Humdard C.O Budhla Sant

Humdard C.O Budhla Sant We are trying to serve humanity with a joyful heart Never expecting to receive any credit

19/03/2026

الحمدللہ، جیسے ہر سال رمضان المبارک کے بابرکت ایام میں اپنے آزمائش زدہ بہن بھائیوں کو یاد رکھا جاتا ہے، اسی طرح اس سال بھی 29 رمضان کو چند مخلص بھائیوں کے تعاون سے 50 گھرانوں کیلئے ایک چھوٹے سے عید پیکٹ کا اہتمام کیا گیا۔
اس پیکٹ کا مقصد صرف ضرورت پوری کرنا نہیں، بلکہ ان چہروں پر مسکراہٹ لانا تھا ، تاکہ عید کے دن وہ بھی اپنے بچوں کے ساتھ خوشی سے بیٹھ کر اچھا کھانا کھا سکیں اور عید کی خوشیوں میں شامل ہو سکیں۔
اس عید پیکٹ میں چینی، گھی، بڑا گوشت اور 2500 نقد عیدی شامل کی گئی۔کل(1250000)، تاکہ گھر کا ہر فرد، خاص طور پر معصوم بچے، عید کی خوشی کو بھرپور انداز میں محسوس کر سکیں۔

18/03/2026

رمضان المبارک رحمت، برکت اور ایثار کا مہینہ ہےوہ وقت جب ہم اپنی خوشیوں میں دوسروں کو بھی شریک کرتے ہیں۔
اسی جذبے کے تحت، دو بھائیوں کے تعاون سے ( ہر سال کی طرح) اس بار بھی عید سے ایک دن پہلے مستحق خاندانوں میں راشن پیکٹس تقسیم کیے جائیں گے، تاکہ ہر گھر میں عید کے دن خوشی اور اچھے کھانے کا اہتمام ہو سکے۔
ہر پیکٹ میں شامل ہوگا:
✨ سویاں
✨ چینی
✨ گھی
✨ بڑا گوشت
اس کے ساتھ ہماری ہمیشہ یہ کوشش رہی ہے کہ کچھ نقد رقم عیدی کی صورت میں تقسیم کی جائے
اگر آپ بھی اس کارِ خیر میں حصہ لینا چاہتے ہیں چاہے راشن کی صورت میں یا کیش کے ذریعے تو براہِ کرم ہمدرد چیریٹی آرگنائزیشن کی ٹیم سے رابطہ کریں۔

الحمدللہ، ہمدرد چیریٹی آرگنائزیشن حسبِ معمول اپنے دیگر فلاحی منصوبوں کی طرح قبرستان بدھلہ سنت کی دیکھ بھال بھی بھرپور ذم...
13/03/2026

الحمدللہ، ہمدرد چیریٹی آرگنائزیشن حسبِ معمول اپنے دیگر فلاحی منصوبوں کی طرح قبرستان بدھلہ سنت کی دیکھ بھال بھی بھرپور ذمہ داری اور احسن طریقے سے انجام دے رہی ہے۔ چاہے قبرستان کی صفائی کا باقاعدہ نظام ہو، نئے پودے لگانے کا عمل ہو یا پہلے سے موجود درختوں اور پودوں کی دیکھ بھال، یہ تمام امور مسلسل اور منظم انداز میں جاری ہیں۔
اس سلسلے میں ایک مخیر بھائی کی جانب سے تقریباً دو سو سایہ دار درخت عطیہ کیے گئے ہیں۔ الحمدللہ ان میں سے کچھ درخت پہلے ہی لگائے جا چکے ہیں جبکہ باقی درخت بھی مرحلہ وار لگائے جا رہے ہیں تاکہ قبرستان کا ماحول سرسبز و شاداب اور پرسکون بنایا جا سکے۔
درختوں اور پودوں کی مناسب دیکھ بھال کے لیے پانی کا باقاعدہ انتظام بھی کیا گیا ہے۔ اس مقصد کے لیے جنریٹر سے چلنے والی موٹر کے ذریعے پانی فراہم کیا جاتا ہے، اور اس موٹر کے لیے درکار پٹرول بھی مکمل طور پر ہمدرد چیریٹی آرگنائزیشن کی طرف سے مہیا کیا جاتا ہے۔
اللہ تعالیٰ تمام معاونین اور خدمت میں حصہ لینے والے افراد کو جزائے خیر عطا فرمائے اور اس نیک کام کو قبول فرمائے۔ آمین۔

الحمدللہ۔ مارچ 2026 کا ماہانہ راشن 46 مستحق گھرانوں میں تقسیم کرنے کےلئے لوڈ کیا جا رہا ہے۔ اپنے بہن بھائیوں کی عزت نفس ...
02/03/2026

