22/09/2025
یہ ویڈیو کسی کی تذلیل نہیں ہے، بلکہ ایک آئینہ ہے اُن لوگوں کے لیے جو یہ سوال کرتے ہیں کہ “ہمارے والدین نے ہمارے لیے کیا کیا؟” یا پھر وہ چند خواتین جو اسکرینوں پر بیٹھ کر صرف “میرا جسم میری مرضی” جیسے نعرے لگاتی ہیں۔ یہ دراصل ایک پیغام ہے کہ دیکھو! یہ وہ مرد ہیں جو دن رات، چوبیس گھنٹے اپنے اہلِ خانہ کے لیے پسینہ بہاتے ہیں۔
یہ وہ نوجوان ہیں جن کی عمریں خوشیوں اور عیاشیوں میں گزرنی چاہئیں، مگر غربت نے ان کے شوق چھین لیے۔ وہ اپنی خواہشات کو قربان کرکے اپنے ماں باپ، بہن بھائیوں اور بیوی بچوں کی خوشیوں کے لیے دن کو دن اور رات کو رات نہیں سمجھتے۔ وہ پردیس کی سختیاں سہتے ہیں، تنہائی جھیلتے ہیں اور اپنے وطن والوں کے لیے اپنی جوانی قربان کرتے ہیں۔
ایسے محنت کش ویٹرز، مزدوروں اور لیبرز کی عزت کرنا، ان کی حوصلہ افزائی کرنا اور ان کی قربانیوں کو تسلیم کرنا ہمارا اخلاقی اور انسانی فرض ہے۔ یہ لوگ اصل ہیرو ہیں، یہ وہ ستون ہیں جن پر خاندانوں کی خوشیاں کھڑی ہیں۔ ان کا احترام کرنا صرف ان کی نہیں، بلکہ ہماری اپنی انسانیت کی بھی جیت ہے
