24/08/2026
محترم سید زبیرشاہ —
ہماری حوصلہ افزائی اور رہنمائی کا معتبر نام
کسی بھی فلاحی ادارے کے لیے صرف مالی تعاون ہی نہیں، بلکہ مخلصانہ رہنمائی، حوصلہ افزائی اور قیمتی مشورے بھی ایک بہت بڑی نعمت ہوتے ہیں۔ ہمیں خوشی ہے کہ ہمارے محترم ڈونر سید زبیر شاہ صاحب، جومسلم چیرٹی کے کنٹری کوارڈنیٹر اور حقیقی سوشل ورکر ہے،جنہوں نے ہمیشہ ہماری سرگرمیوں میں خصوصی دلچسپی لیتے ہیں اور ہماری حوصلہ افزائی کرتے ہیں۔
جب بھی سید زبیر شاہ صاحب بھی لیبر ایجوکیشن آرگنایزیشن کے دفتر تشریف لاتے ہیں، ان کی آمد ہمارے لیے ہمیشہ باعثِ خوشی اور حوصلہ افزائی ہوتی ہے۔ ان کی شخصیت میں ایک خوبصورت خوبی یہ ہے کہ وہ نہ صرف ہماری فلاحی سرگرمیوں کو سراہتے ہیں بلکہ ہماری ٹیم کے ساتھ وقت گزار کر ہمارے کام کو مزید بہتر بنانے کے لیے نہایت مفید اور عملی مشورے بھی دیتے ہیں۔
ان کے مشورے ہمارے لیے محض الفاظ نہیں ہوتے بلکہ ہمارے لیے ایک رہنمائی کا ذریعہ بنتے ہیں۔ وہ ہماری کوششوں کو سراہتے ہوئے ہمیں یہ احساس دلاتے ہیں کہ معاشرے کے ضرورت مند افراد کے لیے کیا جانے والا ہر مثبت قدم اپنی جگہ ایک اہم خدمت ہے۔ ان کی حوصلہ افزائی ہماری ٹیم کے لیے مزید جذبے اور ذمہ داری کے ساتھ کام کرنے کا سبب بنتی ہے۔
ہم خاص طور پر اس بات کو قدر کی نگاہ سے دیکھتے ہیں کہ سید زبیر شاہ صاحب ہماری چھوٹی سے چھوٹی کاوش کو بھی اہمیت دیتے ہیں اور ہماری ٹیم کو آگے بڑھنے کے لیے مسلسل motivate کرتے ہیں۔ ان کی گفتگو میں تجربے کی جھلک، مشوروں میں خلوص اور حوصلہ افزائی میں اپنائیت محسوس ہوتی ہے۔
ایک اچھے رہنما کی پہچان یہی ہے کہ وہ دوسروں کی صلاحیتوں کو پہچانے، ان کی حوصلہ افزائی کرے اور انہیں بہتر کام کرنے کی طرف راغب کرے۔ سید زبیر شاہ صاحب کی ہماری ٹیم کے ساتھ یہی محبت اور تعاون ہمارے لیے یقیناً قابلِ قدر ہے۔
ہم LEO کی پوری ٹیم کی جانب سے سید زبیر علی شاہ صاحب کا تہہ دل سے شکریہ ادا کرتے ہیں کہ وہ ہمارے فلاحی سفر میں ہمارے ساتھ کھڑے ہیں، ہماری کوششوں کو appreciate کرتے ہیں اور اپنی قیمتی رہنمائی سے ہمیں مزید بہتر کام کرنے کا حوصلہ دیتے ہیں۔
ہم دعا گو ہیں کہ اللہ تعالیٰ انہیں صحت، خوشی اور کامیابی عطا فرمائے اور انہیں اسی طرح انسانیت کی خدمت، خیر اور بھلائی کے کاموں میں اپنا مثبت کردار ادا کرنے کی توفیق دے۔
آپ کی حوصلہ افزائی ہمارے لیے اعزاز ہے، آپ کی رہنمائی ہمارے لیے سرمایہ ہے، اور آپ کا تعاون ہمارے سفر کی طاقت ہے۔
اللہ تعالیٰ آپ کو ہمیشہ اپنی حفظ و امان میں رکھے۔ آمین ارم عطیہ چییرپرسن لیبر ایجوکیشن آرگنایزیشن
