MWL- South Punjab

22/09/2026

#درس قرآن: لودھراں
منہاج القرآن ویمن لیگ لودھراں کے زیر اہتمام (پپلی والا) میں دو مقامات پر درس قرآن کا انقعاد ہوا۔
▪️جس کا آغاز تلاوت قرآن پاک اور نعت رسول مقبول سے ہوا۔
▪️ناظمہ دعوت محترمہ طاہرہ صاحبہ نے درس قرآن کے فرائض سر انجام دیے۔
▪️ محترمہ طاہرہ صاحبہ نے(جھوٹ کی مذمت) اور (اہل ایمان کا باہمی تعلق) کے موضوعات پر درس دیا۔
▪️ شیخ الاسلام ڈاکٹر محمد طاہر القادری کا خطاب بھی سنوایا گیا جس کا موضوع (اللّٰہ اور فرشتوں کی سنت درود و سلام) اور (کن چیزوں سے دل مردا ہوتا ہے)
▪️اختتام پر محترمہ طاہرہ نے دعا بھی کروائی۔

22/09/2026

#محفل:جامع اسلامیہ منہاج الزہرا ملتان
جامع اسلامیہ منہاج الزہرا ملتان میں عید میلاد النبی ﷺ کے پُرمسرت اور بابرکت موقع پر ایک ایمان افروز میلاد النبی ﷺ کانفرنس کا انعقاد کیا گیا، جس میں جامعہ کے تمام بچوں نے بھرپور عقیدت و محبت کے ساتھ شرکت کی۔ اس موقع پر بچوں کے والدین بھی شریک ہوئے جبکہ معزز خصوصی مہمانانِ گرامی نے بھی خصوصی شرکت فرما کر محفل کی رونق کو دوبالا کیا۔
▪️کانفرنس کا باقاعدہ آغاز تلاوتِ کلامِ پاک سے ہوا۔ بعد ازاں بچوں نے عشقِ رسول ﷺ سے سرشار ہو کر میلاد النبی ﷺ واک میں شرکت کی، جس میں بچوں کی محبت و عقیدت قابلِ دید تھی۔ منہاج نعت کونسل نے خوبصورت اور پُرسوز انداز میں نعت خوانی پیش کی، جس سے محفل کی فضا درود و سلام اور محبتِ مصطفیٰ ﷺ سے معطر ہوگئی۔
▪️محترمہ فروا، ناظمۂ تربیت نے "حضور اکرم ﷺ کا تذکرہ بزبانی اُن کے جدِ امجد" کے عنوان سے سیرتِ طیبہ کے مختلف پہلوؤں پر روشنی ڈالی اور ذکرِ مصطفیٰ ﷺ کی اہمیت کو اجاگر کیا۔
▪️محترمہ امیمہ خان، ناظمۂ الہدایہ نے "حضور ﷺ کی ذات ہی صراطِ مستقیم ہے" کے موضوع پر ایمان افروز گفتگو فرمائی اور سیرتِ مصطفیٰ ﷺ کو زندگی کے لیے کامل رہنمائی کا ذریعہ قرار دیا۔
▪️محترمہ علیشبہ سلیم، سوشل میڈیا کوآرڈینیٹر نے "اصلِ ایمان محبت و ادبِ مصطفیٰ ﷺ کا نام ہے" کے موضوع پر خصوصی گفتگو فرمائی، جس میں محبتِ رسول ﷺ اور ادبِ مصطفیٰ ﷺ کی اہمیت اور ایمان کے ساتھ اس کے تعلق کو اجاگر کیا گیا۔
▪️کانفرنس کے اختتام پر دعا اور سلام پیش کیا گیا۔ یوں یہ خوبصورت اور بابرکت محفل بچوں، والدین اور معزز مہمانانِ گرامی کے لیے عشقِ رسول ﷺ، سیرتِ طیبہ اور ادبِ مصطفیٰ ﷺ کی یاد تازہ کرنے کا ذریعہ بنی۔
💚 اللّٰہم صلِّ علیٰ سیدنا محمدٍ وعلیٰ آلہٖ واصحابہٖ وسلم ﷺ

