19/05/2026
ینگ ڈاکٹرز ایسوسی ایشن وزیراعلیٰ خیبرپختونخوا سہیل آفریدی صاحب سے پُرزور مطالبہ کرتی ہے کہ ڈاکٹروں کی تنخواہوں میں کم از کم 150 فیصد اضافہ کیا جائے۔
ڈاکٹرز دن رات ایمرجنسی، وارڈز، آئی سی یو اور او پی ڈیز میں عوام کی خدمت کرتے ہیں، اپنی نیند، سکون اور ذاتی زندگی قربان کرتے ہیں، مگر افسوس کہ آج بھی ڈاکٹروں کی تنخواہیں ایک لاکھ روپے سے کم ہیں۔
دوسری جانب انہی ہسپتالوں میں بعض منیجرز اور انتظامی افسران لاکھوں نہیں بلکہ آٹھ آٹھ لاکھ روپے سے زائد تنخواہیں وصول کر رہے ہیں۔ یہ کھلی ناانصافی اور طبی شعبے کے ساتھ امتیازی سلوک ہے۔
جو طبقہ انسانی جانیں بچاتا ہے، اسے مالی مشکلات اور ذہنی دباؤ کا شکار کرنا کسی بھی صورت قابلِ قبول نہیں۔ اگر حکومت واقعی صحت کے نظام کو بہتر بنانا چاہتی ہے تو سب سے پہلے فرنٹ لائن پر کام کرنے والے ڈاکٹروں کو ان کا جائز حق دینا ہوگا۔
ینگ ڈاکٹرز ایسوسی ایشن واضح کرتی ہے کہ ڈاکٹروں کے معاشی حقوق کا تحفظ دراصل عوام کے بہتر علاج اور مضبوط ہیلتھ سسٹم کی ضمانت ہے۔
