10/05/2026
مثالی پولیس کے مثالی کارنامے… مگر افسوس کہ 7 ماہ گزرنے کے باوجود آج تک اس کیس میں کوئی واضح پیش رفت نظر نہیں آرہی۔
یہ نہایت افسوس اور تشویش کا مقام ہے۔
خدارا انصاف کے تقاضے پورے کیے جائیں اور عمران کا سراغ لگایا جائے۔
آج کے جدید ٹیکنالوجی کے دور میں بھی اگر ایک نوجوان کا پتہ نہ چل سکے تو یہ سوال ضرور اٹھتے ہیں کہ آخر یہ صرف ناکامی ہے یا پھر کسی اثر و رسوخ کا نتیجہ؟
اگر پولیس چاہے تو ہفتوں کا کام دنوں میں مکمل ہو سکتا ہے، پھر آخر اس کیس میں سنجیدگی کیوں دکھائی نہیں دے رہی؟
عمران کا ایک نہ ایک دن ضرور پتہ چل جائے گا، لیکن اس کیس پر موجود سوالات اور اداروں کی خاموشی کا داغ کبھی نہیں مٹ سکے گا۔
ہم اپنے ایماندار، فرض شناس اور باکردار آفیسران کی قدر کرتے ہیں۔
تمام ادارے ہمارے اپنے ہیں، اور عوام کا اعتماد انہی اداروں سے وابستہ ہے۔
مگر افسوس کہ ایک نوجوان، جو اپنے ماں باپ کا اکلوتا بیٹا ہے، 19/10/2025 سے لاپتہ ہے اور آج تک اس کا کوئی سراغ نہیں مل سکا۔
یہ تحصیل بحرین کے لیے بھی انتہائی افسوسناک اور شرمناک صورتحال ہے کہ عمران اپنے ہی گاؤں سے لاپتہ ہوا، مگر آج تک معلوم نہ ہو سکا کہ آخر وہ کہاں گیا؟
زمین کھا گئی یا آسمان نگل گیا؟
ابھی تک کوئی ٹھوس کارروائی کیوں نہیں کی گئی؟
جدید ٹیکنالوجی موجود ہونے کے باوجود یا تو اسے بروئے کار نہیں لایا گیا، یا پھر اس کیس کو وہ اہمیت نہیں دی گئی جس کا یہ حق دار ہے۔
اب سوال تو ضرور اٹھیں گے۔
میرے تمام اعلیٰ حکام، بالا افسران اور فرض شناس اداروں سے مؤدبانہ گزارش ہے کہ اس کیس کو فوری طور پر سنجیدگی سے حل کیا جائے، تاکہ پولیس اور دیگر اداروں پر عوام کا اعتماد بحال ہو اور عوام کے تحفظ کو یقینی بنایا جا سکے۔
Voice of Justice PK
Solve Urgently This Case
