11/02/2026
خدمت الناس ٹرسٹ ویلفیئر سوسائٹی کے تحث آٹے کی تقسیم کی ایک باوقار تقریب منعقد ہوئی جس میں مستحق اور ضرورت مند افراد میں آٹا تقسیم کیا گیا۔ اس موقع پر خدمتِ خلق کے جذبے کو سراہتے ہوئے صدرِ تنظیم نے تقریب سے خطاب کیا۔ اپنے خطاب میں غلام نبی نے باہمی تعاون، اخوت اور انسانیت کی خدمت کی اہمیت پر زور دیا اور کہا کہ معاشرے کی بھلائی اسی وقت ممکن ہے جب صاحبِ حیثیت لوگ آگے بڑھ کر ضرورت مندوں کا سہارا بنیں۔
تقریب میں معزز سماجی شخصیت حاجی گل نبی بھی موجود تھے جنہوں نے اس فلاحی اقدام کو قابلِ تحسین قرار دیا اور آئندہ بھی ایسے رفاہی کام جاری رکھنے کے عزم کا اظہار کیا۔ شرکاء نے اس کاوش کو سراہا اور منتظمین کی کاوشوں کو خراجِ تحسین پیش کیا۔
یہ تقریب نہ صرف ضرورت مند افراد کے لیے سہولت کا باعث بنی بلکہ معاشرتی یکجہتی اور بھائی چارے کی ایک خوبصورت مثال بھی ثابت ہوئی۔
