14/03/2026
الخدمت نعمت اللہ خان ہسپتال تھرپارکر مٹھی۔۔۔۔
ضلع تھرپارکر اور اس کے قرب و جوار کے اضلاع کی عوام کو معیاری صحت کی سہولیات فراہم کرنے والا ایک مثالی ادارہ بن چکا ہے۔
گزشتہ 8 برسوں کے دوران اس ہسپتال نے لاکھوں مریضوں کا علاج کیا، ہزاروں کامیاب سرجریز انجام دیں، کروڑوں روپے کی ادویات مستحق مریضوں کو مفت فراہم کیں اور لاکھوں لیب ٹیسٹ کے ذریعے انسانیت کی خدمت کی ایک روشن مثال قائم کی۔
آج ہسپتال انتظامیہ کی جانب سے تھرپارکر کے معززین، ڈاکٹرز، سرکاری افسران، عمائدینِ شہر، ججز، وکلاء اور ہسپتال کے محنتی عملے کے اعزاز میں ایک پُروقار گرینڈ دعوتِ افطار کا اہتمام کیا گیا۔
یہ تقریب دراصل اس اجتماعی خدمتِ انسانیت کو خراجِ تحسین پیش کرنے اور معاشرے کے مختلف طبقات کے درمیان تعاون اور خیر کے جذبے کو مزید مضبوط بنانے کی ایک خوبصورت کاوش تھی۔
اللہ تعالیٰ اس خدمت کو قبول فرمائے اور اس ادارے کو مزید ترقی عطا فرمائے۔ آمین۔
