Save the Nation ACW

14/08/2026

*نادرا نے ’’نیا قومی شناختی کارڈ‘‘ متعارف کرا دیا!*

نادرا نے پاکستان میں تیار کردہ کیو آر کوڈ پر مبنی نیا قومی شناختی کارڈ متعارف کرا دیا ہے۔

نئے شناختی کارڈ میں مائیکرو چِپ شامل نہیں ہوگی بلکہ درآمدی چِپ کی جگہ محفوظ کیو آر کوڈ استعمال کیا جائے گا۔

یہ نیا کارڈ پولی کاربونیٹ مٹیریل سے پاکستان میں تیار کیا گیا ہے، جو نادرا کی خود انحصاری کی جانب ایک اہم قدم قرار دیا جا رہا ہے۔

13/08/2026

14 اگست — یومِ آزادی پاکستان
14 اگست ہمارے لیے صرف ایک دن نہیں بلکہ آزادی، قربانی، اتحاد اور وطن سے وفاداری کی علامت ہے۔ یہ وہ دن ہے جب ہمارے بزرگوں نے بے شمار قربانیاں دے کر پاکستان حاصل کیا۔
ہمیں عہد کرنا چاہیے کہ ہم اپنے پیارے وطن پاکستان کی سلامتی، استحکام، ترقی اور خوشحالی کے لیے اپنا کردار ادا کریں گے۔ امن، بھائی چارہ، قانون کی پاسداری اور قومی یکجہتی ہی ایک مضبوط پاکستان کی بنیاد ہیں۔
آئیں اس یومِ آزادی پر اپنے شہداء اور قومی ہیروز کو خراجِ عقیدت پیش کریں اور یہ عہد کریں کہ ہم پاکستان کو مضبوط، پُرامن اور ترقی یافتہ بنانے کے لیے ہمیشہ متحد رہیں گے۔
پاکستان زندہ باد 🇵🇰
پاک فوج پائندہ باد
ہمیں پیار ہے پاکستان سے!
ڈاکٹر کمال آفریدی
آپریشنل انچارج خیبرپختونخوا

13/08/2026

اپنے اور اپنے خاندان والوں پر رحم کرے
آپکی لاپرواہی اور مستی آپکے اہل خانہ کو عمر بھر غمزادہ کر سکتے ہیں

11/08/2026

اپنے شناختی کارڈ کو محفوظ رکھنا ہر شہری کی ذمہ داری ہے۔ چند احتیاطی تدابیر اختیار کرکے آپ اپنی شناخت کو غلط استعمال سے محفوظ رکھ سکتے ہیں۔ شناختی کارڈ بطور ضمانت نہ دیں اور نہ ہی کسی سے بطور ضمانت وصول کریں، کیونکہ اس کی کوئی قانونی حیثیت نہیں۔ بلا ضرورت شناختی کارڈ کی فوٹو کاپی نہ کرائیں اور اگر فوٹو کاپی کرانا ضروری ہو تو اسے صرف مطلوبہ مقصد کے لیے استعمال کریں اور اس کے بعد محفوظ طریقے سے تلف کریں۔ کال، ایس ایم ایس یا سوشل میڈیا کے ذریعے ذاتی معلومات طلب کرنے والے دھوکہ باز عناصر سے ہوشیار رہیں اور اپنی شناختی معلومات کسی غیر متعلقہ فرد کے ساتھ شیئر نہ کریں۔
نادرا
آپ کی شناخت ، آپ کی پہچان

09/08/2026

09/08/2026

پشتو صرف ایک زبان نہیں، ایک تاریخ ہے
پشتو صرف الفاظ کا مجموعہ نہیں، یہ ایک عظیم قوم کی پہچان، تہذیب، روایات اور صدیوں پر محیط تاریخ ہے۔ اس زبان میں ہمارے بزرگوں کی دانش، بہادری، مہمان نوازی، غیرت، محبت اور امن کی داستانیں محفوظ ہیں۔
پشتو ہماری ثقافت کی وہ آواز ہے جو نسل در نسل منتقل ہوتی آئی ہے۔ یہ صرف بولنے کا ذریعہ نہیں بلکہ ہماری شناخت اور ہمارے ورثے کا ایک اہم حصہ ہے۔
ہمیں چاہیے کہ پشتو زبان کو صرف گھروں تک محدود نہ رکھیں بلکہ اسے تعلیم، ادب، تحقیق اور جدید ذرائع ابلاغ میں بھی فروغ دیں، تاکہ آنے والی نسلیں اپنی زبان، ثقافت اور تاریخ سے جڑی رہیں۔
پشتو ہماری زبان بھی ہے، ہماری پہچان بھی، ہماری ثقافت بھی اور ہماری تاریخ بھی۔
پشتو زندہ باد، ثقافت زندہ باد، امن پائندہ باد۔

