Lahore Shanasi Foundation

10/04/2026

🚂✨ ورلڈ ہیریٹیج ڈے اسپیشل بائیک ٹور ✨🏍️

لاہور کی گمشدہ ریلوے پٹریوں، ویران اسٹیشنز اور ماضی کی سنہری یادوں کو دوبارہ جینے کا ایک نادر موقع!

یہ صرف ایک بائیک ٹور نہیں بلکہ ریلوے ہیریٹیج، نیسٹالجیا اور لاہور کی چھپی ہوئی تاریخ کو دریافت کرنے کا ایک منفرد سفر ہے۔

آئیں اُن راستوں پر چلیں جہاں کبھی سیٹیاں بجاتی ٹرینیں گزرتی تھیں، جہاں پلیٹ فارمز پر زندگی رواں تھی، اور آج خاموشی اپنے اندر ایک کہانی سمیٹے بیٹھی ہے۔

📸 اپنے کیمرے کی آنکھ سے ان لمحوں کو قید کریں
🏍️ بائیکرز کے ساتھ ایک ایڈونچر کا حصہ بنیں
📚 محققین اور تاریخ سے محبت رکھنے والوں کے ساتھ سیکھیں اور جانیں
🌆 لاہور کو ایک نئے انداز سے دریافت کریں — لاہور شناسی کے ہمراہ

یہ سفر ماضی سے جڑنے، حال کو محسوس کرنے اور یادوں کو ہمیشہ کے لیے محفوظ کرنے کا ایک خوبصورت ذریعہ ہے۔

1۔لاہور کینٹ ریلوے اسٹیشن
2۔ والٹن ریلوے اسٹیشن
3۔ کوٹ لکھپت ریلوے اسٹیشن
4۔ گرین ٹاؤن ہالٹ ریلوے اسٹیشن
5۔ کاہنا کاچھا ریلوے اسٹیشن
6۔ ہلوکی ریلوے اسٹیشن
7۔ جیابگا ریلوے اسٹیشن
8۔ کڑیال ریلوے اسٹیشن
9 رائے ونڈ ریلوے جنکشن

03/04/2026

مجلہ لاہور شناسی شایع ہوچکا ہے ۔
اس مجلے کی فزیکل فارمیٹ کی قیمت 100 روپے فی کاپی رکھی گیی ہے ۔ دوسرے شہروں سے تعلق رکھنے والے دوستوں اور اداروں کو ہم عام ڈاک سے بھی بھیج دیتے تھے لیکن بعد ازاں ڈاک کی گم شدگی کی اطلاع کے بعد اب صرف رجسٹرڈ ڈاک سے ہی بھیجا جاتا ہے ۔جس کی کم سے کم فیس 110 روپے ہے ۔جو دوست احباب حاصل کرنا چاہیں تو پانچ کاپیوں کی قیمت ادا کریں یعنی 500 روپے۔ ڈاک خرچ ادارہ خود ادا کرے گا۔ مجلہ لاہور شناسی کا ہر شمارہ ہی خاص اور اہم تحاریر سے مزین ہوتا ہے اس لیے خود بھی پڑھیں باقی اضافی کاپیاں اپنے دوست احباب اہل ادب میں تقسیم کر کے حق دوستی ادا کریں ۔اپ کے اس تعاون سے ادارہ مضبوط ہوگا اور اس مجلے کو متواتر شایع کرنے کے قابل ہو سکے گا۔ جو زیادہ کاپیاں حاصل کرنا چاہیں وہ بھی منگوا سکتے ہیں ان کا ڈاک خرچ بھی معاف ہوگا۔
مہنگای کے اس دور میں سب کو الگ الگ سے بھیجنا مشکل ہوگا۔ اس لیے جو کوی ایک کاپی بھی خریدنا چاہے وہ بھی ڈاک خرچ کے ہمراہ ایک کاپی بھی حاصل کر سکتا ہے ۔
صفحات 24 ، لاہور کی تاریخ و تہذیب و ثقافت ، آثار و باقیات پر مشتمل اہم اور خاص تحریریں ، تصاویر کے ساتھ ۔
منجانب لاہور شناسی پبلی کیشنز
گھر بیٹھے منگوانے کے لیے رابطہ کریں
03454176691

