Core Comittee SSEs Regularization Movement Punjab Official

03/02/2026

السلام علیکم محترم ایس ایس ایز پنجاب

آج مؤرخہ *3 فروری 2026* بروز منگل *کور کمیٹی ممبران محمد امان اللہ و محمد عمران ہمراہ رانا لیاقت صاحب* (جنرل سیکرٹری پنجاب ٹیچرز یونین پنجاب) نے *منسٹر ایجوکیشن رانا سکندر حیات خان صاحب* سے انکی رہائش گاہ پر ملاقات کی ۔۔۔

منسٹر صاحب کو ایس ایس ایز کے ایکسٹینشن کے حوالے سے یاد دہانی کروائی کہ ابھی تک لیٹر جاری نہیں ہوا اور کافی اضلاع میں *ایس ایس ایز کی ایکسٹینشن نہیں* ہو رہی جسکی وجہ سے انکی *تنخواہیں رک گئی* ہیں ۔۔۔

منسٹر صاحب نے سیکرٹری ایجوکیشن صاحب کو کال کی اور ایس ایس ایز کی ایکسٹینشن کے حوالے سے کور کمیٹی ممبران سے ملاقات کا کہا اور *کم از کم 3 تا 5 سال ایکسٹینشن* کے لیے لیٹر جاری کرنے کا کہا تاکہ ہر سال کی ایکسٹینشن کی تکلیف نہ اٹھانی پڑے ۔۔۔

پھر ہم نے سیکرٹری ایجوکیشن صاحب سے ملاقات کی اور انہیں ایکسٹینشن کی درخواست جمع کروائی ۔۔۔ انہوں نے درخواست مارک کر کے سپیشل سیکرٹری صاحب کے ذمہ لگایا کہ آپ SLO سے مشاورت کریں اور جلد ہی لیٹر جاری کریں ۔۔۔ انشاء اللہ امید ہے جلد ہی لیٹر جاری ہو جائیگا ۔۔۔

اللہ پاک ہمارا حامی و ناصر ہو آمین

منجانب:
*ملک محمد امان اللہ*
کور کمیٹی ممبر ریگولرائزیشن موومنٹ پنجاب

21/01/2026

السلام علیکم ایس ایس ایز پنجاب

آج مؤرخہ 21 جنوری 2026 بروز بدھ *عبدالرحمن چشتی فوکل پرسن SSEs ضلع پاک پتن* کی سربراہی میں محمد عمران (AEO)، راشد حسین بھٹی ، ملک محمد ندیم،ڈاکٹر محمد اکرم ظہیر،اشتیاق احمد ہنجرا،چودھری واجد علی،محمد آصف جموں،ممتاز احمد،عبد الوحید،محمد بشیر نظامی، محمد شاہد رفیق نے *چودھری عمران اکرم جٹ MPA عارف والا (پاک پتن شریف)چیئرمین (S&GDA)* سے ایس ایس ایز و اے ای اوز کی مستقلی کے حوالے سے ملاقات کی ۔۔۔

عبدالرحمن چشتی نے MPA صاحب کو ماضی کی تمام پیشرفت پر بریفننگ دی ۔۔۔ چودھری عمران صاحب نے بڑی انہماک سے تمام تفصیلات سنی اور یقین دلایا کہ آپکا مطالبہ بلکل *جائز اور حق* پر مبنی ہے ۔۔۔ آپکے ساتھ زیادتی کی گئی ہے جو آپکی سروس اتنی ضائع کر دی گئی ۔۔ آپ تسلی رکھیں میں انشاء اللہ *اگلے ہی اجلاس* میں آپکا ایجنڈا اٹھاؤں گا اور *سیکرٹری ایجوکیشن سے اس پر جواب بھی لیں گے* ۔۔۔ سپیشل کمیٹی میں بھی باقی ممبران کو آپکے *مسئلہ پر قائل* کرونگا اور سب مل کر مکمل حمایت کرینگے ۔۔۔

اللہ ہمارا حامی و ناصر ہو آمین

منجانب:
*عبدالرحمن چشتی*
فوکل پرسن ایس ایس ایز ضلع پاکپتن ریگولرائزیشن موومنٹ پنجاب