الحمدللہ۔
مارچ 2026 کا ماہانہ راشن 46 مستحق گھرانوں میں تقسیم کرنے کےلئے لوڈ کیا جا رہا ہے۔
اپنے بہن بھائیوں کی عزت نفس مجروح نا ہو اس لیئے تقسیم رات کی تاریکی میں کی جاتی ہے
ہر گھرانے کو ایک ہمدرد بھائی کی جانب سے چار ہزار روپے نقد بھی دیے جائیں گے۔
“اگر تم صدقات ظاہر کر کے دو تو بھی اچھا ہے، اور اگر پوشیدہ رکھ کر فقراء کو دو تو یہ تمہارے لیے زیادہ بہتر ہے”

الحمدللہ۔جنوری میں 37 اور فروری میں 40 گھرانوں تک راشن پہنچایا گیااور ان شاءاللہ مارچ میں 46 مستحق گھرانوں کی خدمت کی جا...
28/02/2026

الحمدللہ۔
جنوری میں 37 اور فروری میں 40 گھرانوں تک راشن پہنچایا گیااور ان شاءاللہ مارچ میں 46 مستحق گھرانوں کی خدمت کی جائے گی۔ یہ سب آپ بہن بھائیوں کی محبت، اعتماد اور اجتماعی محنت کا ثمر ہے۔
یہ ضروری نہیں کہ آپ ہزاروں یا لاکھوں سے ہی ساتھ دیں۔ چند روپے بھی اگر خلوص کے ساتھ ہوں تو وہی اصل برکت اور بہترین صلہ کا سبب بنتے ہیں۔
گزشتہ دنوں 1 لاکھ، 50 ہزار، 40 ہزار، 20 ہزار اور 7 ہزار روپے زکوٰۃ موصول ہوئی۔ دینے والے چاہتے تو اپنی مدد آپ کے تحت خود بھی یہ امداد مستحقین تک پہنچا سکتے تھے، مگر انہوں نے اجتماعی طریقے کو ترجیح دی تاکہ کام زیادہ منظم، منصفانہ اور بابرکت انداز میں انجام پائے۔
آپ ہی جیسے مخلص بھائیوں کی شفقت سے ان گھرانوں کے لیے نئے کپڑوں کا انتظام کیا گیا ہے۔ ان شاءاللہ آئندہ راشن کے ساتھ کچھ کیش کا اہتمام کیا جائے گا، اور عید سے پہلے مزید خدمت کا اہتمام بھی کیا جائے گا۔
اللہ ہم سب کی کاوشوں کو قبول فرمائے اور اس خدمت کو ہمارے لیے ذریعۂ برکت بنائے۔

الحمدللہ، ہر سال کی طرح اس مرتبہ بھی ہمدرد ٹیم کے ایک ذمہ دار رکن نے آزمائش زدہ بہن بھائیوں کے لیے نئے کپڑوں کا انتظام ک...
26/02/2026

الحمدللہ، ہر سال کی طرح اس مرتبہ بھی ہمدرد ٹیم کے ایک ذمہ دار رکن نے آزمائش زدہ بہن بھائیوں کے لیے نئے کپڑوں کا انتظام کیا ہے۔ اور اللّٰہ کے فضل سے تقریباً لاگت (280000) سے180 نئے، ان سلے سوٹ مستحق گھرانوں میں تقسیم کیئے گئے، جن میں لیڈیز، جینٹس اور بچوں کے ملبوسات شامل ہیں۔ یہ سوٹ 46 گھروں تک پہنچائے گئے۔

بار بار یاددہانی کا مقصد صرف منصفانہ تقسیم کو یقینی بنانا ہے۔ کوئی مخیر حضرات راشن کا انتظام کرتے ہیں، کسی کی طرف سے کپڑے فراہم کیے جاتے ہیں، اور کوئی کیش دینے کی نیت رکھتا ہے۔ اگر سب احباب باہمی مشاورت سے ایک جگہ بیٹھ کر فیصلہ کریں تو ایک ہی گھرانے کو بار بار ایک جیسی امداد دینے کے بجائے مختلف ضرورتوں کو پورا کیا جا سکتا ہے۔
اجتماعی مشاورت سے نہ صرف شفافیت بڑھتی ہے بلکہ زیادہ سے زیادہ مستحق خاندانوں تک متوازن اور باعزت طریقے سے سہولت پہنچائی جا سکتی ہے۔ اللہ تعالیٰ تمام مخیر حضرات کو جزائے خیر عطا

السلام وعلیکم تمام ہمدرد چیرٹی آرگنائزیشن سے منسلک ہمدرد بہن بھائیوں کو مطلع کیا جاتا ہے کہ اگر آپ اس ماہ مبارک میں اپنی...
25/02/2026