#عیدمیلادالنبیﷺ ٰﷺ ٰﷺ

21/09/2026

:ڈسٹرکٹ ہارون آباد
▪️تحریک منہاج القرآن ویمن لیگ جنوبی پنجاب کی زونل ہیڈ محترمہ حرا دلبر اعوان نے حاصل پور کی پوری ٹیم کے ساتھ تنظیمی و تربیتی میٹنگ بھی کی، جس میں آئندہ کے لائحہ عمل، تنظیمی امور اور مشنِ منہاج القرآن کے پیغام کو مزید مؤثر انداز میں آگے بڑھانے کے حوالے سے رہنمائی فراہم کی گئی۔
▪️اللہ تعالیٰ اس کاوش کو قبول فرمائے اور محبت و اتباعِ رسول ﷺ کو ہماری زندگیوں کا حقیقی شعار بنائے۔ آمین 🤲🏻

21/09/2026

:ڈویژن بہاولپور — ضلع رحیم یار خان
▪️محترمہ حرا دلبر اعوان صاحبہ نے تنظیمات کو خصوصی بریفنگ دیتے ہوئے تحریکِ منہاج القرآن، قائدِ تحریک کی خدمات اور منہاج القرآن ویمن لیگ کے دینی و تنظیمی کردار سے آگاہ کیا۔ دین کی دعوت، خدمتِ دین اور مؤثر تنظیمی ورکنگ کے حوالے سے رہنمائی فراہم کی گئی۔
▪️بعد ازاں ضلع رحیم یار خان میں تنظیمِ نو عمل میں لائی گئی، جس کے نتیجے میں ذمہ داریوں کو ازسرِنو منظم کیا گیا، ورکنگ کو فعال بنانے کے لیے نئی ترتیب قائم کی گئی اور آئندہ دعوتی و تنظیمی سرگرمیوں کے لیے مؤثر ٹیم تشکیل دی گئی۔

21/09/2026

:ڈسٹرکٹ چشتیاں
▪️تحریک منہاج القرآن ویمن لیگ جنوبی پنجاب کی زونل ہیڈ محترمہ حرا دلبر اعوان نے ڈویژن حاصل پور میں منعقدہ کانفرنس میں خصوصی شرکت کی، جہاں "محبت و اتباعِ رسول ﷺ" کے خوبصورت اور ایمان افروز موضوع پر فکر انگیز گفتگو کے ذریعے عشقِ رسول ﷺ کو عملی زندگی میں اپنانے اور سنتِ رسول ﷺ کی پیروی کی اہمیت کو اجاگر کیا گیا۔
▪️اس موقع پر محترمہ حرا دلبر اعوان نے حاصل پور کی پوری ٹیم کے ساتھ تنظیمی و تربیتی میٹنگ بھی کی، جس میں آئندہ کے لائحہ عمل، تنظیمی امور اور مشنِ منہاج القرآن کے پیغام کو مزید مؤثر انداز میں آگے بڑھانے کے حوالے سے رہنمائی فراہم کی گئی۔
محترمہ رافعہ فاطمہ صاحبہ، ڈپٹی ڈائریکٹر دعوت و تربیت نے دعوت و تربیت کے پلیٹ فارم سے جاری سرگرمیوں اور ورکنگ سے آگاہ کیا۔ دورے کے اختتام پر دونوں معزز ذمہ داران کی مشترکہ کاوش سے سٹی لیول پر تنظیم سازی عمل میں لائی گئی
▪️اللہ تعالیٰ اس کاوش کو قبول فرمائے اور محبت و اتباعِ رسول ﷺ کو ہماری زندگیوں کا حقیقی شعار بنائے۔ آمین 🤲🏻