02/04/2026

افر سے فایدہ اٹھائیں ۔

27/03/2026

23/03/2026

پریس ریلیز ،
ادارہ لاہور شناسی کے زیر اہتمام یومِ پاکستان 23 مارچ کے موقع پر ایک منفرد اور بامقصد فوٹوگرافی مہم کا انعقاد کیا گیا، جس کا مقصد لاہور شہر میں جاری ترقیاتی منصوبوں اور تاریخی مقامات کو کیمرے کی آنکھ میں محفوظ کرنا تھا۔ اس سرگرمی میں شہر کے مختلف شعبہ ہائے زندگی سے تعلق رکھنے والے افراد، فوٹوگرافی کے شوقین نوجوانوں اور تاریخ سے دلچسپی رکھنے والے شرکاء نے بھرپور شرکت کی۔
یہ فوٹوگرافی مہم لاہور کے اہم اور مصروف علاقوں پر مشتمل تھی، جن میں نیلا گنبد چوک، انارکلی بازار، اردو بازار، داتا دربار چوک اور بھاٹی چوک شامل تھے۔ ان تمام مقامات کا انتخاب اس لیے کیا گیا کیونکہ یہ علاقے نہ صرف لاہور کی تجارتی و سماجی زندگی کا مرکز ہیں بلکہ تاریخی اعتبار سے بھی انتہائی اہمیت کے حامل ہیں۔ یہاں جاری ترقیاتی کام ایک طرف شہر کی جدیدیت کی عکاسی کرتے ہیں تو دوسری طرف قدیم لاہور کے خدوخال کو بھی نمایاں کرتے ہیں۔ ان علاقوں میں ماضی کی بہت سی نشانیاں اور آثار آج بھی موجود ہیں۔
شرکاء نے ان مقامات پر جا کر مختلف زاویوں سے تصاویر بنائیں، جن میں سڑکوں کی توسیع، تاریخی عمارتیں ، ہندو سکھوں کے مکانات ،حویلیاں ، مندر عمارتوں کی مرمت، ٹریفک کے نظام میں بہتری اور دیگر ترقیاتی اقدامات کو نمایاں کیا گیا۔ فوٹوگرافی کے دوران اس بات کا خاص خیال رکھا گیا کہ نہ صرف تعمیراتی سرگرمیوں کو محفوظ کیا جائے بلکہ ان کے پس منظر میں موجود تاریخی عمارات اور ثقافتی پہلو بھی اجاگر ہوں۔
اس موقع پر ڈیرہ غازی خان سے تشریف لاے معروف محقق و استاد پروفیسر شعیب رضا موجود تھے ان کے علاؤہ پروفیسر زیشان احمد ہاشمی ، سید تنویر حسین گیلانی ، میاں اظہر محمود ، ڈاکٹر نصر اللہ ، شاہد بٹ ،ڈاکٹر میاں ساجد علی ، ماہر اقبالیات ، محمد شعیب ، دانیال نصر اللہ ، امجد صاحب فوٹوگرافر شاہی قلعہ والے موجود تھے۔ ان کے علاؤہ
معروف محقق اور چیئر مین ادارہ لاہور شناسی، سید فیضان عباس نقوی المعروف “لاہور کا کھوجی” بھی موجود تھے، جنہوں نے شرکاء کی رہنمائی کی۔ انہوں نے ہر مقام پر رک کر اس کی تاریخی حیثیت، قدامت اور اس سے جڑے اہم واقعات پر تفصیلی روشنی ڈالی۔ ان کی گفتگو نے اس مہم کو محض ایک فوٹوگرافی ایونٹ کے بجائے ایک تعلیمی اور تحقیقی نشست میں تبدیل کر دیا۔ شرکاء نے نہ صرف تصاویر بنائیں بلکہ لاہور کی تاریخ کے کئی پوشیدہ پہلوؤں سے بھی آگاہی حاصل کی۔
نیلا گنبد چوک پر انہوں نے قدیم تعلیمی و مذہبی مراکز کا ذکر کیا، جبکہ انارکلی بازار کی تاریخ بیان کرتے ہوئے مغلیہ دور سے لے کر برطانوی عہد تک کے ارتقاء پر روشنی ڈالی۔ اردو بازار میں علمی و ادبی سرگرمیوں کی روایت کا تذکرہ کیا گیا، جبکہ داتا دربار چوک کی مذہبی و روحانی اہمیت کو اجاگر کیا گیا۔ بھاٹی چوک کے حوالے سے انہوں نے قدیم لاہور کے دروازوں اور فصیل شہر کی تاریخ بیان کی، جو شرکاء کے لیے نہایت معلوماتی ثابت ہوئی۔
اس فوٹوگرافی مہم کا بنیادی مقصد نہ صرف شہر کی ترقی کو دستاویزی شکل دینا تھا بلکہ نئی نسل کو اپنے تاریخی ورثے سے جوڑنا بھی تھا۔ ادارہ لاہور شناسی کی یہ کاوش اس بات کی عکاس ہے کہ ترقی اور تاریخ کو یکجا کر کے ہی کسی شہر کی حقیقی شناخت کو برقرار رکھا جا سکتا ہے۔
آخر میں شرکاء نے پنجاب کے روایتی مشروب کانجی کو انجوائے کیا اور سب نے اس عزم کا اظہار کیا کہ وہ مستقبل میں بھی ایسی سرگرمیوں کا حصہ بنتے رہیں گے اور لاہور کے تاریخی و ثقافتی ورثے کو محفوظ کرنے میں اپنا کردار ادا کریں گے۔ یہ مہم بلاشبہ لاہور کی شناخت کو اجاگر کرنے اور اسے آنے والی نسلوں تک منتقل کرنے کی ایک کامیاب کوشش ثابت ہوئی۔

