Aghosh Special Person Welfare Organization Mardan

27/05/2026

13/05/2026

آغوش سپیشل پرسنز ویلفیئر آرگنائزیشن کی ایک اور کڑی
​آغوش سپیشل پرسنز ویلفیئر آرگنائزیشن ہمیشہ سے معاشرے کے پسماندہ اور خصوصی افراد کے چہروں پر مسکراہٹیں بکھیرنے کے لیے کوشاں ہے۔ اسی مشن کو جاری رکھتے ہوئے، عید الاضحیٰ کی خوشیوں میں خصوصی افراد کو شریک کرنے کے لیے ایک پروقار تقریب کا انعقاد کیا گیا۔
​اس تقریب میں ڈسٹرکٹ مردان سے تعلق رکھنے والے 20 مستحق خصوصی افراد میں عید گفٹ کے طور پر نقد رقم تقسیم کی گئی، تاکہ وہ بھی عید کی خوشیاں بھرپور طریقے سے منا سکیں۔
​پروگرام کی رونق بڑھانے اور خصوصی افراد کی حوصلہ افزائی کے لیے درج ذیل شخصیات نے بطور مہمانِ خصوصی شرکت کی:
​جناب ساجد آفریدی صاحب (ریجنل سپورٹس آفیسر، مردان)
​جناب اصغر مہمند صاحب (معروف سوشل ورکر)
​جناب ڈاکٹر عبد الودود صاحب ( معروف سوشل ورکر)
​مہمانِ خصوصی صاحبان نے آغوش تنظیم کی خدمات کو سراہتے ہوئے کہا کہ "خصوصی افراد ہمارے معاشرے کا اہم حصہ ہیں اور ان کی خدمت کرنا ہم سب کی اخلاقی ذمہ داری ہے۔" دیگر شرکاء نے بھی تنظیم کے جذبے کو خراجِ تحسین پیش کیا۔
​ہم ان تمام مخیر حضرات اور دوستوں کے مشکور ہیں جن کے تعاون سے یہ پروگرام ممکن ہو سکا۔ اللہ تعالیٰ ہماری اس چھوٹی سی کوشش کو قبول فرمائے۔ (آمین)
​

23/04/2026

جذبے کی جیت: مردان میں خصوصی افراد کے لیے شاندار سپورٹس گالا کا انعقاد! 🏆⭐
​ڈسٹرکٹ ایڈمنسٹریشن مردان اور ریجنل سپورٹس آفس کے تعاون سے خصوصی افراد Persons with different abilities کے لیے ایک پروقار سپورٹس گالا کا انعقاد کیا گیا، جس میں کھلاڑیوں نے اپنی معذوری کو مجبوری نہیں بلکہ طاقت بنا کر سب کے دل جیت لیے.
​اس پورے ایونٹ کی کامیابی میں آغوش (Aghosh) کی ٹیم نے بطور ٹیکنیکل پارٹنر کلیدی کردار ادا کیا اور اپنی ماہرانہ خدمات سرانجام دیں۔
​بھرپور شرکت: ضلع مردان بھر سے سپیشل پرسنز نے بڑی تعداد میں شرکت کی اور مختلف کھیلوں میں اپنی صلاحیتوں کا لوہا منوایا۔
​مردان سٹارز کی شاندار کامیابی! 🥇
​ایونٹ کے سب سے سنسنی خیز مقابلوں میں "مردان سٹارز" کی ٹیم نے میدان مار لیا۔ زوار حسین کی بہترین نگرانی اور قیادت میں ٹیم نے ناقابلِ یقین کارکردگی دکھائی اور درج ذیل مقابلوں کے فائنلز اپنے نام کیے:
​🏏 ویل چیئر کرکٹ (فاتح)
🏀 ویل چیئر باسکٹ بال (فاتح)
🏸 اسٹینڈنگ بیڈمنٹن (فاتح)
​"حوصلہ ہو تو راہیں خود بخود بن جاتی ہیں۔ یہ کھلاڑی ہمارے معاشرے کا فخر ہیں!"
​ڈسٹرکٹ ایڈمنسٹریشن اور سپورٹس آفس کا یہ اقدام نہ صرف ان کھلاڑیوں کی حوصلہ افزائی کا باعث بنا بلکہ معاشرے میں شمولیت (Inclusion) کا ایک مثبت پیغام بھی دیا۔ تمام جیتنے والے کھلاڑیوں اور منتظمین کو بہت بہت مبارک باد! شکریہ ڈسٹرکٹ ایڈمنسٹریشن اینڈ ریجنل سپورٹس آفس
​