17/01/2026

السلام علیکم محترم ایس ایس ایز پنجاب

آج مؤرخہ *17 جنوری 2026* بروز ہفتہ *کور کمیٹی ممبر محمد امان اللہ و ہمراہ رانا لیاقت صاحب* (جنرل سیکرٹری پنجاب ٹیچرز یونین پنجاب) نے *منسٹر ایجوکیشن رانا سکندر حیات خان صاحب* سے انکی رہائش گاہ پر ملاقات کی ۔۔۔

منسٹر صاحب سے *اعلیٰ افسران سے ملاقات کے لیے* میٹنگ کے بارے پوچھا انہوں نے بتایا کچھ ذاتی مصروفیات کی وجہ سے میٹنگ کا شیڈول طے نہیں ہو پا رہا تھا *اگلے ہفتے انشاء اللہ میٹنگ* کی امید ہے ۔۔۔

منسٹر صاحب سے درخواست کی گئی کہ ایس ایس ایز کے *ریگولرائزیشن کے پراسیس میں تھوڑا وقت لگے گا* لیکن کافی اضلاع میں *ایس ایس ایز کی ایکسٹینشن نہیں* ہو رہی جسکی وجہ سے انکی *تنخواہیں رک گئی* ہیں ۔۔۔

منسٹر صاحب نے فوراً سیکرٹری ایجوکیشن سے فون پر بات کی اور ایس ایس ایز کی ایکسٹینشن کے حوالے سے سی او از کے نام لیٹر جاری کرنے کا کہا اور *کم از کم 3 تا 5 سال ایکسٹینشن* کرنے کا کہا تاکہ ہر سال کی ایکسٹینشن کی تکلیف نہ اٹھانی پڑے ۔۔۔

سیکرٹری صاحب نے جلد نوٹیفکیشن جاری کرنے کی یقین دہانی کروائی ۔۔۔

اللہ پاک ہمارا حامی و ناصر ہو آمین

منجانب:
*ملک محمد امان اللہ*
کور کمیٹی ممبر ریگولرائزیشن موومنٹ پنجاب

17/01/2026

امجد علی جاوید ایم پی اے ٹوبہ ٹیک سنگھ کے ساتھ میٹنگ بابت مستقلی کی تفصیلات - مورخہ 17 جنوری بروز ہفتہ 2026
ڈسٹرکٹ ٹوبہ ٹیک سنگھ کے تحصیلوں کے تمام فوکل پرسنز نے غلام فرید صاحب (ممبر کور کمیٹی) Ghulam Fareed کے ساتھ مل کر ایم پی اے امجد علی جاوید کے ساتھ آج اُن کے آفس میں ملاقات کی ... انہیں ایس ایس ای اور اے ای اوز کے مستقلی کے مسئلے کے بارے میں بریفنگ دی گئی۔ انہوں نے نے ہماری شکایات کو بہت احتیاط سے سنا اور پنجاب اسمبلی اور قانون سازی کی قائمہ کمیٹی میں حمایت کے لیے مکمل تعاون کا وعدہ کیا ....
انہوں نے اس نکتے پر بھی اتفاق کیا کہ مستقلی کے ایکٹ کو منسوخ کرنے کی تاریخ سے پہلے بھرتی ملازمین کو مستقل کرناچاہئے ... انہوں نے ہمارے معاملے کو مزید موثر بنانے کے لئے مزید اقدامات کرنے کی بھی رہنمائی کی ...
اس موقع پر خاص طور پر عمران گل صاحب کا شکریہ کہ انہوں نے امجد علی جاوید صاحب کے ساتھ ملاقات کا انتظام کیا ...
وسیم انوار کوآرڈینیٹر و فوکل پرسن ایس ایس ای اینڈ اے ای اوز ریگولر ائزیشن موومنٹ تحصیل گوجرہ - ضلع ٹوبہ ٹیک سنگھ

10/01/2026

السلام علیکم ایس ایس ایز پنجاب

آج بروز ہفتہ، 10 جنوری 2026ء کور کمیٹی کے اراکین
*محمد عمران، ملک محمد امان اللہ، ندیم شہزاد ہنجرا اور ایس ایس ای محمد اعظم نے محترم وزیرِ تعلیم پنجاب، رانا سکندر حیات خان صاحب* سے ایس ایس ایز کی مستقلی کے حوالے سے ملاقات کی۔۔۔

