25/12/2025
⚠️ بجلی کی بدترین لوڈشیڈنگ کے خلاف عوام کا احتجاج ⚠️
کل بروز جمعہ لانگلہ، بناوں، بیلہ، سراں، دھنی، کوٹلی، کنیری ،سیری، باگھسر اور چھیلاں کے عوام بجلی کی بدترین اور غیر اعلانیہ لوڈشیڈنگ کے خلاف پُرامن احتجاج کر رہے ہیں۔
ان علاقوں کے عوام کئی بار ایس ڈی صاحب اور ضلع انتظامیہ کو اپنے مسائل سے آگاہ کر چکے ہیں، مگر افسوس کہ بار بار شکایات کے باوجود کوئی عملی اقدام نہیں اٹھایا گیا۔ عوام شدید مشکلات کا شکار ہیں، گھریلو زندگی، کاروبار، تعلیم اور روزمرہ معمولات بری طرح متاثر ہو چکے ہیں۔
اب عوام کا صبر جواب دے چکا ہے۔ یہ احتجاج کسی فرد یا ادارے کے خلاف نہیں بلکہ اپنے بنیادی حق کے لیے ہے۔ ہم مطالبہ کرتے ہیں کہ بجلی کی لوڈشیڈنگ کا فوری اور مستقل حل نکالا جائے، ورنہ احتجاج کا دائرہ وسیع کیا جائے گا۔
ہم اعلیٰ حکام سے اپیل کرتے ہیں کہ اس سنگین مسئلے کا فوری نوٹس لیں اور عوام کو ریلیف فراہم کریں۔
عوام متحد ہیں — حق لے کر رہیں گے۔
