01/09/2026
ایک حادثہ، ایک خاندان اور امید کی ایک نئی شروعات
مراد علی اپنی پانچ یتیم بہنوں اور بیوہ والدہ کے لیے واحد بھائی اور امید ہے۔
ان کے والد امان اللہ پہاڑی سے گر کر ایک حادثے میں انتقال کر گئے۔ ایک لمحے میں اس خاندان کا سہارا چھن گیا۔ والد کا سایہ اٹھ جانے کے بعد پانچ بیٹیوں اور ان کی والدہ کے لیے زندگی ایک بہت بڑے امتحان میں بدل گئی۔
ایسے حالات میں صرف چند دن کی امداد کافی نہیں ہوتی۔ ضرورت اس بات کی ہے کہ ایک ایسا ذریعہ پیدا کیا جائے جو اس خاندان کو آنے والے سالوں تک سہارا دے سکے۔
اسی سوچ کے تحت شَاہین انوائرنمنٹل پروٹیکشن آرگنائزیشن نے اس خاندان کے لیے جاپانی پھلوں کے 50 پودوں پر مشتمل ایک فروٹ گارڈن قائم کیا ہے۔
یہ صرف 50 پودے نہیں ہیں۔ یہ ایک خاندان کے لیے خوراک، آمدنی، بہتر ماحول اور مستقبل کی امید ہیں۔
ان شاء اللہ تین سے چار سال میں یہ پودے پھل دینا شروع کریں گے اور مناسب دیکھ بھال کے ساتھ ہر سیزن میں تقریباً 10 لاکھ روپے تک آمدنی کا ذریعہ بننے کی امید ہے۔
ہم خصوصی طور پر شازیہ اعجاز صاحبہ کے مشکور اور دعاگو ہیں، جنہوں نے اس نیک کام میں تعاون کیا۔ اللہ تعالیٰ ان کے اس تعاون کو قبول فرمائے اور اسے ان کے لیے صدقہ جاریہ بنائے۔
شَاہین انوائرنمنٹل پروٹیکشن آرگنائزیشن کا مقصد صرف درخت لگانا نہیں، بلکہ درختوں کے ذریعے خاندانوں کو مضبوط، خودمختار اور مستقبل کے لیے محفوظ بنانا ہے۔
ہمارا ہدف شہور ویلی میں 1000 فروٹ گارڈنز قائم کرنا ہے۔
ہم چاہتے ہیں کہ مزید یتیم بچوں، بیوہ ماؤں اور مستحق خاندانوں کے لیے ایسے باغات قائم کیے جائیں، جو آج بھی فائدہ دیں اور آنے والی نسلوں کے لیے بھی آمدنی، خوراک اور امید کا ذریعہ بنیں۔
آپ بھی ایک خاندان کے مستقبل میں اپنا حصہ ڈال سکتے ہیں۔
ایک باغ، ایک خاندان، ایک بہتر مستقبل۔
1000 فروٹ گارڈنز کے اس سفر میں ہمارا ساتھ دیں۔
📲 0310-0121122
📩 [email protected]
🌐 www.sepopak.org
