Sheikh Muhammad Anwar

05/08/2026

الحمدللہ!
پاکستان ریلویز پریم یونین کی مسلسل جدوجہد، کارکنوں کی بے لوث قربانیوں اور عوام دوست مؤقف کو ایک اور اہم کامیابی حاصل ہوئی۔
صدر پاکستان ریلویز پریم یونین شیخ محمد انور کی قیادت میں ریلوے ملازمین کے مسائل کے حل کی جانب ایک مثبت پیش رفت سامنے آئی ہے۔ وزیرِ ریلوے کی جانب سے ریلوے ٹرینوں کی بحالی کے فیصلے سے نہ صرف لاکھوں مسافروں کو سہولت میسر آئے گی بلکہ ریلوے ملازمین کے معاشی حقوق، روزگار کے مواقع اور ادارے کی بہتری کی راہ بھی ہموار ہوگی۔
ہم امید کرتے ہیں کہ پاکستان ریلویز کو دوبارہ ایک مضبوط، فعال اور عوام دوست ادارہ بنانے کے لیے تمام مثبت اقدامات اسی جذبے کے ساتھ جاری رہیں گے۔
"مزدور کا حق، عوام کی خدمت اور پاکستان ریلویز کی ترقی—یہی ہمارا عزم ہے۔"

04/08/2026

5 اگست... ایک تاریخ نہیں، ایک ایسا زخم ہے جو آج بھی اہلِ کشمیر کے دلوں سے تازہ خون رسا رہا ہے۔
آج جب پورا پاکستان ایک منٹ کی خاموشی اختیار کرے گا، تو یہ خاموشی بے حسی کی نہیں بلکہ اس عہد کی علامت ہوگی کہ ہم اپنے کشمیری بھائیوں اور بہنوں کو کبھی تنہا نہیں چھوڑیں گے۔
ظلم کی زنجیریں، قید و بند، طاقت کا غرور اور جبر کے تمام ہتھکنڈے آزادی کی خواہش کو کبھی شکست نہیں دے سکتے۔ تاریخ گواہ ہے کہ حق دبایا جا سکتا ہے، مٹایا نہیں جا سکتا۔
آج ہم دنیا کے ضمیر کو جھنجھوڑتے ہیں کہ وہ انسانی حقوق کی پامالی پر خاموشی توڑے اور کشمیری عوام کو ان کا بنیادی حقِ خودارادیت دلانے میں اپنا کردار ادا کرے۔
آئیے! ایک منٹ کی خاموشی کے ساتھ اپنے دلوں میں یہ عہد بھی تازہ کریں کہ کشمیر کی آزادی، انصاف اور انسانی وقار کی آواز ہر فورم پر بلند کرتے رہیں گے۔
ہم نہ بھولے ہیں، نہ بھولیں گے۔ کشمیر بنے گا پاکستان، ان شاء اللہ۔

04/08/2026

آج میرے نہایت محترم سسر، ماموں، محسن اور بزرگ، محمد یعقوب گنگوہی مرحوم کی برسی ہے۔
وقت گزر جاتا ہے، مگر کچھ لوگ اپنی محبت، کردار، محنت اور حسنِ اخلاق کی خوشبو ہمیشہ کے لیے دلوں میں چھوڑ جاتے ہیں۔ محمد یعقوب گنگوہی مرحوم بھی ایسی ہی ایک باوقار اور باکردار شخصیت تھے۔ سادگی، خودداری، دیانت داری اور انتھک محنت ان کی زندگی کا سرمایہ تھیں۔ انہوں نے اپنی پوری زندگی عزتِ نفس کے ساتھ بسر کی، حلال رزق کمایا اور اپنے عمل سے دوسروں کے لیے مثال قائم کی۔
وہ صرف ایک شفیق باپ اور عظیم انسان ہی نہیں تھے بلکہ پاکستان کے ممتاز کاتبوں میں شمار ہوتے تھے۔ ان کے قلم نے خوبصورت الفاظ کو دائمی حسن بخشا، مگر ان کا اصل حسن ان کا کردار، اخلاص اور انسان دوستی تھی، جو آج بھی انہیں جاننے والوں کے دلوں میں زندہ ہے۔
سسر صرف ایک رشتہ نہیں ہوتا، بلکہ باپ کی محبت، شفقت اور اعتماد کا دوسرا نام ہوتا ہے۔ جو شخص اپنی بیٹی کسی کے سپرد کرتا ہے، وہ دراصل اپنے دل کا ایک ٹکڑا اس کے حوالے کرتا ہے۔ میں خود کو خوش نصیب سمجھتا ہوں کہ مجھے محمد یعقوب گنگوہی مرحوم جیسے عظیم انسان کی قربت نصیب ہوئی۔
آج ان کی برسی کے موقع پر دل سے دعا ہے کہ اللہ تعالیٰ ان کی کامل مغفرت فرمائے، ان کی قبر کو نور سے بھر دے، اسے جنت کے باغوں میں سے ایک باغ بنا دے، ان کے درجات بلند فرمائے، انہیں جنت الفردوس میں انبیاء، صدیقین، شہداء اور صالحین کی رفاقت عطا فرمائے، اور ان اہلِ خانہ کو صبرِ جمیل، اجرِ عظیم اور ان کی نیکیوں کو جاری رکھنے کی توفیق عطا فرمائے۔
اللّٰہم اغفر لہ وارحمہ، وعافہ واعف عنہ، واکرم نزلہ، ووسع مدخلہ، واجعل الفردوس الأعلى مستقراً لہ۔ آمین۔
إِنَّا لِلّٰهِ وَإِنَّا إِلَيْهِ رَاجِعُونَ
اللہ تعالیٰ اس پوسٹ کو آپ کے لیے صدقۂ جاریہ بنائے اور مرحوم کے درجات کی بلندی کا ذریعہ فرمائے۔ آمین۔