22/03/2026

معزز ممبران،

لاہور شناسی فاؤنڈیشن کے زیرِ اہتمام لاہور کے تاریخی مقامات کی بحالی کے منصوبہ جات کے حوالے سے کل مورخہ 23 مارچ 2026، ایک فوٹو واک کا اہتمام کیا گیا ہے۔

فوٹو واک کا آغاز صبح 10:30 بجے پاک ٹی ہاؤس سے کیا جائے گا۔

شکریہ

21/03/2026

ادارہ لاہور شناسی کی جانب سے اہلیان وطن کو عید مبارک
زندہ باد لاہور

06/03/2026

Some clicks of our 9th annually Ramzan walking tour at Lahori to shahalmi gate Lahore.

06/03/2026

Group photo of our 9th annually Ramzan walking tour at Lahori to shahalmi gate Lahore.

25/02/2026

Don’t wait! Register before it’s too late – Don’t miss out!
Join the Androon-e-Lahore Tour this Saturday – explore the heart of Lahore like never before!

For Registration:
📞 Call: 0312-2101996
💬 WhatsApp: 0312-2101996

Limited spots – Make your Saturday unforgettable!

22/02/2026

Lohari to Shah Alami — this is our 9th Annual Special Ramadan Night Tour, designed for those who wish to see the Walled City of Lahore from a new and meaningful perspective.

We invite you to experience a different Lahore — a city that comes alive in the quiet beauty of the night.

This special journey will begin at 10:00 PM and continue until Sehri. During this walk, participants will explore temples, historic havelis, narrow streets, old neighborhoods, mosques, houses associated with notable personalities, and historic squares.

It is a unique walking tour that gives you the opportunity to truly feel the life and spirit of Andron Lahore — to witness its history, culture, and architecture under the calm and soulful atmosphere of Ramadan nights.

Join us and become part of this memorable experience, organized by Lahore Shanasi Foundation — a journey into the living heritage of Lahore.