09/04/2026

آغوش سپیشل پرسنز ویلفیئر آرگنائزیشن مردان کے چیئرمین زوار حسین نے نو تعینات ڈسٹرکٹ آفیسر (سوشل ویلفیئر) مردان جناب محمد یونس باچا صاحب سے ملاقات کی۔ اس موقع پر انہوں نے نئے ڈی او کو ان کی تعیناتی پر دل کی گہرائیوں سے خوش آمدید کہا اور نیک خواہشات کا اظہار کیا۔

ملاقات کے دوران خصوصی افراد (Persons with Disabilities) کو درپیش مسائل، ان کے حقوق، اور ان کی فلاح و بہبود کے لیے جاری اور آئندہ اقدامات پر تفصیلی گفتگو کی گئی۔ زوار حسین نے اس عزم کا اظہار کیا کہ آغوش آرگنائزیشن سوشل ویلفیئر ڈیپارٹمنٹ کے ساتھ مل کر خصوصی افراد کی زندگی بہتر بنانے کے لیے ہر ممکن تعاون جاری رکھے گی۔

ڈی او سوشل ویلفیئر مردان نے بھی اس موقع پر مکمل تعاون کی یقین دہانی کروائی اور کہا کہ خصوصی افراد کی فلاح ان کی اولین ترجیح ہے۔

03/03/2026

رمضان المبارک کی بابرکت ساعتوں میں آغوش سپیشل پرسنز ویلفیئر آرگنائزیشن کے معزز ٹیم ممبرز نے مل کر ایک پُروقار اور پُرخلوص افطار پارٹی کا اہتمام کیا۔ 🌙✨

اس خوبصورت موقع پر سب نے باہمی محبت، یگانگت اور بھائی چارے کے جذبے کے تحت روزہ افطار کیا۔ دعا ہے کہ اللہ تعالیٰ ہماری اس کاوش کو قبول فرمائے اور ہمیں ہمیشہ انسانیت کی خدمت کے لیے متحد رکھے۔ 🤲💖

یہ محفل صرف افطار تک محدود نہ تھی بلکہ اس نے ٹیم کے درمیان تعلقات کو مزید مضبوط کیا اور خدمتِ خلق کے عزم کو تازہ کیا۔

14/02/2026

انتہائی افسوس کے ساتھ اطلاع دی جاتی ہے کہ **آغوش اسپیشل پرسنز ویلفیئر آرگنائزیشن مردان** کے چیئرمین **زوار حسین** کی والدہ محترمہ انتقال فرما گئی ہیں۔

مرحومہ کی مغفرت، درجات کی بلندی اور لواحقین کے لیے صبرِ جمیل کی دعا کی درخواست ہے۔
اللہ تعالیٰ مرحومہ کو جنت الفردوس میں اعلیٰ مقام عطا فرمائے اور پسماندگان کو یہ صدمہ برداشت کرنے کی ہمت دے۔ آمین نماز جنازہ :2:30pm

13/02/2026

فخرِ مردان! 🌟🏏

مردان آغوش ٹیم کے سٹار ویل چیئر کرکٹ پلئیر **ساجد خان** نے فیصل آباد میں جاری **5th قائد اعظم ٹرافی** میں شاندار کارکردگی کا مظاہرہ کرتے ہوئے دلکش اور تاریخی سنچری اسکور کی۔ ان کی ذمہ دارانہ اور جارحانہ بیٹنگ نے نہ صرف شائقینِ کرکٹ کے دل جیت لیے بلکہ ٹیم کی جیت میں بھی کلیدی کردار ادا کیا۔

