Sumra Ittehad Pakistan

24/03/2026

*عيد ملن پارٽي*
سومرااتحادپاڪ ضلعو لاڙڪاڻو پاران ڪالھ، 23 مارچ 2026، بروز سومر رات 8 وڳي، سومرااتحاد آفيس لاڙڪاڻو ۾ وڏي شاندار انداز سان عيد گڏجاڻي منعقد ڪئي وئي، جيڪا برادري جي اتحاد ۽ محبت جو روشن مثال بڻجي وئي.
برادري جا معزز اڳواڻ ۽ مختلف شعبن سان لاڳاپيل برادري جي مانوارن ڀائرن پنهنجي حاضري سان تقريب کي وڌيڪ نمايان ۽ يادگار بڻايو. ھر ھڪ مانواري برادري کي فعال بڻائڻ لاء برادري سان پنھنجو اظھار ڪيو، ۽ پڻ اڳواڻن بہ بهترين تجويزون ۽ مشورا ڏنا.
هر سال جيان شھيد دودو سومرو جو عرس مبارڪ، جيڪو سردار سجاد حسين سومرو جي قيادت ۾ منعقد ٿيندو رھي ٿو ۽ ھن سال بہ رُوپا ماڙي، بدين ۾ تاريخ 10-11-12 اپريل 2026 تي ٿي رھيو آھي جنھن ۾ لاڙڪاڻو ضلعي طرفان ڀرپور شرڪت سان ملهايو ويندو.
تقريب دوران ايڊووڪيٽ نصراللّٰه سومرو، صدر سومرااتحادپاڪ ضلعو لاڙڪاڻو جي انتھائي محنت، قيادت ۽ برادري لاءِ لاڳيتو ڪيل خدمت جي دل سان ساراهه ڪئي وئي، جيڪا سڀني لاءِ حوصلو ۽ مثال بڻجي وئي.
اهو عيد ملن جو اجلاس نه صرف برادري جي ڀائيچاري کي مضبوط بڻائڻ لاءِ اهم هو، پر سڀني لاءِ هڪ حوصلہ افزائي ۽ يادگار شام پڻ بڻجي وئي.

23/03/2026

چيئرمين سومرا اتحاد پاڪستان سيڪريٽريٽ شھدادڪوٽ، سورھ سردار سجاد حسين سومرو سان سومرا برادري جي مختلف ضلعن مان آيل معزز ساٿين ملاقات ڪئي ۽ عيدالفطر جي پُرمسرت موقعي تي دل جي گهراين سان عيد جون واڌايون پيش ڪيون ويون۔
ان خوشگوار موقعي تي سردار زاده يارمحمد سومرو ۽ سردار زاده ساجد خان سومرو سان به پڻ عيد جون خوشيون ورھائيون ويون. ايڊووڪيٽ نصرالله سومرو (صدر سومرا اتحاد پاڪ ضلعو لاڙڪاڻو)، جاويد احمد سومرو، رسول بخش سومرو ۽ ديدار حسين سومرو پڻ شريڪ ٿيا ۽ پنهنجي محبتن ۽ نيڪ تمنائن سان سردار صاحب کي عيد جون مبارڪون پيش ڪيون۔
الله پاڪ اسان سڀني کي اتحاد، ڀائيچاري ۽ امن سان اڳتي وڌڻ جي توفيق عطا فرمائي۔