For registration and more information contact : 03122101996

30/01/2026

"واللہ یرزق من یشاء بغیر الحساب" سورہ بقرہ 212 ، القران ۔
اور اللہ جسے چاہتا ہے بے حساب رزق عطا کرتا ہے ۔
یہ جو رزق علم جو مجھے عطا ہو رہا ہے اور اہل بیت رسول ؑ کے کرم و فیض سے بے حساب عطا ہو رہا ہے ۔ خدا کی بارگاہ میں سجدہ ریز ہوں ۔
یہ پنجابی زبان میں لکھی میری پہلی کتاب ہے ، میں پنجابی ہوں میری زبان پنجابی ہے جو کہ میں نے اپنے گھر سے لی لیکن اس میں ادبی ذوق کا تڑکا نامور ادیب ، دانش ور ، پنجابی صحافت کا درخشندہ ستارہ ، استاد ڈاکڑ جمیل احمد پال صاحب کی وجہ سے پیدا ہوا اس کے بعد اس میں مزید گرہیں اقبال قیصر صاحب نے کھولیں اور پنجابی سنگت کی وجہ سے یہ شوق و عشق میرے اندر مزید بڑھتا گیا ۔
پنجابی زبان میں لاہور کے عنوان پر آج تک لکھی گئی کتابیں اتنی ہیں جو کہ انگلیوں پر گنی جا سکتی ہیں ، شاید سب سے پہلی کتاب کرنل بھولا ناتھ وارث کی تاریخ شہر لہور تھی جو 1937 میں شائع ہوئی اس کے بعد لاہور کے نامور پنجابی ادیب و دانش ور مدثر بشیر صاحب کی کتاب لہور دی وار جو کہ 2010 میں شائع ہوئی اس کے بعد دو غیر ملکی خواتین کی کتابوں کے ترجمے لٹھے لوک لہور دے ہرکیرت کور چاہل اور لہور کنی دور ، سلطانہ بیگم ، کے نام سے شایع ہوئیں ۔ اس کے بعد شاید یہ کتاب ہے جو لاہور پر ہے اور پنجابی شاہ مکھی مین شایع ہوئی ہے ۔
اس کتاب کو لکھنے کا خیال 2021 میں آیا تھا جب میری انگلش اور اردو والی کتاب ابھی شایع ہونے کے کوئی حالات و آثار دکھائی نہ دیتے تھے اس وقت اس کا پنجابی ترجمہ کرنا شروع کیا تھا خواہش تھی کہ اسے کوئی پنجابی ادارہ شایع کر دے پھر میرے دیرینہ دوست پروفیسر چاند شکیل نے اس کی پنجابی اغلاط کو درست کیا اور یہ کتاب 2022 میں ادارہ پلاک کے حوالے کر دیا ۔
اس کتاب کو ادارہ پلاک نے فوٹو گرافک البم کے انداز میں شائع کیا ہے انتہائی خوب صورت رنگین تصاویر اور آرٹ پیپر نے اس کتاب کی شان و شوکت کو چار چاند لگا دئیے ہیں ۔ اس سلسلے میں ڈائریکٹر پلاک جناب عاصم صاحب کا شکر گزار ہوں جنہوں نے اس کتاب کی اشاعت میں خصوصی دل چسپی لی اور محترمہ بینش فاطمہ ساہی صاحبہ ڈائریکٹر جنرل پلاک کا انتہائی شکریہ جنہوں نے اس کتاب کو میری خواہش کے مطابق اسی انداز اور کوالٹی میں انتہائی مہنگے بجٹ میں شائع کیا ۔
یہ کتاب لاہور ڈسٹرکٹ میں واقع گم نام اور نظر انداز کئے گئے ورثے کے متعلق میری پچھلے 18 سال کی محنت ہے تحریر اور تصویر کے ساتھ پیش خدمت ہے اس میں لاہور کے 135 تاریخی ، اہم لیکن گم نام مقامات کی تاریخ ، مقام اور تصاویر کے ساتھ پیش کیا گیا ہے ۔اس میں شامل ابواب میں مساجد ، مندر ، گرودوارے ، سمادھیں ، مقبرے و مزارت ، بنگلے و حویلیاں ، ادارے شامل ہیں ۔ ایک طرف اس کی تاریخ اور دوسری طرف اس کی رنگین تصاویر ہیں ۔ یہ کتاب 300 رنگین اور آرٹ پیپر صفحات پر مشتمل ہے ۔
کتاب کی قیمت 3000 روپے رکھی گئی ہے ۔ فالوقت پلاک کے آفس سے ہی دستیاب ہوگی سیل پواینٹس کا مجھے معلوم نہیں اور رعایت کے ساتھ 1800 کی دسیتاب ہے ۔ امید ہے وہ لوگ جو 10،000 والی انگلش والی کتاب حاصل نہ کر سکے تھے وہ اس کتاب سے استفادہ کر سکیں گے اور پنجابی زبان اور لاہور کی تاریخ کا شوق رکھنے والے افراد کے لئے ایک اچھا تحفہ ثابت ہوگی ۔
منجانب لاہور کا کھوجی ۔سید فیضان نقوی
جو دوست احباب ہم سے حاصل کرنا چاہیں ہم انہیں 1600 روپے کی بمعہ ڈاک خرچ میں گھر بیٹھے روانہ کریں گے ۔
حاصل کرنے کے لئے رابطہ کریں ۔
0345 4176691