28/09/2025
مِستائی۔۔۔۔۔۔۔!!!!
کنا اولیکو پٹ و پولی (تحقیقی) کتاب تینا جند انا لمئی بولی 'براھوائی' ٹی "بولان بک کارنر شال" نا پارہ غان چھاپ و شینک مسونے۔
دا کتاب کیہی وخت نا پٹ و پول، گام گیج، پند خواری، انتظار و بے تغی تیان پد سرسہبی اٹ نما دوٹی بننگ اٹی ءِ ہندا سوب آن ای خیال کیوہ کہ دا کتاب آخا بلوچستان تون کنا کبین آ مہر اتا درشانی و اسہ کڑمب ءُ راجی ءُ کلہؤ ئسے ہرانا ڈیہہ و راج اکن درشانی اسہ غلام ءُ قوم اسے کن بھاز کبین ءُ کاریم ہس مریک۔
ہندا سوب آن، ای خیال کیو کہ دا کتاب ہس اف دا راستوکی نا پیامبر ئسے۔
دا لوز اخا کنا است انا دڑّکو کو!
دا لووز آک کنا افس نما ءُ______ہندن، دنکہ بلوچستان پین کس انا ابا نا اف، کنا، نُما و نن کل انا ءِ۔
دا پین ہچ نئے، بلوچستان تون کنا مہر ءِ ہرا سما اف کہ کنے لمہ جان نا کُٹ آن رسینگانے یا نیمرغ و شُور انا گلزمین نا مِش تیٹی مِشی پُتاری مریسا کنے ٹی آبوشینگانے۔
دا ہمو مہر آکو ہرافتا درشانی ءِ ای است اٹ کریٹ و لووز آک خُلنگِسا ہنار۔ ایسر کتابی دروشم اٹ نما مون آ بسر۔
باور کیس دا کنتون اوار ہر ہمو بندغ کن گل بالی نا ہیت ئسے ہرادے دا ڈیہہ اتون مہر ارے۔
اگہ نم لمئی بولی تون مہر کیرے گڑا دادے ہلبو خوانبو، اخا تو (خدا کپ)، گڑا گلزمین نا مہر آن دا کتاب ءِ ہلبو خوانبو ہرانا پن آ دا کتاب نوشت مسونے،
ہمو گلزمین:
ہرا کہ یکہ ٹپی ٹوری ءِ
ہراڑان دِتر نا گند بریک
و
"ہرا تیبہ سال دِتر کیدِک"
یات سلے دا کنا طفلانہ چال ءِ و کنا اولیکو کتاب ءِ، ہراٹی کمبوتی مننگ الّمی ئے۔ ہندا سوب آن کتاب ءِ خواننگ آن گڈ، نما تنقید و اصلاح تا وداری مروٹ!!!
کتاب "یونیورسٹی آف بلوچستان بک پوائنٹ" آ نما وداری ءِ۔ ہموکان دوئی کریسا کنا مہر اتا ہنین آ تام آن تینا مزغ اتے سِلہ بند کبو۔
نُما
مہر اتیکن مَلاس آ:
جعفر قمبرانی (بلوچ)