ساجد خان نے میدان میں اپنی مہارت، حوصلے اور عزم کا عملی ثبوت دیا اور ثابت کر دیا کہ محنت اور لگن کے سامنے کوئی رکاوٹ بڑی نہیں ہوتی۔ ان کی یہ سنچری صرف ایک انفرادی کارنامہ نہیں بلکہ پورے مردان کے لیے باعثِ فخر لمحہ ہے۔

یقیناً مردان کی سرزمین ٹیلنٹ سے مالا مال ہے اور یہاں کے نوجوان ہر میدان میں اپنی صلاحیتوں کا لوہا منوا رہے ہیں۔ ساجد خان کی یہ کامیابی آنے والی نسلوں کے لیے ایک روشن مثال ہے کہ حوصلہ اور محنت انسان کو بلندیوں تک لے جاتی ہے۔

ساجد خان اور پوری ٹیم کو دل کی گہرائیوں سے مبارکباد! 💚

05/02/2026

الحمدللہ!
انڈر 21 نیشنل گیمز میں مردان سٹار ویل چیئر کرکٹ ٹیم نے شاندار کھیل کا مظاہرہ کرتے ہوئے سیمی فائنل میں مخالف ٹیم کو شکست دے کر فائنل کے لیے کوالیفائی کر لیا۔
یہ کامیابی ممکن نہ ہوتی اگر ریجنل سپورٹس آفیسر مردان، جناب ساجد آفریدی صاحب کی بھرپور سرپرستی اور تعاون شامل نہ ہوتا۔ ہم دل کی گہرائیوں سے ان کا شکریہ ادا کرتے ہیں جنہوں نے مردان سپورٹس کمپلیکس میں افرادِ باہم معذوری کے لیے بہترین انتظامات فراہم کیے۔
انہی سہولیات اور حوصلہ افزائی کے باعث آج الحمدللہ مردان کے سپیشل پرسنز نے اپنی صلاحیتوں کا لوہا منواتے ہوئے فائنل تک رسائی حاصل کی۔
دعا ہے کہ فائنل میں بھی کامیابی مردان کا مقدر بنے۔ 🤲🇵🇰

05/01/2026

*آغوش سپیشل پرسنز ویلفیئر آرگنائزیشن کی جانب سے اہم ملاقات*

آغوش سپیشل پرسنز ویلفیئر آرگنائزیشن کے چیئرمین *زوار حسین* صاحب نے نو تعینات ریجنل اسپورٹس آفیسر مردان *جناب ساجد آفریدی* صاحب سے خوشگوار ملاقات کی۔

اس ملاقات میں مردان کے خصوصی افراد کو مردان سپورٹس کمپلیکس میں درپیش مسائل* سے تفصیلی طو پر آگاہ کیا گیا، خصوصاً ان کے لیے مختص گراؤنڈ پر کام سے آگاہ کیا۔ چیئرمین زوار حسین نے اپیل کی کہ *خصوصی افراد کے لیے مختص گراؤنڈ پر کام کی رفتار کو تیز* کیا جائے تاکہ مردان خصوصی بچے بھی کھیلوں میں اپنی صلاحیتوں کا بھرپور مظاہرہ کر سکیں۔

ریجنل اسپورٹس آفیسر جناب ساجد آفریدی نے نہایت *ہمدردی اور سنجیدگی* سے مسائل کو سنا اور فوری ایکشن لیتے ہوئے *متعلقہ عملے کو کام جلد مکمل کرنے کی ہدایت* جاری کی۔

آغوش آرگنائزیشن اس تعاون پر ریجنل آفیسر کا شکریہ ادا کرتی ہے اور اُمید کرتی ہے کہ خصوصی افراد کی فلاح کے لیے یہ مثبت سلسلہ جاری رہے گا۔