Allama Iqbal Stamps Society

Allama Iqbal Stamps Society A page for promotion of
IQBALIYAT through Philately.

آٹھویں علامہ اقبال سٹمپ شو پر علامہ اقبال سٹمپ سوسائٹی کی جانب سے 9 نومبر 2013ء کو جاری کردہ یادگاری لفافہ۔ اس خصوصی لفا...
21/06/2026

آٹھویں علامہ اقبال سٹمپ شو پر علامہ اقبال سٹمپ سوسائٹی کی جانب سے 9 نومبر 2013ء کو جاری کردہ یادگاری لفافہ۔ اس خصوصی لفافہ کو مزارِ اقبال' لاہور پر علامہ اقبال پر جاری ہونے والے ڈاک ٹکٹوں اور اس سے متعلقہ اشیاء پر نمائش کے موقع پر جاری کیا گیا۔ لفافہ پر علامہ اقبال کا بالِ جبریل سے شہرۂ آفاق شعر
غریب و سادہ و رنگیں ہے داستانِ حرم
نہایت اس کی حسین ابتدا ہے اسمٰعیل
پرنٹ کروا گیا تھا۔ بعد ازاں اس خصوصی لفافہ پر پسرزادۂ اقبال و فرزندِ آفتاب اقبال جناب آزاد اقبال کے دستخط کرواۓ گئے۔ اس لفافہ پر اس روز کی خصوصی مہر بھی ثبت ہے۔ علامہ اقبال سٹمپ سوسائٹی کی جانب سے مزارِ اقبال پر منعقدہ یہ آخری نمائش تھی۔ اس قسم کی نمائشوں کا انعقاد 9 نومبر 2009ء سے مزارِ اقبال پر ہوا تھا۔
(ذخیرۂ اقبالیات' علامہ اقبال سٹمپ سوسائٹی)

https://whatsapp.com/channel/0029Vb6BGvIJkK7HtPieeI1d

ماہ نامہ *پھول* کے جون 2026ء کے شمارہ میں جون کے مہینہ کی شخصیات کا مختصر تعارف اقبال شناسوں سے شناسائی کے عنوان سے شائع...
18/06/2026

ماہ نامہ *پھول* کے جون 2026ء کے شمارہ میں جون کے مہینہ کی شخصیات کا مختصر تعارف اقبال شناسوں سے شناسائی کے عنوان سے شائع ہوا۔
(علامہ اقبال سٹمپ سوسائٹی)

https://whatsapp.com/channel/0029Vb6BGvIJkK7HtPieeI1d

عمر فاروق رضی اللہ عنہخلیفہ دوم۔ علامہ اقبال کے پیشِ نظر سب سے اہم کام جس کے لیے انہیں قدرت نے منتخب کیا تھا' وہ ملتِ اس...
17/06/2026

عمر فاروق رضی اللہ عنہ
خلیفہ دوم۔ علامہ اقبال کے پیشِ نظر سب سے اہم کام جس کے لیے انہیں قدرت نے منتخب کیا تھا' وہ ملتِ اسلامیہ کی بیداری' احیاء و استحکام تھا۔ حضرت عمر فاروق رضی اللہ عنہ کے بیت المقدس کی فتح کے واقعے کو علامہ اقبال یوں بیان کرتے ہیں:
"جہاں تک مجھے معلوم ہے' دُنیا کی کسی قوم کی تاریخ ایسی مثال پیش نہیں کر سکتی اور مسلمان اس تعلیم پر جس قدر ناز کریں بجا ہے"۔
کلامِ اقبال میں حضرت عمر رضی اللہ عنہ کی شخصیت اور کردار کے متعلق متعدد مقامات پر ذکر ہے۔ ایک اندازے کے مطابق آپ کی شہادت یکم محرم الحرام 24 ہجری کو مدینہ منورہ میں ہوئی اور نبی اکرم صلی اللہ علیہ وآلہ وسلم اور حضرت ابوبکر صدیق رضی اللہ عنہ کے ساتھ آپ کی تدفین ہوئی۔
تو اے باد بیاباں از عرب خیز
ز نیل مصریاں موجے بر انگیز
بگو فاروق را پیغامِ فاروق
کہ خود در فقر و سلطانی بیامیز
(تحریر و تحقیق: میاں ساجد علی' علامہ اقبال سٹمپ سوسائٹی)

https://whatsapp.com/channel/0029Vb6BGvIJkK7HtPieeI1d

پاکستان پوسٹ کی جانب سے شاعرِ مشرق علامہ محمد اقبال کے تیسویں یومِ وفات پر ایک خصوصی ڈاک کی مہر کا اجراء 21 اپریل 1968ء ...
15/06/2026

پاکستان پوسٹ کی جانب سے شاعرِ مشرق علامہ محمد اقبال کے تیسویں یومِ وفات پر ایک خصوصی ڈاک کی مہر کا اجراء 21 اپریل 1968ء کو کیا گیا۔ اس مہر پر بالِ جبریل کی ایک غزل کا شعر کندہ کیا گیا تھا۔ ڈاک کی یہ خصوصی مہر صرف لاہور کے مرکزی ڈاک خانہ (General Post Office) سے ہی جاری کی گئی تھی۔
(ذخیرۂ اقبالیات' علامہ اقبال سٹمپ سوسائٹی)

https://whatsapp.com/channel/0029Vb6BGvIJkK7HtPieeI1d

تاریخ کے جھروکوں سے علامہ اقبال کے پوتوں آزاد اقبال فرزندِ آفتاب اقبال اور ولید اقبال فرزندِ جاوید اقبال کے ہمراہ۔https:...
14/06/2026