19/03/2026

17/02/2026

سومرا اتحاد پاڪ ضلعو لاڙڪاڻو جي سينيئر ارڪان جي اهم گڏجاڻي وڏي وقار ۽ سنجيدگي سان منعقد ٿي گذري، جنهن ۾ برادري جي ٻڌي، اتفاق ۽ مستقبل جي حڪمتِ عملي تي تفصيلي خيالن جي ڏي وٺ ڪئي وئي.
گڏجاڻي جي شروعات تلاوتِ ڪلامِ پاڪ سان ڪئي ويئي، جيڪا محترم جاويد احمد سومرو وڏي عقيدت سان پڙهي، جنهن سان محفل کي روحاني برڪت حاصل ٿي. ان کان پوءِ گڏجاڻي جي باقاعده ڪارروائي پڻ محترم جاويد احمد سومرو سرانجام ڏني.
گڏجاڻي ۾ سمورن معزز ارڪان شرڪت ڪئي، جن ۾ محترم پروفيسر محمد عتيق سومرو، محترم جاويد احمد سومرو، محترم نثار احمد سومرو، محترم نثار احمد سومرو (ٻيو)، محترم ايڊووڪيٽ مهتاب حسين سومرو، محترم رسول بخش سومرو، محترم مجاهد ممتاز سومرو، محترم نويد احمد سومرو، محترم ديدار علي سومرو، محترم محمد سليمان سومرو، محترم ديدار حسين سومرو، محترم ضمير حسين سومرو، محترم همٿ علي سومرو، محترم صدورو خان سومرو، واحد بخش سومرو، محترم مير حسن سومرو، محترم ڊاڪٽر ضمير علي سومرو، محترم الطاف حسين سومرو ۽ محترم ڪليم الله سومرو شامل هئا.
ان موقعي تي مرڪزي رهنما محترم محمد مٺل سومرو ۽ ميمبر سنڌ ڪائونسل محترم ڊاڪٽر مظھر حسين سومرو پڻ خاص طور شرڪت ڪئي، جڏهن ته گڏجاڻي جي صدارت ايڊووڪيٽ نصرالله سومرو صدر سومرا اتحاد پاڪ ضلعو لاڙڪاڻو جن ڪئي.
گڏجاڻي دوران اڳواڻن برادري جي ٻڌي ۽ اتحاد کي وڌيڪ مضبوط ڪرڻ تي زور ڏنو. تنظيم کي وڌيڪ فعال ۽ منظم بڻائڻ لاءِ فيصلو ڪيو ويو ته محلن ۽ يو سي سطح تي يونٽ قائم ڪيا ويندا، جيئن بنيادي سطح تي تنظيم کي مضبوط ڪيو وڃي. ميمبرسازي مهم کي تيز ڪرڻ ۽ نوجوانن کي اڳتي آڻڻ بابت پڻ اهم فيصلا ڪيا ويا.
فيصلو ڪيو ويو ته رمضان المبارڪ جي بابرڪت مهيني ۾ افطار پارٽين جو اهتمام ڪيو ويندو، جڏهن ته عيد کان پوءِ هر محلي ۾ گڏجاڻيون ڪوٺايون وينديون. ان سان گڏ 3، 4 ۽ 5 اپريل تي ٿيندڙ شھيد سلطان دودو سومرو جي عرس مبارڪ ۾ لاڙڪاڻو ضلعو وڌ کان وڌ ۽ ڀرپور شرڪت ڪندو، جنهن لاءِ تيارين بابت به مشاورت ڪئي وئي.
گڏجاڻي اميد، عزم ۽ يڪجهتي جي پيغام سان پڄاڻي تي پهتي ۽ اهو اعلان ڪيو ويو ته سومرا اتحاد پاڪ ضلعو لاڙڪاڻو برادري جي حقن، وقار ۽ ترقي لاءِ پنهنجي جدوجهد جاري رکندو.

15/02/2026

*دعوت نامو*
*مانوارا سائين. السلام عليڪم*

*سومرا اتحاد پاڪ ضلعو لاڙڪاڻو طرفان اوھان معزز و مڪرم جي مانَ ۽ احترام ۾ هڪ اهم گڏجاڻي ڪوٺائي ويئي آهي.*

*پروگرام (انشاءَالله)*
*تاريخ: 17 فيبروري 2026 بروز اڱارو*
*⏰ وقت: شام 5:00 وڳي*
*هنڌ: سومرا اتحاد پاڪ ضلعي آفيس، نزد ڊي ايم سي ڪي ايم سي ڪوچ سروس، لاڙڪاڻو*

زير صدارت:
*ايڊووڪيٽ نصراللّٰه سومرو*
صدر، سومرا اتحاد پاڪ ضلعو لاڙڪاڻو

اوهان کي خاص دعوت ۽ گذارش آهي ته هن اهم گڏجاڻي ۾ وقت تي شريڪ ٿي پنهنجي موجودگي سان بھترين مشاورت ۽ اصلاح سان گڏجاڻي کي ڪامياب بڻائڻ فرمائيندا.

مهربانين سان،
سومرا اتحاد پاڪ ضلعو لاڙڪاڻو
📞 0302-3477447

04/02/2026

اطلاع برائے انتقال
نہایت افسوس کے ساتھ اطلاع دی جاتی ہے کہ
محترم محمد یوسف سومرو رضائے الٰہی سے انتقال فرما گئے ہیں۔
اِنَّا لِلّٰہِ وَاِنَّا اِلَیْہِ رَاجِعُوْن
مرحوم کی جنازہ نماز کل بروز خمیس، دوپہر 1 بجے ادا کی جائے گی۔
تدفین و تعزیت:
ولیج سامٹیہ، رادھن روڈ، تحصیل ڈوکری، ضلع لاڑکانہ
سوگوار:
محترم محمد مِٹھل سومرو (برادر)
مرکزی رہنما، سومرا اتحاد پاکستان
📞 0333-7576011
📞 0300-3407612

04/01/2026

Few PiCs of SIP Larkano Gathering

02/01/2026

04 January 2026