01/08/2026

31/07/2026

✍️ کھرا سچ
مسن کالر کے قریب سیلابی ریلے نے ریلوے پل کو شدید نقصان پہنچایا، مگر اس خطرناک مقام پر بھی ریلوے کے مزدور، گینگ مین اور فیلڈ اسٹاف اپنی جانیں ہتھیلی پر رکھ کر ریل کی پٹڑیوں کو بحال کرنے میں مصروف ہیں۔ گہرے پانی کے اوپر صرف پٹڑی کا سہارا ہے، اور یہی بے لوث کارکن پتھر ڈال کر ریلوے ٹریک کو بچانے کی کوشش کر رہے ہیں۔
افسوس! جب تعریفوں، انعامات اور اعزازات کی باری آتی ہے تو تمام کریڈٹ دفاتر میں بیٹھے افسران کے حصے میں چلا جاتا ہے، جبکہ دھوپ، بارش، سیلاب اور موت کے سائے میں کام کرنے والے یہ گمنام مزدور فراموش کر دیے جاتے ہیں۔
آج ریلوے میں آئے روز ڈریلمنٹ حادثات، انجنوں کا پٹری سے اترنا، اور ایک ہی دن میں کئی کئی فیلئر ہونا اس بات کا واضح ثبوت ہے کہ کہیں نہ کہیں ہماری ترجیحات غلط ہو چکی ہیں۔
حکمرانوں اور اربابِ اختیار سے صرف ایک سوال ہے:
کیا کبھی آپ نے ان محنت کشوں کے بارے میں سوچا ہے جو اپنی جان خطرے میں ڈال کر نظام کو چلائے ہوئے ہیں؟ جب تک ان کے جائز واجبات بروقت ادا نہیں ہوں گے، ٹی ایل اے انویلڈ ملازمین کے بچے کنٹریکٹ ملازمین کو مستقل نہیں کیا جائے گا، اور مزدور کو عزت، تحفظ اور انصاف نہیں ملے گا، تب تک محض دعووں سے نظام نہیں سنورے گا۔
یاد رکھیے!
اللہ تعالیٰ کی مدد صرف منصوبوں سے نہیں، بلکہ انصاف، دیانت اور محنت کش کے حق کی ادائیگی سے آتی ہے۔ جس دن اس ملک کے مزدور کو اس کا جائز مقام مل گیا، اسی دن ادارے بھی مضبوط ہوں گے اور قوم بھی سرخرو ہوگی۔
"ریلوے کو بچانا ہے تو سب سے پہلے ریلوے کے مزدور کو بچانا ہوگا۔
انعام اکرام دیتے وقت ان مزدوروں کو یاد رکھیں ورنہ ہمارے ادارے کا اللہ ہی مالک ھے
کڑوا سچ ہمیشہ برا لگتا ھے

31/07/2026

ا
کچھ لوگ دنیا سے رخصت ہو جاتے ہیں، مگر اپنے کردار، اخلاص اور محبت کی خوشبو ہمیشہ کے لیے چھوڑ جاتے ہیں۔ امیرالعظیم صاحب بھی ایسی ہی ایک درخشاں شخصیت تھے، جنہوں نے اپنی پوری زندگی دین، وطن اور انسانیت کی خدمت کے لیے وقف کر دی۔ ان کی مسکراہٹ، شفقت، جراتِ اظہار اور نظریاتی استقامت ہمیشہ یاد رکھی جائے گی۔ یہ خصوصی صفحہ محض چند تصویروں اور الفاظ کا مجموعہ نہیں، بلکہ ایک عظیم انسان کی بے مثال جدوجہد، لازوال خدمات اور روشن کردار کو سلامِ عقیدت ہے۔ اللہ تعالیٰ اپنے اس مخلص بندے کو جوارِ رحمت میں اعلیٰ مقام عطا فرمائے، جنت الفردوس نصیب کرے، اور ہمیں بھی ان کے نقشِ قدم پر چلنے کی توفیق عطا فرمائے۔ آمین۔"

29/07/2026

پاکستان ریلوے ایمپلائز پریم یونین سی بی اے کے قاہدین کا سیکرٹری جنرل امیرالعظیم کی وفات پر اظہار افسوس

26/07/2026

ٹی ایل اے کنٹریکٹ ملازمین انویلڈ ملازمین کے بچوں کو مستقل کیا جائے انکا جرم کیا ھے