ملاقات کے دوران *ملک محمد امان اللہ* نے وزیرِ تعلیم کو سیکرٹری ایجوکیشن کے ساتھ ہونے والی حالیہ میٹنگ سے متعلق تفصیلی بریفنگ دی، جس میں سیکرٹری ایجوکیشن کے *مثبت اور حوصلہ افزا ردِعمل* سے بھی آگاہ کیا گیا۔۔۔۔

محترم وزیرِ تعلیم نے بریفنگ کے بعد *امید افزا مؤقف* اختیار کیا اور اس معاملے میں مزید پیش رفت کے لیے *اگلے ہفتے اعلیٰ حکام* کے ساتھ ایک اہم میٹنگ طے کرنے کی یقین دہانی کروائی۔..

تمام ایس ایس ایز سے گزارش ہے کہ وہ اللہ تعالیٰ سے خصوصی دعائیں کریں کہ اللہ پاک ہمارے لیے آسانیوں کے راستے کھولے اور ہماری مستقلی کے عمل میں حائل تمام رکاوٹیں جلد دور فرمائے۔ آمین 🤲

منجانب:
*ملک محمد امان اللہ*
کور کمیٹی ممبر
ریگولرائزیشن موومنٹ، پنجاب

05/01/2026

السلام علیکم ایس ایس ایز پنجاب

*آج مؤرخہ 5 جنوری 2026 کور کمیٹی ممبر محمد عمران کے ہمراہ ملک محمد امان اللہ و رانا عدنان مصطفی اور باسط بھٹی کی منسٹر ایجوکیشن رانا سکندر حیات صاحب کی ہدایت پر سیکریٹری ایجوکیشن پنجاب سے ایس ایس ایز کی مستقلی کے حوالے سے میٹنگ کی ۔۔۔*

سیکریٹری صاحب کو ایس ایس ایز کی مستقلی پر ہونے والی پیشرفت پر بریفننگ دی گئی ۔۔۔*

*سیکریٹری صاحب نے بریفننگ سننے کے بعد برملا کہا کہ میں آپکو اندھیرے میں رکھنا نہیں چاہتا ۔۔۔ آپ سے صاف اور سیدھی بات کرونگا میں آپکے مستقلی کے حق میں ہوں اور یہ آپکا جائز حق ہے لیکن موجودہ حالات میں ریگولرائزیشن ایکٹ 2018 کے ختم ہونے بعد آپکی مستقلی کے چانسز بہت کم ہیں کیونکہ سرکاری ملازم کو مستقل کرنے کے لیے کوئی بھی قانون اب موجود نہ ہے ۔۔۔لیکن آپکی جاب سیکورٹی کے لیے لانگ ٹرم ایکسٹینشن ہو سکتی ہے ۔۔۔*

*اسکے لیے ہم پرپوزل بنا کر وزیر اعلیٰ پنجاب آفس بھیج دینگے۔۔جس میں دونوں پوائنٹس مستقلی اور لانگ ٹرم ایکسٹینشن شامل کیے جائینگے۔۔۔آگے وزیر اعلیٰ صاحبہ کس چیز کی منظوری دینگی یہ آپکے نصیب ۔۔۔*

اب انشاء اللہ چند روز میں منسٹر صاحب سے دوبارہ ملاقات کی جائیگی اور انہیں پراسیس کو جلد از جلد مکمل کرنے کی درخواست کی جائیگی ۔۔۔

