16/09/2026
پریس ریلیز
واۓ ڈی اے سروسز کا وارڈ ٹو وارڈ راؤنڈ، ڈاکٹرز کے مسائل کے حل کا مطالبہ
لاہور: ینگ ڈاکٹرز ایسوسی ایشن (YDA) سروسز ہسپتال لاہور کی کابینہ نے Ward-to-Ward Round کا آغاز کرتے ہوئے گائنی، میڈیکل یونٹس 3،4، نیورو سرجری، نیورولوجی، ریڈیالوجی اور پلمونالوجی وارڈز کا دورہ کیا۔ اس دوران پروفیسرز، PGRs اور HOs سے ڈاکٹرز اور مریضوں کو درپیش مسائل پر تفصیلی گفتگو کی گئی۔
واۓ ڈی اے سروسز نے مطالبہ کیا کہ:
- ڈاکٹرز اور طبی عملے کے تحفظ کے لیے مؤثر سیکیورٹی اقدامات اور سیکیورٹی بل نافذ کیا جائے۔
- بڑھتی مہنگائی کے تناسب سے ڈاکٹرز کی تنخواہوں اور مراعات میں اضافہ کیا جائے۔
- ادویات، ٹیسٹس اور بیڈز کی کمی کا ذمہ دار ڈاکٹرز کو ٹھہرا کر Termination یا تادیبی کارروائیاں نہ کی جائیں۔
- وائٹ کوٹ کے تقدس اور ڈاکٹرز کے وقار کا تحفظ یقینی بنایا جائے اور ڈاکٹرز کو دیہاڑی دار ملازمین بنانے کا سلسلہ ختم کیا جائے۔
- خواتین ڈاکٹرز کے لیے سروسز ہسپتال میں محفوظ اور مناسب ہاسٹل فراہم کیا جائے۔
- پنجاب بھر سے ہمارے ساتھی ڈاکٹرز جن کے پی ایم ڈی سی لائسنس کینسل کی گئے ہیں انہیں فلفور بحال کیا جاۓ۔
واۓ ڈی اے سروسز پنجاب بھر کے ڈاکٹرز سے اپیل کرتی ہے کہ اپنے جائز حقوق کے لیے متحد ہو کر پرامن اور قانونی جدوجہد جاری رکھیں۔ متعلقہ حکام ڈاکٹرز کو نشانہ بنانے سے گریز کریں، بصورتِ دیگر YDA SHL آئینی و قانونی دائرہ کار میں آئندہ کے لائحۂ عمل کا فیصلہ کرے گی۔
YDA Services Hospital Lahore