06/08/2026

Police line Khyber

05/08/2026

شہید کی جو موت ہے وہ قوم کی حیات ہے

01/08/2026

ڈی ایس پی ملک عابد آفریدی کی رحمان بابا سرکل میں تعیناتی خوش آئند، عوام کو مؤثر اور بلاامتیاز پولیسنگ کی توقعات

پشاور: ڈی ایس پی ملک عابد آفریدی کی رحمان بابا سرکل میں تعیناتی کو عوامی و سماجی حلقوں میں ایک اہم پیش رفت قرار دیا جا رہا ہے۔ مختلف حلقوں کی رائے ہے کہ وہ ایک بہادر، فرض شناس، دیانت دار اور پیشہ ور پولیس افسر کے طور پر اپنی ذمہ داریاں انجام دینے کی شہرت رکھتے ہیں۔ اسی تناظر میں توقع ظاہر کی جا رہی ہے کہ ان کی تعیناتی سے علاقے میں قانون کی حکمرانی کو مزید مضبوط بنانے، جرائم کے مؤثر تدارک اور شہریوں کے جان و مال کے تحفظ کے لیے مثبت اقدامات سامنے آئیں گے۔

شہری حلقوں کے مطابق، سی سی پی او پشاور کی جانب سے ڈی ایس پی ملک عابد آفریدی کو رحمان بابا سرکل میں تعینات کرنا ایک اہم انتظامی فیصلہ ہے، جس سے عوام کو مؤثر پولیسنگ اور فوری کارروائی کی امیدیں وابستہ ہیں۔ ان کی پیشہ ورانہ صلاحیتوں اور فرض شناسی کے پیش نظر توقع کی جا رہی ہے کہ وہ جرائم پیشہ عناصر کے خلاف قانون کے مطابق بلاامتیاز کارروائی کو یقینی بنائیں گے اور امن و امان کے قیام کے لیے مؤثر حکمت عملی اپنائیں گے۔

مقامی عوام کا کہنا ہے کہ رحمان بابا سرکل مختلف نوعیت کے امن و امان کے چیلنجز کا حامل علاقہ ہے، جہاں منشیات فروشوں، قبضہ مافیا، بھتہ خوروں، اسلحہ کی نمائش کرنے والوں اور دیگر قانون شکن عناصر کے خلاف مستقل اور مربوط کارروائی کی ضرورت ہے۔ ان کا مؤقف ہے کہ ڈی ایس پی ملک عابد آفریدی کی تعیناتی سے ایسے عناصر کے خلاف قانونی کارروائیوں میں مزید تیزی اور مؤثریت آنے کی توقع ہے۔

شہریوں نے امید ظاہر کی کہ نئے ڈی ایس پی اپنی ٹیم کے ساتھ مل کر کمیونٹی پولیسنگ کو فروغ دیں گے، عوامی شکایات کا بروقت ازالہ کریں گے، تھانوں کی کارکردگی کو مزید بہتر بنائیں گے اور قانون کی بالادستی کو ہر صورت یقینی بنائیں گے۔ ان کا کہنا تھا کہ پولیس اور عوام کے درمیان اعتماد کا مضبوط رشتہ ہی پائیدار امن کی بنیاد ہے، اور اس مقصد کے لیے عوام بھی پولیس کے ساتھ بھرپور تعاون کریں گے۔

عوامی و سماجی حلقوں نے ڈی ایس پی ملک عابد آفریدی کے لیے نیک تمناؤں کا اظہار کرتے ہوئے امید ظاہر کی کہ وہ اپنی پیشہ ورانہ صلاحیتوں، جرات، دیانت داری اور فرض شناسی کے ذریعے رحمان بابا سرکل کو ایک پرامن، محفوظ اور جرائم سے پاک علاقہ بنانے میں مؤثر کردار ادا کریں گے۔