جزاکم اللہ خیرا

منجانب:
*ملک محمد امان اللہ*
کور کمیٹی ممبر ریگولرائزیشن موومنٹ پنجاب

28/12/2025

السلام علیکم محترم ایس ایس ایز پنجاب

آخری بار ہماری کاوشوں سے مستقلی کے لیے منسٹر صاحب کی ہدایت پر ایک کمیٹی بنی جس میں سپیشل سیکرٹری ایجوکیشن صاحب سے خصوصی ملاقات ہوئی تھی ۔۔۔ تو تب ہم لاہور کے کور کمیٹی ممبران کی کردار کشی کی گئی چند کور کمیٹی ممبرز اور ایس ایس ایز کی طرف سے کہ یہ مستقلی کا کام خراب کر رہے ہیں تو ہم انہیں کہا بھائی اگر آپکو ایسا لگتا ہے تو ست بسم اللہ ہم پیچھے ہٹ جاتے ہیں آپ آگے آئیں اور لیڈ کر لیں ۔۔۔ ہمیں کوئی لیڈری کا شوق نہیں ہے ۔۔۔ ہمیں ہماری مستقلی سے غرض ہے بس۔۔۔

تو ہم پچھلے پانچ ماہ سے خاموش تھے اور انکی طرف دیکھ رہے تھے کہ یہ کچھ کریں ۔۔۔ لیکن یہ سب اپنے بل میں گھس کر بیٹھے رہے بس ۔۔۔

جب جب مستقلی پر کام شروع ہوتا انتشاری ٹولا اپنے بل سے نکل آتا اور پراپیگنڈا شروع کر دیتا کہ یہ کام کیوں شروع ہو گیا ہے ۔۔۔ اور آج بھی ہماری کل ہونے والی میٹنگ کو خراب کرنے کی کوشش کی ہے کہ انکی فنڈنگ اور لیڈری ختم نہ ہو جائے اگر مستقل ہو گئے ہم تو ۔۔۔ اور اسی ایک بندے کے جھوٹ اور انتشاری سوچ کی وجہ سے میاں شہزاد منور اور ناصر سیلم ستی کی ہم سے لڑائی کرواتا رہا اور آج جب ہم صلح اور امن سے اکھٹے ہیں تو بھی اسے تکلیف ہے کہ ایسا کیوں ہے ؟؟؟

پچھلے ماہ سے ہی مختلف جعلی نوٹیفیکیشن مارکیٹ میں آتے رہے جس سے ایس ایس ایز میں بہت بے چینی اور شدید مایوسی پھیلنا شروع ہو گئی مجھے اکثر دوست میسجز کرتے کہ سر پلیز کچھ کریں منسٹر سے ملیں ورنہ ہمیں کب گھر بھیج دیا جائے کچھ پتا نہیں لگنا ۔۔۔

آخر کار کور کمیٹی ممبرز اور کافی ایس ایس ایز دوستوں کی درخواست پر ہم پھر کل 27 دسمبر 2025 بروز ہفتہ منسٹر صاحب سے ملاقات کے لیے خصوصی ٹائم لیا اور انکی رہائش گاہ پر 2 گھنٹے سے زائد ملاقات جاری رہی ۔۔۔ جس میں مستقلی پر تفصیلی تبادلہ خیال ہوا ۔۔۔

منسٹر صاحب کو ایس ایس ایز میں پائی جانے والی تشویش سے آگاہ کیا کہ سر جی آپکی گورنمنٹ کو آئے 2 سال ہونے والے لیکن ہمارا وعدہ وفا نہیں ہوا اور ریگولرائزیشن ایکٹ 2018 کے خاتمے کے بعد اب PPSC والی تلوار ہٹ گئی ہے تو اب ماضی کی طرح وزیر اعلیٰ صوابدیدی اختیارات استعمال کرتے ہوئے مستقل کر سکتی ہیں۔۔۔

منسٹر صاحب نے اپنی سربراہی میں اس پر قانونی رائے اور مزید پیشرفت پر اگلے ہفتے دوبارہ میٹنگ کے لیے وقت دے دیا ہے جس میں سیکرٹری ایجوکیشن اور سپیشل سیکرٹری بھی موجود ہونگے ۔۔۔

انشاء اللہ اگلے ہفتے مستقلی پر مزید پیشرفت پر آپ سب کو آگاہ کیا جائیگا ۔۔

اللہ ہمارا حامی و ناصر ہو آمین

منجانب:

ملک محمد امان اللہ
کور کمیٹی ممبر ایس ایس ایز ریگولرائزیشن موومنٹ پنجاب

18/09/2025

فرض سناش سی ای او ایجوکیشن شیخو پورہ رانا نعیم عباس پر وکلاء کی وردی میں غنڈہ گردی کرنے والے عناصراور تشدد کرنے کی شدید مذمت کرتے ہیں اور وزیر تعلیم رانا سکندر اور وزیر اعلی پنجاب سے سختی سے نوٹس لینے کا مطالبہ کرتے ہیں۔
Rana Sikandar Hayat
Maryam Nawaz Sharif

11/08/2025

السلام علیکم!
*۔۔۔۔۔۔۔۔۔ایس ایس ایز پنجاب۔۔۔*

آج مورخہ 11 اگست، بروز پیر، *صدر کور کمیٹی ریگولرائزیشن موومنٹ لاہور ملک محمد امان اللہ* کی زیر صدارت *ضلع لاہور کی تمام تحصیلوں کی میل ایگزیکٹو باڈی* کا خصوصی اجلاس منعقد ہوا، جس میں *کور کمیٹی ممبر پنجاب محمد عمران* نے بھی خصوصی شرکت کی۔

*اجلاس میں کور کمیٹی ممبر محمد عمران نے تمام ممبران کو مستقلی کے حوالے سے مکمل صورتحال سے آگاہ کیا۔ تمام ممبران کی اتفاقِ رائے سے فیصلہ کیا گیا کہ غیر مشروط مستقلی کے لیے کوششیں بھرپور انداز میں جاری رکھی جائیں۔۔۔*

*مزید یہ طے پایا کہ اگر حکومت مزید تاخیری حربے استعمال کرتی ہے، تو احتجاج کا راستہ اختیار کیا جائے گا۔ اس سلسلے میں لاہور کے تمام میل ایس ایس ایز کو ابھی سے احتجاجی تیاری مکمل کرنے کی ہدایت دی جاتی ہے تاکہ وقت آنے پر بھرپور قوت کے ساتھ حکومت کے سامنے آواز بلند کی جا سکے۔۔۔*

*اللہ ہمارا حامی و ناصر ہو آمین*

منجانب:
*ملک محمد امان اللہ*
*کور کمیٹی ممبرایس ایس ایز ریگولرائزیشن موومنٹ پنجاب*

06/08/2025

Rana Sikandar Hayat
Maryam Nawaz Sharif

*انداز بیاں گرچہ بہت شوخ نہیں ہے
شاید کہ اتر جائے ترے دل میں مری بات*

" *ہمارا جرم کیا ہے* ؟"
کیا آپ نے کبھی علم کی شمع جلانے کے لیے اپنے بچوں کو گھر میں بھوکا سُلایا؟ کیا آپ نے کبھی بغیر مستقل نوکری کے، اپنے خوابوں کو دفن کرکے دوسروں کے خواب سجائے؟

لیکن ہم نے کیا ہے۔

ہم وہی لوگ ہیں جنہیں "سیکنڈری سکول ایجوکیٹرز (SSEs)" اور "اسسٹنٹ ایجوکیشن آفیسرز (AEOs)" کہا جاتا ہے۔ہم وہ خوش نصیب تھے جنہوں نے ریکروٹمنٹ پالیسی کے NTS جیسے معتبر ٹیسٹ اور انٹرویو کے ذریعے میرٹ پر سیلیکشن حاصل کی خصوصاً AEOs کی بھرتی کے لئے پاسنگ مارکس 60 جبکہ باقی تمام کیٹیگریز کے لیے پاسنگ مارکس 50 رکھے گئے تھے۔
ہم نے میرٹ پر بھرتی ہو کر، بغیر کسی سفارش اور رشوت کے، سخت ترین ٹیسٹ اور انٹرویو میں مقابلہ کر کے سب سے زیادہ میرٹ ہونے کی بنیاد پر یہ نوکری حاصل کی۔ ہم نے اپنی جوانیاں، وقت، صلاحیتیں، حتیٰ کہ گھر بار کی خوشیاں بھی اس قوم کے بچوں اور ڈیپارٹمنٹ کے روشن مستقبل پر قربان کر دیں۔ لیکن بدلے میں ہمیں کیا ملا؟