السلام وعلیکم
تمام ہمدرد چیرٹی آرگنائزیشن سے منسلک ہمدرد بہن بھائیوں کو مطلع کیا جاتا ہے کہ اگر آپ اس ماہ مبارک میں اپنی زکوٰۃ یا فنڈز کی رقم صرف اور صرف راشن کی صورت میں ضرورت مند بہن بھائیوں تک پہنچانا چاہتے ہیں تو براہِ کرم مارچ کے آغاز میں ٹیم سے رابطہ کر لیں۔
ہماری کوشش ہے کہ آپ کی امانت درست مستحقین تک،سنت نبوی کے مطابق رات کی تاریکی میں منصفانہ انداز میں اور بر وقت پہنچے۔
تاہم اگر آپ راشن یا کسی اور مد میں عطیہ دینا چاہتے ہیں تو بھی آپ ٹیم سے مشورہ کر سکتے ہیں۔

اللہ تعالیٰ ہم سب کی نیتوں کو قبول فرمائے اور ہمیں ایک دوسرے کا سہارا بننے کی توفیق عطا فرمائے۔ آمین۔

زکوٰۃ کی منصفانہ اور منظم تقسیم کے نظام کو مدنظر رکھتے ہوئے آج ہمدرد سے جڑےایک اور بھائی کی جانب سے پچاس ہزار روپے زکوٰۃ...
23/02/2026

زکوٰۃ کی منصفانہ اور منظم تقسیم کے نظام کو مدنظر رکھتے ہوئے آج ہمدرد سے جڑےایک اور بھائی کی جانب سے پچاس ہزار روپے زکوٰۃ کی مد میں موصول ہوئے ہیں۔ انہوں نے ہمارے شفاف اور متوازن نظام سے متاثر ہو کر یہ اعتماد کیا، جس پر ہم دل کی گہرائی سے شکر گزار ہیں۔ اللہ تعالیٰ ان کے مال و جان میں برکت عطا فرمائے اور اسے ان کے لیے بہترین اجر کا ذریعہ بنائے۔
ہماری کوشش یہی ہے کہ زکوٰۃ اس طرح تقسیم ہو کہ کوئی بھی مستحق نظر انداز نہ ہو، اور نہ ہی بار بار چند مخصوص افراد تک ہی امداد محدود رہے۔ انصاف اور برابری کے اصول کے تحت ہر حقدار تک اس کا حق پہنچانا ہمارا بنیادی مقصد ہے۔
آپ سب کی دعاؤں اور تعاون سے یہ خدمت جاری ہے۔ اللہ تعالیٰ ہمیں امانت اور دیانت کے ساتھ یہ ذمہ داری ادا کرنے کی توفیق عطا فرمائے۔ آمین

الحمدللہ، ایک ہمدرد بھائی کی جانب سے 1,007,20 روپے زکوٰۃ کی مد میں موصول ہوئے۔ یہ رقم فوری طور پر شرعی مصارف کو مدِنظر ر...
22/02/2026

الحمدللہ،
ایک ہمدرد بھائی کی جانب سے 1,007,20 روپے زکوٰۃ کی مد میں موصول ہوئے۔ یہ رقم فوری طور پر شرعی مصارف کو مدِنظر رکھتے ہوئے فروری 2026 کے راشن بل کی ادائیگی میں خرچ کر دی گئی، تاکہ مستحق گھرانوں کے چولہے بروقت روشن رہیں۔
ہم تمام اہلِ علاقہ سے مؤدبانہ گزارش کرتے ہیں کہ راشن یا کسی بھی بڑی امداد کی تقسیم سے قبل براہِ کرم "ہمدرد چیرٹی آرگنائزیشن" سے ضرور مشورہ کر لیا کریں۔ اس سے آپ کو مکمل اور مستند تفصیلات فراہم کی جا سکیں گی کہ کن افراد کو راشن مل چکا ہے، کن کو کپڑے فراہم کیے گئے ہیں، اور کن گھرانوں کو نقد امداد دی جا چکی ہے۔
باہمی رابطے اور مشاورت سے نہ صرف امداد کی منصفانہ تقسیم ممکن ہوتی ہے بلکہ کسی بھی قسم کی تکرار یا محرومی سے بھی بچا جا سکتا ہے۔ اللہ تعالیٰ ہم سب کو اخلاص کے ساتھ خدمت کی توفیق عطا فرمائے۔

Address

Budhla Sant Multan
Multan
60000

Telephone

03036915142

Website

Alerts

Be the first to know and let us send you an email when Humdard C.O Budhla Sant posts news and promotions. Your email address will not be used for any other purpose, and you can unsubscribe at any time.

Shortcuts

Share

Category