تحریک تحفظ چترالی پاکستان

12/10/2026

07/10/2026

بسم اللہ الرحمن الرحیم
🌹 اسلامی طریقۂ زندگی، اخلاق اور خدمتِ 🌹
السلام علیکم ورحمۃ اللہ وبرکاتہ
تحریکِ تحفظِ چترال کے تمام معزز ممبران، ذمہ داران اور ساتھیوں سے مؤدبانہ گزارش ہے کہ ہمارا مقصد صرف اللہ تعالیٰ کی رضا، خدمتِ انسانیت، امن، محبت، بھائی چارہ اور اتفاق و اتحاد ہے۔
ہمیں سب سے پہلے اپنے اندر اچھا اخلاق، نرم زبان، صبر، برداشت، اخوت اور اسلامی کردار پیدا کرنا ہوگا۔ جب ہمارا اپنا کردار قرآن و سنت کے مطابق ہوگا تو ہی ہم دوسروں کی حقیقی خدمت بہتر انداز میں کر سکیں گے۔
اللہ تعالیٰ قرآنِ کریم میں فرماتا ہے:
وَقُولُوا لِلنَّاسِ حُسْنًا
"اور لوگوں سے اچھی بات کہا کرو۔"
(البقرۃ: 83)
رسول اللہ ﷺ نے فرمایا:
"مسلمان وہ ہے جس کی زبان اور ہاتھ سے دوسرے مسلمان محفوظ رہیں۔"
(صحیح بخاری، صحیح مسلم)
لہٰذا ہماری زبان، ہماری تحریر اور ہمارا رویہ کسی انسان کے لیے تکلیف، دل آزاری یا فساد کا سبب نہیں بننا چاہیے۔
🌿 تنظیمی حلقوں کے حوالے سے اہم گزارش
تحریکِ تحفظِ چترال میں مختلف حلقے اور گروپس خدمت کے مقصد کے لیے قائم ہیں۔ بعض اوقات کسی حلقے میں ایسی گفتگو ہو جاتی ہے جو کسی فرد کے خلاف، کسی کی حمایت یا کسی اختلاف سے متعلق ہوتی ہے۔ ایسی گفتگو یا کسی ساتھی کی ذاتی بات، پیغام یا وائس/آڈیو کو بغیر اجازت دوسرے گروپس میں منتقل کرنا انتہائی نامناسب عمل ہے اور اس سے غلط فہمیاں، دل آزاری اور اختلافات پیدا ہوتے ہیں۔
تمام ممبران سے درخواست ہے کہ:
کسی حلقے کی اندرونی گفتگو، وائس، پیغام یا ذاتی بات کو دوسرے گروپس میں شیئر نہ کریں۔
اگر کسی معاملے میں اصلاح یا شکایت ضروری ہو تو اسے مناسب اور تنظیمی طریقے سے متعلقہ ذمہ داران یا مرکزی شوریٰ کے سامنے رکھا جائے، نہ کہ سوشل میڈیا یا دوسرے گروپس میں پھیلایا جائے۔
حلقہ کے ذمہ داران بھی اپنے اپنے کابینہ اور ممبران کے ساتھ محبت، مشاورت، اخلاق اور برداشت کے ساتھ تنظیمی امور چلائیں۔ اختلافِ رائے ہو سکتا ہے، مگر اختلاف کو دشمنی نہ بنایا جائے۔
🤝 ہمارا عہد
ہم کسی فرد کے خلاف تنظیم نہیں بنا رہے،
ہم کسی سے دشمنی کے لیے جمع نہیں ہوئے،
ہم کسی کی عزت مجروح کرنے کے لیے نہیں آئے،
بلکہ ہمارا مقصد یہ ہے کہ ہماری ذات اور ہماری تنظیم کی وجہ سے کسی انسان کو فائدہ پہنچے۔
ہماری نیت صرف اللہ تعالیٰ کی رضا اور خدمتِ انسانیت ہونی چاہیے۔ جو شخص ہمارے مقابلے میں بھی ہو، اس کے ساتھ بھی انصاف، اخلاق اور شائستگی کا دامن نہیں چھوڑنا چاہیے۔
اللہ تعالیٰ فرماتا ہے:
وَتَعَاوَنُوا عَلَى الْبِرِّ وَالتَّقْوَىٰ وَلَا تَعَاوَنُوا عَلَى الْإِثْمِ وَالْعُدْوَانِ
"نیکی اور تقویٰ کے کاموں میں ایک دوسرے کی مدد کرو، اور گناہ اور زیادتی کے کاموں میں ایک دوسرے کی مدد نہ کرو۔"
(المائدہ: 2)
آئیے ہم سب مل کر عہد کریں کہ تحریکِ تحفظِ چترال کو محبت، اخوت، امن، اخلاق، اتفاق اور خدمتِ انسانیت کا ذریعہ بنائیں گے۔
ہماری زبان سے امن،
ہمارے کردار سے اخلاق،
ہمارے دل میں محبت،
اور ہمارے ہر عمل میں اللہ تعالیٰ کی رضا ہونی چاہیے۔
نیت صاف، منزل آسان۔
اللہ تعالیٰ ہم سب کو اخلاص، اتحاد، اتفاق، حسنِ اخلاق اور خدمتِ انسانیت کی توفیق عطا فرمائے، ہماری زبان اور ہاتھ سے کسی کو تکلیف نہ پہنچے، اور ہماری اس کوشش کو اپنی بارگاہ میں قبول فرمائے۔
آمین یا رب العالمین 🤲
منجانب چیئرمین سعید اللہ شاہ
تحریکِ تحفظِ چترالی پاکستان

05/10/2026

05/10/2026

04/10/2026

Watch, follow, and discover more trending content.