Urdu Poetry

13/04/2026

‏گئی رتوں میں تو شام و سحر نہ تھے ایسے...
کہ ہم اداس بہت تھے مگر نہ تھے ایسے
― احمد فراز

05/04/2026

05/04/2026

‏ستاروں سے بھرا یہ آسماں کیسا لگے گا
‏ہمارے بعد تم کو یہ جہاں کیسا لگے گا
__________

‏افتخار عارف

02/04/2026

مدتوں ہجر پہ رکھیں گے اِجارہ اپنا
آؤ یکمشت اٹھا آئیں خسارہ اپنا

اسکی پرچھائی تلک کی بھی میں حقدار نہیں
میں کہ جس شخص کو کہہ دیتی تھی سارا ، اپنا

اس کو پہلی سی محبت نہ ہوئی دوسری بار
اس پہ پھر اسم نہ چل پایا دوبارہ اپنا

کل چھڑا آئی یہ کہتے ہوئے دامن خود سے
اب ترے ساتھ نہیں ہوتا گزارا اپنا

ایک دن لوگ نظر بھر کے ہمیں دیکھیں گے
ایک دن اوج پہ آئے گا ستارہ اپنا

کتنا مشکل ہے اسے رسمی دلاسہ دینا۔۔۔۔۔۔۔
جس نے کھویا ہو کوئی جان سے پیارا اپنا

کومل جوئیہ

15/03/2026

ھَر لفظ کے ٫ تمام مَعانی میں ٫ ھم بھی تھے
کیا دَور تھا ٫ کہ تیری کہانی میں ٫ ھم بھی تھے۔
اُٹھتی ھے اِک کسک ٫ تیری تصویر دیکھ کر
تازہ میں ھم نہیں ھیں ، پُرانی میں ھم بھی تھے۔

❞رحمان فارس❝

15/03/2026

ھِجر سَمئے کی راتوں کے تو ٫ اپنے دُکھ ھی کافی ھیں
اُوپر سے یہ مَن سُلگائے ، جان جلائے تیری یاد
مُجھ کو بھی سَمجھا دے یارا ٫ کَیسے بھُولا جاتا ھے؟
مَیں تو جب بھی بُھولنے بیٹُھوں ٫ اور بھی آئے تیری یاد۔

❞نِثار اَحمّد❝

03/03/2026

‏یہ ماہ و سال چند باقی ہیں
‏اور کچھ بھی نہیں ہے کھونے کو

‏ابرار احمد