28/11/2025
تہکال کا اغوا ہونے والا فرنیچر کا کاریگر تاوان کی ادائیگی پر رہا
پشاور (کامران گل) تہکال کا رہائشی فرنیچر کاریگر،جسے دو ماہ قبل کچے کے ڈاکوؤں نے اسلام آباد سے اغوا کیا تھا، تاوان کی ادائیگی کے بعد رہا کر دیا گیا ہےخاندانی ذرائع کے مطابق یاسر نامی کاریگر کو 25 لاکھ روپے کے طے شدہ تاوان دینے کے بعد رہائی مل گئی یاسر جو تہکال کا رہائشی کو دو ماہ قبل فرنیچر کا آرڈر دینے کے بہانے ٹیلیفونک رابطے پر اسلام آباد بلایا گیا تھا جہاں سے کچے کے علاقے سے تعلق رکھنے والے مسلح گروہ نے اسے اغوا کر لیا تھاجس کی ویڈیو بھی ان. کے ورثاء کو بھیجی گئی تھی جس میں اس پر تشدد بھی کیا گیا تھا اغوا کاروں نے ابتدائی طور پر 75 لاکھ روپے کا مطالبہ کیا تھا، جس کے بعد بات چیت کے ذریعے رقم کم کر کے 25 لاکھ روپے پر سمجھوتا طے پایا جو کہ مقامی سیاسی اود سماجی قائدین اور رشتہ داروں سے چندہ اکٹھے کرنے کی صورت میں اکٹھے کیےگے جس پر یاسر کی رہائی ممکن ہوئی یاد رہے یاسر کی گمشدگی اور اغوا کے حوالے سے متعلقہ تھانے میں ایف آئی آر بھی درج کی گئی تھی۔ خاندان نے رہائی کی خبر کی تصدیق کرتے ہوئے حکومت اور قانون نافذ کرنے والے اداروں سے اپیل کی ہے کہ ملزمان کو گرفتار کرکے قانون کے کٹہرے میں لایا جائے تاکہ ایسے واقعات کی روک تھام ممکن ہو سکے..یہ تاوان کا رقم علاقے کے لوگوں نے چندہ جمع کرکے ادا کیا گیا۔
