19/06/2026
انتہائی رنج و غم کے ساتھ یہ خبر موصول ہوئی کہ ہمارے پیارے بھائی ابنِ امین سواڑیان اور ان کے خاندان پر آج ایک بہت بڑی آزمائش آن پڑی۔ دوپہر کے وقت ان کی محنت، امیدوں اور روزگار کا سہارا بننے والی دو کریانہ دکانیں اچانک آگ کی لپیٹ میں آ کر مکمل طور پر جل گئیں اور راکھ کا ڈھیر بن گئیں۔ ایک لمحے میں برسوں کی محنت آنکھوں کے سامنے خاکستر ہو گئی۔
یہ نقصان صرف مالی نہیں بلکہ ایک خاندان کے خوابوں اور جدوجہد سے بھی جڑا ہوا ہے۔ نخلہ تنظیم تاجران اس دکھ اور آزمائش کی گھڑی میں اپنے بھائی ابنِ امین اور ان کے اہلِ خانہ کے غم میں برابر کی شریک ہے۔ ہم دعا گو ہیں کہ اللہ تعالیٰ انہیں صبرِ جمیل، ہمت اور استقامت عطا فرمائے، ان کے نقصان کا بہترین نعم البدل عطا کرے اور ان کے لیے آسانیاں پیدا فرمائے۔ آمین۔
