Alkhidmat Foundation Toba Tek Singh

29/05/2026

الخدمت فاؤنڈیشن وسطی پنجاب کے تعاون سے الخدمت فاؤنڈیشن ضلع ٹوبہ ٹیک سنگھ کے زیرِ اہتمام قربانی فی سبیل اللہ اور گوشت کی وسیع پیمانے پر تقسیم

الحمدللہ! سنتِ ابراہیمی کی پیروی اور معاشرے کے مستحق و نادار افراد کو عید کی خوشیوں میں برابر کا شریک کرنے کے لیے، الخدمت فاؤنڈیشن ضلع ٹوبہ ٹیک سنگھ نے 'الخدمت فاؤنڈیشن سنٹرل پنجاب' اور مخیر حضرات کے خصوصی تعاون سے قربانی کا عظیم الشان پراجیکٹ کامیابی کے ساتھ مکمل کر لیا ہے۔
اس کارِ خیر کے تحت ضلع بھر میں مستحق خاندانوں، بیواؤں، یتیم بچوں اور سفید پوش طبقے تک قربانی کا تازہ اور صحت بخش گوشت انتہائی باعزت طریقے اور حفظانِ صحت کے اصولوں کے مطابق ان کی دہلیز تک پہنچایا گیا۔
الخدمت فاؤنڈیشن سنٹرل پنجاب کی بھرپور سرپرستی اور مخیر حضرات کے عطیات کی بدولت ہزاروں ایسے گھرانوں میں بھی خوشیاں پہنچیں جو مہنگائی کے اس دور میں گوشت خریدنے کی استطاعت نہیں رکھتے تھے۔ الخدمت فاؤنڈیشن کی مینجمنٹ اور مستعد رضاکاروں نے جانوروں کی خریداری سے لے کر گوشت کی کٹائی، معیاری پیکنگ اور حق داروں تک اس کی منصفانہ ترسیل کے تمام مراحل کو انتہائی شفاف اور منظم انداز میں سرانجام دیا۔
الخدمت فاؤنڈیشن ضلع ٹوبہ ٹیک سنگھ ان تمام مخیر حضرات، ڈونرز اور سنٹرل پنجاب کی قیادت کا تہہ دل سے شکریہ ادا کرتی ہے جنہوں نے اس عظیم مہم میں اپنا حصہ ڈالا اور غریب عوام کے چہروں پر مسکراہٹیں بکھیرنے کا سبب بنے۔ اللہ تعالیٰ تمام عطیہ دہندگان کی قربانی، مالی تعاون اور رضاکاروں کی محنت کو اپنی بارگاہ میں شرفِ قبولیت عطا فرمائے۔ (آمین)

17/05/2026

It was truly a remarkable day! Alkhidmat Foundation Dist. Toba Tek Singh's honorable Alkhidmat's Leadership (President: Mian Arif Mehmood | General Sec: Mian Arif Hussain | Finance Sec: Abdul Rehman Shakir | Hospital Administrator: Mian Muhammad Zubair | Fianance Manager: Sanaullah Nadeem M***i) had the privilege of attending the "𝐇𝐢𝐠𝐡 𝐏𝐞𝐫𝐟𝐨𝐫𝐦𝐚𝐧𝐜𝐞 𝐄𝐥𝐞𝐯𝐚𝐭𝐢𝐨𝐧 𝐟𝐨𝐫 𝐇𝐮𝐦𝐚𝐧𝐢𝐭𝐚𝐫𝐢𝐚𝐧 𝐎𝐫𝐠𝐚𝐧𝐢𝐳𝐚𝐭𝐢𝐨𝐧𝐬" workshop, organized by Al-Khidmat Foundation Central Punjab at Al-Khidmat Head Office, Lahore.
The session was brilliantly led by the renowned Coach, Writer & Hypnotics Expert —𝐃𝐫. 𝐀𝐫𝐢𝐟 𝐒𝐢𝐝𝐝𝐢𝐪𝐮𝐢, who made this training an unforgettable experience. Through powerful practical exercises, engaging videos and real-life examples, he completely transformed the way we think about leadership, teamwork and performance.
While absorbing every moment of this powerful session.
We are Proud to be part of an organization that invests in the growth of its people and the quality of its service. 🤲