❌ *ناانصافی — ایک مستقل زخم*
ہمیں آج تک مستقل نہیں کیا گیا۔ ہمیں ریگولرائزیشن کا وہ آئینی و قانونی حق نہیں دیا گیا جس کا ہم بار بار مطالبہ کرتے آ رہے ہیں۔ ہم سے پہلے اور ہمارے ساتھ بھرتی ہونے والے 90 فیصد ایجوکیٹرز کو تو ریگولر کر دیا گیا، مگر ہم...؟
ہم آج بھی کنٹریکٹ کی زنجیروں میں جکڑے ہوئے ہیں۔ کیوں؟
ہمارا "قصور" کیا ہے؟
کیا یہی کہ ہم نے اعلیٰ میرٹ پر بھرتی ہو کر سسٹم کو صاف رکھنے کی کوشش کی؟ کیا ہم نے غلط کیا کہ ہم نے سفارش کے بجائے قابلیت کو ترجیح دی؟

📉 *ریگولرائز نہ ہونے کے اثرات*
ہم کسی عیاشی یا عہدے کے خواہاں نہیں، ہم صرف اپنے اور اپنے بچوں کے مستقبل کی حفاظت چاہتے ہیں۔

ہر دن نوکری چھن جانے کا خوف
پنشن، سروس سیکیورٹی اور پروموشن جیسے بنیادی حقوق سے محرومی
ذہنی تناؤ، عدم تحفظ، اور مسلسل بےچینی
اوور ایج ہو جانا اور کسی اور شعبے میں نوکری کے دروازے بند ہونا
موت کی صورت میں بیوہ بچوں کا دربدر ہو جانا
لوگوں کے مستقل نوکری نہ ہونے کے طعنہ

یہ سب کچھ ہم روز جھیل رہے ہیں، مگر پھر بھی صبح وقت پر سکول جاتے ہیں، بچوں کو مسکرا کر پڑھاتے ہیں۔ وزٹ کرتے ہیں۔ حکومت کی ہر پالیسی اور حکم کی تعمیل کرتے ہیں۔ ایمانداری سے اپنی ڈیوٹی سرانجام دینے کی ہر مکنہ کوشش کرتے ہیں۔ شاید ہم وہ جنگجو ہیں جن کے ہتھیار چھین لیے گئے ہیں، مگر جنگ جاری ہے۔

🪧 *احتجاج، دھرنے، وعدے... اور دھوکہ*
ہم نے سڑکوں پر دن گزارے، دھرنے دیے، حکام بالا کے در پر بارہا حاضری دی۔ سیاستدانوں سے ملاقاتیں کیں۔ زبانی اور تحریری وعدے سنے۔
لیکن ہر بار دھوکہ ملا، امید ٹوٹی، حوصلے ریزہ ریزہ ہوئے۔
ہمارے کچھ ساتھی تو ریگولر ہونے کی حسرت آنکھوں میں لیئے قبروں میں جا سوئے ہیں اور انکے لواحقین کو کچھ نہ ملا ہے۔ لیکن یہاں ہماری اس تکلیف اور ذہنی اذیت کا کسی کو احساس نہیں ہے۔ ہم بھی خاندان کے کفیل اور بال بچوں والے ہیں۔
کیا اس ملک میں صرف اسی کو سنا جائے گا جو طاقت ور ہو گا؟
کیا سکون اور عزت سے، قانونی طریقے سے حق مانگنے والے ہمیشہ محروم رہیں گے؟

⚖️ *دوہرا معیار — ایک ناقابل معافی ستم*
ہمارے ساتھ بھرتی ہونے والے تو ریگولر ہو چکے، ہم کیوں نہیں؟
کیا ہمیں جان بوجھ کر نظر انداز کیا گیا؟
اگر کنٹریکٹ ملازمت مستقل نہیں ہونی تھی، تو باقی سب کو ریگولر کیوں کیا گیا؟
کیا یہ واضح امتیازی سلوک نہیں؟
کیا ہمارا پس منظر کمزور تھا یا آواز مدھم تھی کہ ہمیں سنجیدگی سے نہ لیا گیا؟

