Imambargah Aiwan e Zainab s.a niazbaig lahore

02/08/2026

يابن أمير المؤمنين❣️.

Karbala view 🇮🇶

31/07/2026

04/06/2026

Eid e Ghadeer Mubarak

02/06/2026

جنة الله على الارض كربلاء المقدسة بين الحرمين الشريفين

18/04/2026

اردو مرثیے کی تاریخ میں امام الشعراء و شاعر انقلاب جوش ملیح آبادی کی ناموری، عوامی شہرت، اور ان کے شاعر انقلاب ہونے کی مناسبت سے ان کا مرثیہ " حسین اور انقلاب" ایک بنیادی ستون کی حیثیت رکھتا ہے _ اردو کے اہم نقادوں نے جوش صاحب کی مرثیہ نویسی، اور ان کے سیاسی و انقلابی نظریات کو جب بھی موضوع بنایا، عموماً اسی مرثیے کے بندوں کا حوالہ دیا گیا، یہاں تک کہ فیض احمد فیض نے بھی ایک مضمون میں جوش کے شاعر انقلاب ہونے یا نہ ہونے کے ذیل میں، اپنے جو تاثرات دئیے ہیں، اس میں حسین اور انقلاب کے بند کو نقل کیا ہے _ بیسویں صدی میں متعدد بار شائع ہونے والے مرثیوں میں " حسین اور انقلاب" سر فہرست ہے _ اس کا سن تصنیف ١٩٤١ء ہے _، جس میں ٦٧بند ہیں _
یہاں اسی معرکتہ الآراء کے چند منتخب بند :

تاریخ دے رہی ہے یہ آواز دم بدم
دشتِ ثبات و عزم ہے، دشتِ بلاؤ غم
صبر مسیح و جرات سقراط کی قسم
اس راہ میں ہے صرف اک انسان کا قدم

جس کی رگوں میں آتش بدر و حنین ہے
جس سورما کا اسم گرامی حسین ہے

جو اک نشان تشنہ دہانی تھا، وہ حسین
گیتی پہ عرش کی جو نشانی تھا، وہ حسین
جو خلد کا امیر جوانی تھا، وہ حسین
جو اک سن جدید کا بانی تھا، وہ حسین

جس کا لہو تلاطم پنہاں لیے ہوئے
ہر بوند میں تھا نوح کا طوفاں لیے ہوئے

جو کاروانِ عزم کا رہبر تھا، وہ حسین
خود اپنے خون کا جو شناور تھا، وہ حسین
اک دین تازہ کا جو پیمبر تھا، وہ حسین
جو کربلا کا داور محشر تھا، وہ حسین

جس کی نظر پہ شیوہء حق کا مدار تھا
جو روح انقلاب کا پروردگار تھا

ہاں اے حسین بیکس و ناچار، السلام
اے کشتگان عشق کے سردار، السلام
اے سوگوار یاور و انصار، السلام
اے کاروانِ مردہ کے سالار، السلام

افسوس اے وطن سے نکالے ہوئے حسین
اے فاطمہ کی گود کے پالے ہوئے حسین

پھر گرم ہے فساد کا بازار، دوستو
سرمایہ پھر ہے برسرِ آزار، دوستو
تاکے یہ خوف اندک و بسیار، دوستو
تلوار، ہاں اپی ہوئی تلوار، دوستو

جو تیز تر ہو خون امارت کو چاٹ کر
رکھ دے جو سیم و زر کے پہاڑوں کو کاٹ کر

اے حاملان آتش سوزاں، بڑھے چلو
اے پیروان شاہ شہیداں، بڑھے چلو
اے فاتحان صر صر و طوفاں، بڑھے چلو
اے صاحبانِ ہمت یزداں، بڑھے چلو

تلوار، شمر عصر کے سینے میں بھونک دو
ہاں جھونک دو، یزید کو دوزخ میں جھونک دو

اے جانشین حیدر کرار، المدد
اے منچلوں کے قافلہ سالار، المدد
اے امر حق کی گرمئ بازار، المدد
اے جنس زندگی کے خریدار، المدد

دنیا تری نظیر شہادت لیے ہوئے
اب تک کھڑی ہے شمعِ ہدایت لیے ہوئے ..!!

31/08/2025

13/08/2025

السلام وعلیک یا اباعبداللہ الحسین علیہ السلام

30/06/2025

السلام و علیک یا سید الساجدین علیہ السلام