دتّیاں نیں، لیکن اک گل اجے وی چنگی اے کہ قبر دی تیاری سارے جوان مل کے کردے نیں، حالانکہ باقی نال دے پنڈاں تے قصبیاں وچ ایہہ چیز ختم ہو گئی اے۔
میرا پوسٹ کرن دا مقصد تہاڈے سارے دوستاں تے پراواں نال مشورہ کرنا اے کہ کیوں نہ اسی پنڈ آلے صاحبِ حیثیت لوک فوتگی والے گھر گنجائش دے مطابق، ہر بندہ اپنی جیب ویکھدے ہوۓ، اپنے اپنے طور تے دودھ دین آلی بزرگاں دی روایت نوں زندہ کریے۔
تاں کہ ساڈے ساریاں وچ پیار تے احساس دا رشتہ بنا رہے۔
تسی سارے پرا، کی مشورہ دیندے او؟
