17/09/2026
یہ تنظیم ہماری نہیں، اہلِ قوم کی امانت ہے۔
اس تنظیم کا دروازہ ہر اُس شخص کے لیے کھلا ہے جو اللہ تعالیٰ کی رضا کی خاطر انسانیت اور قوم کی خدمت کا جذبہ رکھتا ہو۔ یہاں عہدہ کوئی ذاتی حق نہیں بلکہ خدمت کی ذمہ داری ہے۔ اسی لیے ہر سال باقاعدہ انتخابات کے ذریعے نئی کابینہ تشکیل پاتی ہے، پرانی کابینہ تحلیل ہوتی ہے اور نگران صدر کی زیرِ نگرانی شفاف انتخابات منعقد کیے جاتے ہیں۔
الحمدللہ، اس مرتبہ ساتویں بار بھی اورنگزیب حسن صاحب صدر منتخب ہوئے ہیں۔ مسلسل سات سال قوم کا اعتماد حاصل ہونا اُن کی خدمت، خلوص اور کاوشوں پر اہلِ گاؤں کے اعتماد کا مظہر ہے۔ہم تمام قوم کی جانب سے صدر اورنگزیب حسن صاحب کو دن رات قوم کی فلاح و بہبود اور اجتماعی امور کے لیے مسلسل جدوجہد کرنے، غریبوں، یتیموں، بیواؤں اور معذوروں کی خدمت کرنے، اور ہر مشکل و آزمائش کی گھڑی میں اپنی قوم کے سنگ کھڑے رہنے پر خراجِ تحسین اور دلی مبارکباد پیش کرتے ہیں، اور انہیں یقین دلاتے ہیں کہ ان شاء اللہ قوم بھی ہمیشہ آپ کے شانہ بشانہ کھڑی رہے گی.
تنظیم تمام اہلِ گاؤں کا تہِ دل سے شکریہ ادا کرتی ہے اور دعاگو ہے کہ اللہ تعالیٰ صدر اورنگزیب حسن صاحب کو اخلاص، ہمت اور استقامت عطا فرمائے، اور اُن کے ذریعے خدمتِ انسانیت کا یہ سفر ہمیشہ جاری و ساری رکھے۔ آمین ثم آمین 🤲🏻
