People of Muzaffarabad

تین دریاوں کی سرزمین پاکستانی زیر انتظام کشمیر کا دارلحکومت ضلع مظفرآباد زیریں کہنار وادی ، نیلم وادی اور جہلم وادی کے درمیان واقع ہے۔گہرے نیلگوں آسمانوں مخملی زمینوں ، عمیق جھیلوں ، گنگناتے جھرنوں ۔ غراقی ندیوںکھلی وادیوں ، تنگ گھاٹیوں ، کو جب یکجا کیا گیا تو مظفرآباد صورت پزیر ہوا ۔
مہاراجہ گلاب سنگھ نے اپنی زندگی ہی میں اپنا رنبیر سنگھ کو بیشتر کاروبار حکومت سونپ دیا اور خود شمالی کشمیر گلگت

کی مہمات میں مصروف ہو گیا۔ سکھ اور ہندو اب رنجیت سنگھ کے بعد اسی کی ، اپنا مرّبی اور چارہ ساز سمجھنے لگے۔ چنانچہ سکھوں اور ہندوں کی خاصی تعداد ریاست کے سرحدی مقامات پر آ کر آباد ہو گئی۔ خاص کر مظفرآباد شہر کا نشیبی علاقہ ، انہی کے زمانے میں ہی ”گوردوارہ، چھٹی پادشاہی©©“ کی بنیاد ڈالی۔ یاد رہے کہ مہاراجہ گلاب سنگھ کے 1273ھ میں تقریباً گیارہ(11)سالہ دور حکومت کے بعد ، اس کی وفات پر مہاراجہ رنبیر سنگھ سریرآرائے مملکت ہوا۔ اس سے پہلے ہی مہاراجہ گلاب سنگھ، شہر مظفرآباد سے سلاطین بمبہ کو وظائف دے کر چھوٹی چھوٹی جاگیروں میں منتشر کر چکا تھا اور اب مظفرآباد شہرمیں سکھوں اور ہندوں کو آباد کرنے میں بظاہر کوئی رکاوٹ نہ رہی تھی لہذا علاقہ چھچھ اور گردونواح کے کئی ہندو خاندان جن میں دہرے اورمے، شرمے ، برہمن، سیٹھی ، کپور ، ٹھاکر اور کئی قوموں پر مشتمل تھے۔ مظفرآباد کے وسطی اور نشیبی حصے میں آباد ہو گئے تھے۔ دیکھتے ہی دیکھتے انہوں نے اپنے کئی مندر اور صنم خانے تعمیر کر لےے۔ شہر کے ارد گرد اکثر دریا کے قریب میٹھے پانیوں کے بیسیوں چشمے ہیں جن کے قریب بھی ہندوں نے اپنے پوجا پاٹ اور گیان دھیان کے لےے چھوٹے چھوٹے مراکز قائم کرنے اور بعض چشموں پر ہندوں کی دیکھا دیکھی مسلمانوں نے بھی اپنا عمل دخل بڑھا لیااور بعض مقامات ایسے بھی تھے جہاں ایک سل پر ہندو پوجا پا ٹکرتا تھا اور دوسری سل پر مسلمان بارگِاہ ایزدی میں سجدہ ریز ہوتا۔ مسلمانوں کی شہر میں کئی مسجدیں پہلے ہی سے موجود تھیں۔ ان میں جامع مسجد سلطانی، خود سلطان مظفرخان ضلع مظفرآباد کے رہائشی کوارٹر میں بدل گئی اور آجکل سٹی شا]پنگ پلازہ تعمیرہے ۔ ایک اور جامع مسجد شہر کی شمالی سمت میں موسومہ حمام والی مسجد ہے۔ یہ بھی سلاطین بمبہ کے زمانے کی ہے۔ اس کے علاوہ بازار والی مسجد شہر کے وسط میں، کٹھہ والی مسجد اور شاہناڑہ مسجد شہر کے بالائی حصہ میں میں ہیں جہاں آجکل جمعہ کی نمازیں اد اہوتی ہیں اور ان میں سے اکثر کو اس غرض کے لےے فراخ اور کشادہ کر لیا گیا ہے۔ 1947¾ ءسے پہلے شہر میں نماز جمعہ صرف اول الذِکر دو مساجد میں ادا ہوتی تھیں، جن میں مظفرآباد کے قریبی مقامات کے مسلمان بھی جمعہ ادا کرنے کے لےے آتے تھے۔ ایسے مواقع پر شہر بھر میں رونق اور چہل پہل ہوا کرتی تھی۔ شہر کے مغربی حصہ میں مَلکَُوں کے محلہ کی ایک مسجد بھی قدیم ہے۔ یہاں بھی آج کل جمعہ کی نماز ادا کی جاتی ہے اور اسے بھی فراخ اور وسیع کر دیا گیا ہے۔ ان قدیمی مساجد کے علاوہ 1947ءکے بعد بیشمار نئی مسجدیں بھی تعمیر ہوئی ہیںجہاں نماز پنجگانہ اور جمعہ کی نمازیں ہوتی ہیں۔
سادہ لوح اور خوش مزاج باسیوں کا یہ شہر بے شمار خو بیوں کا حامل ہے ۔سلاطین بمبہ ہی کے زمانہ میںکئی کشمیر ی خاندان بارہمولہ کے مضافات ، پونچھ اور کشمیر کے دیگر علاقوں سے یہاں آکر آباد ہو گئے اور یہ سلسلہ بعد میں بھی دیر تک جاری رہا ۔ ان میں کشمیری خاندانوں میں میر، گنائی،کنٹ ، ڈار ، بانڈے ، دھمن ، ہرجی ، پلہاجی، عمر چال۔گرستے ، شیخ ، پیڈت، صوفی، ماکنوں،مینگنو، قریشی، موّ اور کئی دیگر اقوام شامل ہیں۔ جو گھروں میں ابھی تک کشمیری کو مادری زبان کے طور پر بولتے ہیں ، اور تمدن و تہذیب ، لباس و عادات و اطوار اور کھانے پینے اور شادی بیاہ سے بھی زیادہ تر۔ انکے کشمیری طور طریقوں ہی کی نمائندگی اور عکاسی ہوتی ہے۔ یہ کشمیری خاندان زیادہ تر تجارت ، پارچہ بافی، نجاری، گلگاری، صناعی، خطاطی اور دیگر کسی یاک شعبہ ہائے زیست سے تعلق رکھتے ہیں۔ اس طرح ضلع ہزارہ ، علاقہ پوٹھوہار سے مسلمانوں کے کئی خاندان یہاں آکر بس گئے ان میں ملک قریشی ، کیانی ، ترک ، خواجہ م چوہان ، شیخ ، مغل اور اعوان وغیرہ وغیرہ شامل ہیں۔