تاریخ کے جھروکوں سے
علامہ اقبال کے پوتوں آزاد اقبال فرزندِ آفتاب اقبال اور ولید اقبال فرزندِ جاوید اقبال کے ہمراہ۔

https://whatsapp.com/channel/0029Vb6BGvIJkK7HtPieeI1d

مہدی حسنتاریخِ پیدائش: 18 جولائی 1927ء' بمقام: لونا' راجستھان' برطانوی ہندوستانشہنشاہ غزل۔ مہدی حسن نے اپنی آواز میں ہزا...
13/06/2026

مہدی حسن
تاریخِ پیدائش: 18 جولائی 1927ء' بمقام: لونا' راجستھان' برطانوی ہندوستان
شہنشاہ غزل۔ مہدی حسن نے اپنی آواز میں ہزاروں فلمی اور غیر فلمی گیت اور غزلیں ریکارڈ کروائیں۔ آپ کی آواز کا جادو خصوصاً برصغیر پاک و ہند میں کئی دہائیوں تک رہا۔ جہاں بے شمار شعرائے کرام کے کلام کو آپ نے اپنی آواز میں ریکارڈ کروایا وہیں شاعرِ مشرق علامہ محمد اقبال کے کلام کو بھی آپ نے اپنی آوازبخشی۔ جو کلامِ اقبال آپ نے اپنی آواز میں ریکارڈ کروائے اُن میں یہ گنبدِ مینائی یہ عالمِ تنہائی' وہ حرفِ راز کہ مجھ کو سکھا گیا ہے جنوں' صورت نہ پرستم من بتخانہ شکستم من' پریشان ہو کے مری خاک شامل ہیں۔ حکومتِ پاکستان کی جانب سے مہدی حسن کو اُن کی خدمات پر 1985ء میں صدارتی تمغہ برائے حسنِ کارکردگی سے نوازا گیا۔ مہدی حسن کا انتقال 13 جون 2012ء کو کراچی' پاکستان میں ہوا۔
(تحریر و تحقیق: میاں ساجد علی' علامہ اقبال سٹمپ سوسائٹی)

https://whatsapp.com/channel/0029Vb6BGvIJkK7HtPieeI1d

مسجدِ قرطبہ پر سپین کا جاری کردہ ڈاک ٹکٹ۔ علامہ اقبال نے اپنے دورۂ سپین میں مسجدِ قرطبہ کا بھی دورہ کیا اور تقریباً چار ...
12/06/2026

مسجدِ قرطبہ پر سپین کا جاری کردہ ڈاک ٹکٹ۔ علامہ اقبال نے اپنے دورۂ سپین میں مسجدِ قرطبہ کا بھی دورہ کیا اور تقریباً چار سو سال بعد اس جگہ نہ صرف اذان دی بلکہ نماز بھی ادا کی کیوں کہ یہ مسجد ایک گرجا گھر میں تبدیل کی جا چکی تھی۔ علامہ اقبال نے اس مسجد کی شان و شوکت پر ایک نظم بعنوان مسجدِ قرطبہ لکھی جو بالِ جبریل میں شامل ہے۔ اس نظم کے چند اشعار درج ذیل ہیں:
اے حرمِ قرطبہ! عشق سے تیرا وجود
عشق سراپا دوام' جس میں نہیں رفت و بود
رنگ ہو یا خشت و سنگ' چنگ ہو یا حرف و صوت
معجزۂ فن کی ہے خونِ جگر سے نمود
قطرۂ خونِ جگر سِل کو بناتا ہے دل
خونِ جگر سے صدا سوز و سرور و سرود
تیری فضا دل فروز' میری نوا سینہ سوز
تجھ سے دلوں کا حضور' مجھ سے دلوں کی کشود
عرشِ معلّیٰ سے کم سینۂ آدم نہیں
گرچہ کفِ خاک کی حد ہے سپہرِ کبود
پیکرِ نوری کو ہے سجدہ میسر تو کیا
اس کو میسر نہیں سوز و گدازِ سجود
کافرِ ہندی ہوں میں' دیکھ مرا ذوق و شوق
دل میں صلٰوۃ و درود' لب پہ صلٰوۃ و درود
شوق مری لَے میں ہے' شوق مری نَے میں ہے
نغمہ 'اللہ ھو' میرے رگ و پے میں ہے
(پیشکش: میاں ساجد علی' علامہ اقبال سٹمپ سوسائٹی)

https://whatsapp.com/channel/0029Vb6BGvIJkK7HtPieeI1d

Address

714/Eastern Block, Street No. 13, Bahria Orchard, Raiwind Road
Lahore
54000

Telephone

0300-4246143

Website

Alerts

Be the first to know and let us send you an email when Allama Iqbal Stamps Society posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Allama Iqbal Stamps Society:

Shortcuts

Share

Category