18/05/2026
تحصیل چارباغ کے سیاسی و سماجی مشران اور ملم جبہ عوامی جرگہ کی کوششوں سے سپینے اوبو کے دو بڑے خاندانوں کے درمیان اختلافات ختم ہوگئے۔ صلح کے موقع پر سپینے اوبو میں حاجی دوست محمد خان کے حجرے میں گرینڈ جرگے کا انعقاد کیا گیا، جس میں دونوں خاندانوں کے مشران و نوجوانوں نے تمام اختلافات بھلا کر علاقے کے لوگوں کے سامنے ایک دوسرے کو گلے لگایا، سپینے اوبو کے سیدان خاندان کے سید میاں شیر علی، سید آفتاب علی و میاں سید اور اوریا خیل خاندان کے حاجی دوست محمد خان، سجاد خان، اقبالی خان و راحت شاہ کے درمیان کافی عرصے سے تنازع چل رہا تھا، جو کئی بار ہاتھا پائی اور جانی نقصان تک پہنچ گیا تھا، علاقے میں بھائی چارے کی فضا قائم رکھنے کے لیے تحصیل چارباغ کے سیاسی و سماجی مشران نے بھرپور کردار ادا کیا۔ ان میں سابقہ امیدوار جے یو آئی پی کے 5 ثناءاللہ خان، تحریک انصاف کے حیدر علی ایڈوکیٹ، ملم جبہ عوامی جرگہ کے ترجمان شاہ روان خان، جرگہ کور کمیٹی کے ممبران چیئرمین ملم جبہ سید ذاکر اللہ، مسلم لیگ کے ضلعی رہنماء ابرار خان، نیک عمل خان، سید علاؤالدین سمیت کور کمیٹی کے اکثریتی ممبران اور دیگر معززین علاقہ شامل تھے،ملم جبہ عوامی جرگہ اور تحصیل چارباغ کے دیگر سیاسی و سماجی مشران کی کاوشوں سے دونوں خاندانوں کے درمیان نفرتیں محبتوں میں بدل گئیں اور علاقے میں امن و بھائی چارے کا پیغام عام ہوا۔