13/05/2026

ایک قطرہ… ہزاروں زندگیوں کی آس!
الخدمت فاؤنڈیشن کی جانب سے تحصیل پیرمحل کے علاقوں مائی سپوراں (یونین کونسل 85) اور گ ب بری سلطان 770 (یونین کونسل 36) میں سبمرسیبل پمپ بمعہ واٹر ٹینک منصوبوں کا افتتاح کر دیا گیا۔
اس فلاحی اقدام سے تقریباً 3200 خاندانوں کو صاف، محفوظ اور زندگی بخش پانی کی سہولت میسر آئے گی۔
آئیے، پسماندہ علاقوں تک صاف پانی پہنچانے کے اس مشن میں الخدمت کا ساتھ دیجیے۔ 🤝💙

13/05/2026

💧 ایک قطرہ… ہزاروں زندگیوں کی آس!
الخدمت فاؤنڈیشن کی جانب سے تحصیل پیرمحل کے علاقوں مائی سپوراں (یونین کونسل 85) اور گ ب بری سلطان 770 (یونین کونسل 36) میں سبمرسیبل پمپ بمعہ واٹر ٹینک منصوبوں کا افتتاح کر دیا گیا۔
اس فلاحی اقدام سے تقریباً 3200 خاندانوں کو صاف، محفوظ اور زندگی بخش پانی کی سہولت میسر آئے گی۔
آئیے، پسماندہ علاقوں تک صاف پانی پہنچانے کے اس مشن میں الخدمت کا ساتھ دیجیے۔ 🤝💙

08/05/2026

08/05/2026

الخدمت فاؤنڈیشن ضلع ٹوبہ ٹیک سنگھ کے تمام شعبہ جات کی سہ ماہی کارکردگی کا جائزہ اجلاس
ٹوبہ ٹیک سنگھ: اجلاس میں صدر الخدمت فاؤنڈیشن میاں عارف محمود صاحب، میڈیکل ڈائریکٹر ڈاکٹر زاہد ستار صاحب، جنرل سیکرٹری میاں عارف حسین صاحب،اسسٹنٹ جنرل سیکرٹری افتخار الحق واہلہ صاحب، اسسٹنٹ جنرل سیکرٹری پروفیسر احسان الحق صاحب، فنانس سیکرٹری عبدالرحمٰن شاکر صاحب اور دیگر ضلعی عہدیداران سمیت تمام متعلقہ شعبہ جات کے ایڈمنز اور ڈائریکٹرز نے شرکت کی۔

اجلاس کا بنیادی مقصد تین ماہ کی کارکردگی رپورٹ پیش کرنا اور مستقبل کے لائحہ عمل پر تبادلہ خیال کرنا تھا۔ اجلاس کے دوران الخدمت فاؤنڈیشن ضلع ٹوبہ ٹیک سنگھ کے تمام فعال شعبہ جات کی رپورٹ پیش کی گئی جن میں درج ذیل شامل ہیں:

ڈائیگناسٹک سینٹر اور کلیکشن سینٹر (ٹوبہ و گوجرہ)

ایمبولینس سروس (ٹوبہ ٹیک سنگھ و گوجرہ)

ہسپتال اور فارمیسی (ٹوبہ ٹیک سنگھ)

واٹر پلانٹ (ٹوبہ ٹیک سنگھ و گوجرہ)

آرفن کئیر پروگرام

مائیکرو فنانس

ڈیزاسٹر مینجمنٹ

شعبہ تربیتی امور

آر ایم ڈی (RMD)

کمیونٹی سروسز

بنو قابل پروگرام

اجلاس میں تمام شعبہ جات کی انفرادی کارکردگی کو سراہا گیا اور اس عزم کا اعادہ کیا گیا کہ ضلع ٹوبہ ٹیک سنگھ کے عوام کی فلاح و بہبود کے لیے الخدمت فاؤنڈیشن اپنی تمام تر توانائیاں بروئے کار لاتی رہے گی تاکہ دکھی انسانیت کی خدمت کا یہ سفر مزید بہتر انداز میں جاری رہے۔

07/05/2026

آپ کی قربانی، کسی کی مسکراہٹ!

