14/10/2026
باؤ جی فاؤنڈیشن آف ٹھرو کی عوامی خدمت کا سلسلہ جاری، مستحق مریضوں کا مفت علاج معالجہ
باؤ جی فاؤنڈیشن آف ٹھرو انسانیت کی خدمت میں پیش پیش، دکھی انسانیت کی خدمت کا مشن جاری رکھتے ہوئے ایک بار پھر عملی اقدام اٹھا لیا۔
تفصیلات کے مطابق باؤ جی فاؤنڈیشن آف ٹھرو کی جانب سے آج گاؤں ٹھرو سے مریضوں کو علاج معالجے کی غرض سے حسن میڈ سرجیکل ہسپتال ظفروال لے جایا گیا، جہاں فاؤنڈیشن کی جانب سے ان کے علاج معالجے کا انتظام کیا گیا اور طبی سہولیات فراہم کی گئیں۔
اس موقع پر باؤ جی فاؤنڈیشن کے سی ای او باؤ عابد سندھو اور چوہدری عدنان شاہد سندھو نے گفتگو کرتے ہوئے کہا کہ دکھی انسانیت کی خدمت ہماری اولین ترجیح اور زندگی کا اصل مقصد ہے۔ اللہ تعالیٰ کی رضا اور مخلوقِ خدا کی خدمت کے جذبے کے تحت شروع کیا گیا یہ فلاحی مشن ان شاء اللہ ہمیشہ جاری رہے گا۔
انہوں نے مزید کہا کہ باؤ جی فاؤنڈیشن کا مقصد غریب، نادار اور ضرورت مند افراد کی مشکلات کم کرنا اور انہیں صحت سمیت بنیادی سہولیات کی فراہمی میں ہر ممکن تعاون فراہم کرنا ہے۔ ہمارا عزم ہے کہ وسائل کی کمی کسی ضرورت مند مریض کے علاج میں رکاوٹ نہ بنے۔
باؤ عابد سندھو کا کہنا تھا کہ عوام کی بے لوث خدمت ہی ہمارا اصل سرمایہ ہے، ان شاء اللہ باؤ جی فاؤنڈیشن انسانیت کی خدمت کے لیے اپنی کاوشیں جاری رکھے گی۔
عوامی و سماجی حلقوں نے باؤ جی فاؤنڈیشن کی فلاحی خدمات کو سراہتے ہوئے اسے انسانیت کی خدمت کی بہترین مثال قرار دیا۔
باؤ جی فاؤنڈیشن آف ٹھرو — خدمتِ انسانیت، ہمارا عزم، ہمارا مشن!
