04/06/2026
انوکھا فراڈ: واٹس ایپ پر تصویر کھولتے ہی موبائل ہیک، 10 لاکھ کی Limit کے باوجود 45 لاکھ روپے بینک اپلیکیشن سے ٹرانسفر!
سائبر فراڈ کی ایک حیران کن واردات میں شہری کے بینک اکاؤنٹ سے 45 لاکھ روپے منتقل کر دیے گئے، جبکہ اکاؤنٹ کی یومیہ ٹرانزیکشن حد صرف 10 لاکھ روپے مقرر تھی۔
متاثرہ شہری کے مطابق اسے ایک نامعلوم نمبر سے کال موصول ہوئی۔ کال کرنے والے نے خود کو اس کا والد ظاہر کرتے ہوئے کہا کہ ان کا موبائل خراب ہو گیا ہے اور وہ موبائل کی تصویر واٹس ایپ پر بھیج رہے ہیں تاکہ خرابی دیکھی جا سکے۔
شہری کا کہنا ہے کہ جیسے ہی اس نے واٹس ایپ پر موصول ہونے والی تصویر کھولی، موبائل ہیک ہو گیا۔ کچھ دیر بعد اس کے بینک اکاؤنٹ سے پہلے 35 لاکھ روپے اور پھر مزید 10 لاکھ روپے منتقل کر دیے گئے۔
واقعے کا سب سے تشویشناک پہلو یہ ہے کہ اکاؤنٹ کی یومیہ ٹرانزیکشن حد صرف 10 لاکھ روپے تھی، لیکن اس کے باوجود مجموعی طور پر 45 لاکھ روپے منتقل ہو گئے۔ اس صورتحال نے بینک کے سیکیورٹی نظام اور ٹرانزیکشن مانیٹرنگ پر سنگین سوالات کھڑے کر دیے ہیں۔