📢 *ہمارا مطالبہ — حق، رحم یا خیرات نہیں*
ہم بھیک نہیں مانگ رہے، ہم کوئی رعایت نہیں مانگ رہے۔
ہم صرف اپنا حق مانگ رہے ہیں — ریگولرائزیشن کا حق۔ قانون کے مطابق 3 سال کنٹریکٹ پر سروس کرنے کے بعد ریگولر ہونا ہمارا قانونی حق ہے۔
ہم بھی وہی سروس سیکیورٹی چاہتے ہیں جو ہمارے ساتھیوں کو حاصل ہے۔
ہم اپنے بچوں کے روشن مستقبل کے ضامن بننا چاہتے ہیں، نہ کہ خود ایک دھندلے مستقبل کا شکار۔

*آخر میں ایک سوال...*
کیا قوم کے معماروں کو یوں نظر انداز کرنا، ان کے ساتھ یہ سلوک، ایک مہذب ریاست کو زیب دیتا ہے؟

ہماری آواز کمزور ہو سکتی ہے، مگر ہمارا حق مضبوط ہے۔
ہمارے لہجے میں درد ہو سکتا ہے، مگر دلیل بھی ہے۔
ہمارا حوصلہ تھک سکتا ہے، مگر حق کی لڑائی ہم کبھی نہیں چھوڑیں گے۔

06/08/2025

Rana Sikandar Hayat
یہ ہیں گورنمنٹ ہائی سکول رسول پر تارڑ کے انچارج ہیڈ
سر فیصل اقبال گجر صاحب ایم فل فزکس بی ایڈ۔

جو کہ 2015 سے بطور ایس ایس ای فزکس اپنے فرائض سرانجام دے رہے ہیں 2017 میں جب رسولپور آئے تو رسولپور ہائی سکول کی تعلیمی گراف پستیوں کا شکار ہونے کے ساتھ ساتھ میٹرک میں طالب علموں کی تعداد 25 30 سے زیادہ نہ ہوتی تھی۔ مجموعی تعداد بھی 400 کے قریب تھی کوئی والدین اپنے بچوں کو رسولپور ہائی اسکول داخل کروانے پہ تیار نہ تھا ،مگر جب سر فیصل صاحب نے رسولپور ہائی اسکول میں قدم رکھا اور اپنی دن رات محنت سے بہترین رزلٹس دیے ۔میٹرک کے رزلٹ میں 2017 سے مسلسل ضلع میں نمایاں پوزیشنز انھیں کے طالب علموں کی ہیں ۔2018 2019 اور 2021 میں گوجرانولہ بورڈ میں پوزیشنز ان کی کلاس کے بچے نے حاصل کی. 2025 میں کلاس دہم کا رزلٹ 100 فیصد رہا جس کی وجہ سے سکول ہذا پرسنٹیج کے حوالے سے ضلع بھر میں اول پوزیشن پر ہے۔۔فیصل صاحب کی محنت سے سکول ہذا کی تعداد ایک ہزار سے زیادہ ہو چکی ہے جبکہ نہم دہم میں بچوں کا داخلہ مثالی ہوتا ہے اب کلاس نہم اور دہم کی مجموعی تعداد تقریباً 400 کراس کر چکی ہے ۔سردی ،گرمی جمعہ ہو یا اتوار فیصل صاحب آپ کو سکول میں ہی ملیں گے ۔سکول کے بہتر رزلٹ اور بچوں کے روشن مستقبل کے لیے فیصل صاحب چھٹی کے بعد شام تک سکول میں موجود رہتے ہیں ۔ انچارج ہیڈ ماسٹر ہونے کے ساتھ ساتھ کلاس دہم کے انچارج بھی ہیں۔انکی سر براہی میں سکول ہذا کے ڈسپلن اور تعمیر و ترقی کی بات کی جائے تو ادارہ اپنی مثال آپ ہے اللہ پاک ان کو اسی طرح صبح سے لے کر شام تک طلبہ اور ادارہ کی بہتری کے لیے کام کرنے کی توفیق عطا فرمائے۔

01/08/2025

Rana Sikandar Hayat Maryam Nawaz Sharif Rana Naveed Mushtaq

گورنمنٹ ہائی سکول ککی نو کے استاد کا اعزاز
Govt of Punjab
Rana Sikandar Hayat