22/01/2026
عوامی خدمت کا مشن: سلاٹریارڈ روڈ پر سیلابی صورتحال سے نجات کی جانب ایک اہم قدم!
شاہ بیگ لائن اور بھنڈ محلہ کے مکینوں کی کئی روز کی اذیت ختم ہونے کو ہے۔
پچھلے ایک ہفتے سے سلاٹریارڈ روڈ پر جمع گندے پانی اور سیلابی منظر نے شاہ بیگ لائن اور بھنڈ محلہ کے رہائشیوں کی زندگی اجیرن کر رکھی تھی۔ تعفن اور آمد و رفت میں شدید مشکلات کی وجہ سے اہل علاقہ شدید کرب اور پریشانی کا شکار تھے۔
✨ مخلص قیادت، عملی اقدامات
اس مشکل گھڑی میں علاقے کی معروف سماجی شخصیت اور مخلص رہنما سر غلام نبی آفشاری صاحب نے ایک بار پھر اپنی عوام دوستی کا ثبوت دیا۔ ان کی مسلسل محنت، انتھک کاوشوں اور متعلقہ حکام سے رابطوں کے نتیجے میں آج واٹر اینڈ سیوریج بورڈ کا عملہ حرکت میں آچکا ہے۔
سر غلام نبی آفشاری نہ صرف اس مسئلے کو اجاگر کیا بلکہ اس وقت وہ خود موقع پر موجود رہ کر پانی کے اخراج اور سیوریج لائنوں کی صفائی کے کام کی نگرانی کر رہے ہیں۔
پانی کا اخراج تو شروع ہو چکا ہے، لیکن حکامِ بالا اور متعلقہ اداروں سے ہماری پرزور اپیل ہے کہ:
گٹروں پر فوری طور پر مضبوط ڈھکن اور سلیب رکھے جائیں۔
کیونکہ یہ راستہ اسکول اور مدرسہ جانے والے چھوٹے بچوں کی گزرگاہ ہے، اس لیے کسی بھی بڑے حادثے سے بچنے کے لیے یہ کام فوری مکمل کیا جائے۔
ہم سر غلام نبی آفشاری صاحب کے شکر گزار ہیں جن کی بدولت اہل علاقہ کو اس عذاب سے نجات مل رہی ہے۔ امید ہے کہ وہ باقی ماندہ کام (ڈھکن اور سلیب کی فراہمی) بھی جلد مکمل کروانے میں اپنا کلیدی کردار ادا کریں گے۔
