Darul Qurra Peshawar

17/07/2026

قائدِ جمعیت حضرت مولانا فضل الرحمٰن صاحب اور استادُالقراء حضرت مولانا قاری فیاض الرحمٰن علوی صاحب کی اسلام آباد میں منعقدہ پاکستان کے پہلے عالمی مقابلۂ حسنِ قراءت کے بعد خوشگوار ملاقات۔

اس موقع پر حضرت مولانا فضل الرحمٰن صاحب نے فاضلِ دارالقراء اور عالمی سطح پر تیسری پوزیشن حاصل کرنے والے قاری عبدالرشید صاحب کو اپنے دستِ مبارک سے انعام بھی پیش کیا۔

اللہ تعالیٰ ہمارے ان اکابرین کو صحت، عافیت اور درازیِ عمر عطا فرمائے، اور ان کی دینی خدمات کو اپنی بارگاہ میں شرفِ قبولیت بخشے۔ آمین یا رب العالمین۔

19/06/2026

ماشاءاللہ 🌹

دارالقراء نمک منڈی پشاور میں جناب قاری عکاشہ صاحب طلبۂ کرام کو نہایت خوبصورت انداز میں قراءت کی مشق کروا رہے ہیں۔

📖 الدرس الأول – مقامِ بیات (Beginners Class)

🔹 بیات اصلی قرار
🔹 بیات خیام
🔹 بیات نویٰ
🔹 بیات سحر

اللہ تعالیٰ قاری صاحب کی کاوشوں میں برکت عطا فرمائے، طلبہ کو قرآنِ کریم کی صحیح تلاوت اور حسنِ قراءت سے آراستہ فرمائے، اور اس علمی و قرآنی سلسلے کو دن دگنی رات چوگنی ترقی عطا فرمائے۔ آمین۔

26/05/2026

انشاءاللہ دارالقرّاء مدنی مسجد نمک منڈی پشاور میں عید کی نماز صبح 6:45 پر ادا کی جائے گی

17/05/2026

مدرسہ دارالقراء نمک منڈی پشاور میں اساتذہ کرام اپنے طلبہ کو دینی تعلیم سے آراستہ کرنے میں مصروفِ عمل ہیں۔
اللہ تعالیٰ تمام اساتذہ کرام کی اس عظیم محنت اور خدمتِ دین کو اپنی بارگاہ میں قبول فرمائے اور انہیں دنیا و آخرت میں بہترین اجرِ عظیم عطا فرمائے۔ آمین۔

01/05/2026

دو ماہ کا خصوصی تجوید کورس
مدرسہ مرکزی دارالقرآء نمک منڈی پشاور میں میٹرک کے امتحان سے فارغ ہونے والے طلباء کے لیے خصوصی تجوید کورس شروع کیا جا رہا ہے۔

اس کورس میں قرآنِ کریم کی درست تجوید، تلفظ، مخارج اور لہجہ بہتر بنانے پر خصوصی توجہ دی جائے گی۔

یہ کورس خاص طور پر اسکول اور کالج کے ان طلباء کے لیے ہے جو میٹرک کے امتحان سے فارغ ہو چکے ہیں اور قرآنِ کریم کو درست انداز میں پڑھنا چاہتے ہیں۔
نوٹ: کورس کے اختتام پر سند جاری نہیں کی جائے گی

محدود نشستیں دستیاب ہیں، جلد داخلہ لیں۔

رابطہ نمبر:
03018302624
03329133739

27/04/2026

مدرسہ دارالقراء مدنی مسجد نمک منڈی پشاور میں حج و عمرہ کی اہمیت اور اس کے عملی طریقۂ کار سے آگاہی کے لیے ایک بابرکت تربیتی نشست کا انعقاد کیا گیا۔ اس روح پرور نشست میں عوام الناس نے شرکت کی اور مناسکِ حج و عمرہ کے بارے میں تفصیلی رہنمائی حاصل کی۔

اس موقع پر مدرسہ دارالقراء کے جید علماء کرام نے نہایت آسان اور مؤثر انداز میں حج و عمرہ کے تمام مراحل کو بیان کیا، تاکہ ہر فرد ان مقدس عبادات کو صحیح طریقے سے ادا کر سکے۔ شرکاء کو احرام باندھنے سے لے کر طواف، سعی، وقوفِ عرفات، رمی جمرات اور دیگر اہم ارکان کے بارے میں مکمل آگاہی فراہم کی گئی۔

نشست میں خصوصی طور پر مولانا قاری فیاض الرحمن علوی صاحب، مفتی صداقت علی صاحب، مولانا ڈاکٹر احمد علی علوی صاحب اور مولانا فاضل صاحب نے خطاب کرتے ہوئے حج و عمرہ کی فضیلت، آداب اور ضروری مسائل پر روشنی ڈالی۔ انہوں نے حاضرین کو تلقین کی کہ ان مقدس عبادات کی ادائیگی سے قبل مکمل علم حاصل کرنا نہایت ضروری ہے تاکہ عبادت سنت کے مطابق اور خلوصِ نیت کے ساتھ ادا کی جا سکے۔

آخر میں علماء کرام نے دعا فرمائی کہ اللہ تعالیٰ تمام مسلمانوں کو حج و عمرہ کی سعادت نصیب فرمائے اور اس تربیتی نشست کو قبولیت عطا فرمائے۔

25/04/2026