JI Youth South Lahore

05/08/2026

جماعتِ اسلامی یوتھ پی پی 160 جنوبی لاہور نے 7 اگست کے سلسلے میں احتجاجی پیدل مارچ (کاہنہ سے شنگھائی پل) کے شرکاء کے استقبال کے لیے استقبالیہ کیمپ قائم کیا۔ اس موقع پر جنرل سیکرٹری جماعتِ اسلامی لاہور اظہر بلال صاحب، ڈپٹی جنرل سیکرٹری عامر نثار خان صاحب، امیر جماعتِ اسلامی جنوبی لاہور عبدالرشید صاحب، ناظم جماعتِ اسلامی پی پی 160 حافظ لئیق صاحب، جماعتِ اسلامی یوتھ پی پی 160 کے ذمہ داران اور کارکنان نے کثیر تعداد میں شرکت کی۔

05/08/2026

ملک میں بڑھتی ہوئی مہنگائی اور پیٹرولیم لیوی کے خلاف 7 اگست کی ملک گیر ہڑتال کی تیاریوں کے سلسلے میں جماعت اسلامی یوتھ جنوبی لاہور کے زیرِ اہتمام کاہنہ سے شنگھائی پل تک پیدل مارچ کا انعقاد کیا گیا۔ اس مارچ میں امیر جماعت اسلامی جنوبی لاہور عبدالرشید صاحب، صدر جماعت اسلامی یوتھ جنوبی لاہور طلحہ نثار خان، جماعت اسلامی یوتھ کے ذمہ داران اور کارکنان نے کثیر تعداد میں شرکت کی۔

05/08/2026

حلف برداری

بھائی عثمان قاسمی نے صدر جماعت اسلامی یوتھ پی پی 162 (جوہر ٹاؤن) کی حیثیت سے حلف اٹھایا۔ اس موقع پر صدر جماعت اسلامی یوتھ جنوبی لاہور، طلحہ نثار خان، اور جماعت اسلامی یوتھ پی پی 162 کے ذمہ داران بھی موجود تھے۔

اللہ تعالیٰ بھائی عثمان قاسمی کو استقامت عطا فرمائے اور ان کے لیے آسانیاں پیدا فرمائے۔ آمین۔

05/08/2026

امیرِ جماعتِ اسلامی پاکستان حافظ نعیم الرحمن کی کال پر 7 اگست کی ملک گیر ہڑتال کی تیاریاں بھرپور انداز میں جاری ہیں۔ اسی سلسلے میں جماعتِ اسلامی یوتھ پی پی 161 جنوبی لاہور کے ذمہ داران اور کارکنان نے مختلف مارکیٹوں کا دورہ کیا، جہاں تاجروں اور شہریوں میں ہینڈ بل تقسیم کیے گئے اور ہڑتال کے مقاصد سے آگاہ کیا گیا۔

اس موقع پر تاجروں اور عوام سے اپیل کی گئی کہ وہ مہنگائی، ظالمانہ ٹیکسوں، پیٹرولیم لیوی اور عوام دشمن معاشی پالیسیوں کے خلاف 7 اگست کی ملک گیر ہڑتال اور احتجاج میں بھرپور شرکت کرکے کردار ادا کریں۔

05/08/2026

تنظیمی اجلاس جماعت اسلامی یوتھ پی پی 161، جناب عدنان گجر کی زیرِ صدارت منعقد ہوا۔ اجلاس میں جماعت اسلامی کے رہنما علی شیر صاحب اور جماعت اسلامی یوتھ پی پی 161 کے ذمہ داران نے شرکت کی۔ اجلاس کے دوران تنظیمی امور، آئندہ کی سرگرمیوں پر تفصیلی مشاورت کی گئی۔

05/08/2026

جماعت اسلامی یوتھ پی پی 162 (جوہر ٹاؤن) کا تنظیمی اجلاس طلحہ نثار خان، صدر جماعت اسلامی یوتھ جنوبی لاہور، کی زیرِ صدارت منعقد ہوا۔ اجلاس میں ناظم جماعت اسلامی پی پی 162 ڈاکٹر یونس صاحب اور جماعت اسلامی یوتھ کے ذمہ داران نے شرکت کی۔

03/08/2026

اعلانِ تقرری

امیر ضلع جنوبی لاہور محترم عبدالرشید مرزا اور صدر جماعت اسلامی یوتھ لاہور محترم جبران بٹ سے مشاورت کے بعد، صدر جماعت اسلامی یوتھ جنوبی لاہور، برادر طلحہ نثار خان نے چوہدری عبدالباسط کو سیکرٹری جماعت اسلامی یوتھ جنوبی لاہور مقرر کر دیا ہے۔

ہم دعا گو ہیں کہ اللہ تعالیٰ برادر چوہدری عبدالباسط کو اس ذمہ داری کی بہترین انداز میں ادائیگی، اخلاص، حکمت، استقامت اور دین کی خدمت کی توفیق عطا فرمائے، اور ان کی کاوشوں میں خیر و برکت عطا فرمائے۔

آمین یا رب العالمین۔

02/08/2026

ملک میں بڑھتی ہوئی مہنگائی اور پیٹرولیم لیوی کے خلاف جماعت اسلامی جنوبی لاہور کا احتجاجی دھرنا شنگھائی پل، فیروزپور روڈ پر جاری ہے۔ اس موقع پر جنرل سیکرٹری جماعت اسلامی لاہور اظہر بلال، نائب امیر جماعت اسلامی لاہور عامر نثار، امیر جماعت اسلامی جنوبی لاہور عبدالرشید مرزا، امیر جماعت اسلامی پی پی 160 حافظ لائیق احمد اور جے آئی یوتھ کے ذمہ داران موجود ہیں۔

01/08/2026

31/07/2026

جماعتِ اسلامی یوتھ پی پی 169 (نیلم بلاک) کی جانب سے ملک میں بڑھتی ہوئی مہنگائی، بجلی کے بھاری بلوں اور پیٹرولیم مصنوعات کی قیمتوں میں مسلسل اضافے کے خلاف 7 اگست کو ہونے والے ملک گیر سڑک بند احتجاج کی تیاریوں کے سلسلے میں ایک بھرپور بائیک ریلی نکالی گئی۔

ریلی میں جماعتِ اسلامی یوتھ پی پی 169 کے ذمہ داران، کارکنان اور جماعتِ اسلامی کے رہنما اشتیاق گجر نے شرکت کی۔ شرکاء نے عوام سے اپیل کی کہ وہ 7 اگست کے احتجاج میں بھرپور شرکت کرکے مہنگائی اور ظالمانہ معاشی پالیسیوں کے خلاف اپنی آواز بلند کریں۔