الخدمت فاؤنڈیشن پاکستان کے زیرِ اہتمام اس سال بھی سنتِ ابراہیمی کی ادائیگی اور مستحقین تک گوشت کی فراہمی کا سلسلہ جاری ہے۔ آپ کا دیا ہوا عطیہ ان سفید پوش خاندانوں تک پہنچایا جاتا ہے جو سارا سال اس لمحے کے منتظر رہتے ہیں۔

💰 قربانی کے ریٹس (2026):
🐐 بکرا / دنبہ:60,000 روپے
🐂 مکمل گائے: 175,000 روپے
🥩 گائے میں حصہ:25,000 روپے

ٹوبہ ٹیک سنگھ:
0335-6405600 | 0334-1111808
گوجرہ :
0301-8420881 | 0305-3516060
کمالیہ:
0333-6881419
پیر محل:
0300-8795419

🏦 بینک اکاؤنٹ تفصیلات:
الخدمت فاؤنڈیشن ٹوبہ ٹیک سنگھ (بینک اسلامی)
IBAN: PK90 BKIP 0205 2157 5414 0001

آئیں! اس عید پر اپنی خوشیوں میں غریبوں کو بھی شامل کریں اور اپنی زکوٰۃ و عطیات الخدمت کے سپرد کریں۔

20/04/2026

الخدمت فاؤنڈیشن ضلع ٹوبہ ٹیک سنگھ کے دفتر میں جاری سلسلہ وار 'درسِ قرآن' کی تصویری جھلکیاں۔ روزانہ 10 سے 15 منٹ کا مطالعہ قرآن (بمعہ تفسیر تفہیم القرآن) ہماری روحانی غذا اور خدمتِ خلق کے سفر میں ہماری بہترین رہنمائی ہے۔ اللہ پاک اس عمل کو قبول فرمائے۔ (آمین) 📖 🇵🇰

17/04/2026

وطنِ عزیز پاکستان کی سرسبز و شاداب فضا اور ماحولیاتی تحفظ ہماری اولین ترجیح ہے۔ اسی قومی جذبے اور ملک کی ترقی کے عزم کو مدنظر رکھتے ہوئے، الخدمت فاؤنڈیشن ضلع ٹوبہ ٹیک سنگھ نے اپنی سالانہ 'شجر کاری مہم 2026' کا باقاعدہ اور شاندار آغاز کر دیا ہے۔
اس مہم کا باقاعدہ افتتاح صدر الخدمت فاؤنڈیشن ضلع ٹوبہ ٹیک سنگھ، میاں عارف محمود نے اپنے ہاتھوں سے پودا لگا کر کیا۔ اس مبارک موقع پر انہوں نے وطن عزیز پاکستان کی سلامتی، استحکام اور خوشحالی کے لیے خصوصی دعا بھی کی۔
تقریب میں اس بات پر زور دیا گیا کہ موسمیاتی تبدیلیوں کے چیلنجز سے نمٹنے اور اپنی آنے والی نسلوں کو ایک صحت مند اور آلودگی سے پاک فضا فراہم کرنے کے لیے زیادہ سے زیادہ درخت لگانا وقت کی اہم ترین ضرورت ہے۔ الخدمت کے مستعد اور محنتی رضاکار اس کارِ خیر میں ہمیشہ کی طرح صفِ اول میں ہیں اور ضلع کی تمام تحصیلوں میں پودے لگانے کا عمل بھرپور طریقے سے شروع کر دیا گیا ہے۔
الخدمت فاؤنڈیشن کی جانب سے تمام شہریوں سے گزارش کی گئی ہے کہ وہ اس قومی فریضے میں اپنا عملی کردار ادا کریں، اپنے حصے کا کم از کم ایک پودا ضرور لگائیں اور اس کے پروان چڑھنے تک اس کی مکمل دیکھ بھال کی ذمہ داری بھی اٹھائیں تاکہ ہمارا پیارا پاکستان مزید سرسبز، شاداب اور خوبصورت بن سکے۔