21/09/2026

:ڈویژن بہاولپور — ضلع خانپور
▪️سٹی خانپور میں تنظیمات کا خصوصی تعارفی و تربیتی سیشن منعقد کیا گیا۔ محترمہ حرا دلبر اعوان صاحبہ(زونل ہیڈ جنوبی پنجاب) نے تحریکِ منہاج القرآن کے تعارف، منہاج القرآن کے پلیٹ فارم، قائدِ تحریک کی دینی و تجدیدی خدمات اور منہاج القرآن ویمن لیگ کی خدمات و مؤثر تنظیمی سرگرمیوں میں اس کے کردار کے حوالے سے تفصیلی آگاہی دی۔ خواتین کو دین کی دعوت، اللہ تعالیٰ اور رسولِ اکرم ﷺ سے تعلق مضبوط کرنے، خدمتِ دین کی اہمیت اور آخرت کی تیاری کی جانب راغب کیا گیا۔

▪️محترمہ رافعہ فاطمہ صاحبہ(ڈپٹی ڈائریکٹر دعوت و تربیت) نے دعوت و تربیت کے پلیٹ فارم سے اپنی جاری ورکنگ اور سرگرمیوں سے آگاہ کیا۔ بعد ازاں محترمہ حرا دلبر اعوان اور محترمہ رافعہ فاطمہ صاحبہ کی مشترکہ کاوش سے سٹی خانپور میں تنظیم سازی عمل میں لائی گئی، جس سے مقامی سطح پر دعوتی و تنظیمی ورکنگ کو مزید منظم کرنے کی بنیاد فراہم ہوئی۔

21/09/2026

:ڈویژن بہاولپور, ضلع لیاقت پور
▪️خدمتِ دین کی توفیق کے سلسلے میں محترمہ حرا دلبر اعوان صاحبہ (زونل ہیڈ جنوبی پنجاب) نے تحریکِ منہاج القرآن کے تعارف، منہاج القرآن کے پلیٹ فارم، قائدِ تحریک کی دینی و تجدیدی خدمات اور منہاج القرآن ویمن لیگ کے کردار و خدمات کے حوالے سے خصوصی گفتگو فرمائی۔ تنظیمی و دعوتی سرگرمیوں میں ویمن لیگ کے مؤثر کردار اور خواتین کی دینی و تنظیمی ذمہ داریوں کو اجاگر کرتے ہوئے انہیں دین کی دعوت، اللہ تعالیٰ اور رسولِ اکرم ﷺ کی محبت و اطاعت کی طرف راغب کیا۔ دین کی اہمیت و افادیت، خدمتِ دین کی ضرورت اور اپنی آخرت سنوارنے کی ترغیب دی گئی۔
▪️محترمہ رافعہ فاطمہ صاحبہ(ڈپٹی ڈائریکٹر دعوت و تربیت )نے دعوت و تربیت کے پلیٹ فارم سے جاری اپنی ورکنگ اور سرگرمیوں سے آگاہ کیا۔ بعد ازاں محترمہ ہیرہ دلبر اعوان اور محترمہ رافیہ فاطمہ صاحبہ کی مشترکہ کاوش سے سٹی لیول پر تنظیم سازی عمل میں لائی گئی۔

21/09/2026

:تحصیل ڈسٹرکٹ بہاولپور
منہاج القرآن ویمن لیگ بہاولپور کے زیر اہتمام تنظیمی وزٹ کیا گیا۔ محترمہ حرا دلبر اعوان صاحبہ(زونل ہیڈ جنوبی پنجاب) اور محترمہ رافعہ فاطمہ صاحبہ،(ڈپٹی ڈائریکٹر دعوت و تربیت) نے خصوصی شرکت کی۔
▪️محترمہ حرا دلبر اعوان صاحبہ(زونل ہیڈ جنوبی پنجاب) نے ورکنگ کے حوالے سے خواتین کی حوصلہ افزائی کی۔

21/09/2026

21/09/2026

:گلشن اقبال کالونی قاسم بیلہ ملتان
رہائش گاہ # محترمہ صوفیہ نور
بمقام گلش اقبال کالونی قاسم بیلہ ملتان کینٹ
▪️کلاس کا آغاز تلاوت قرآن پاک سے کیا گیا۔حمد و نعت رسول مقبول صلی اللہ علیہ وآلہ وسلم پڑھی گئی
▪️انفرادی و اجتماعی طور پر درود پاک پڑھا گیا ۔
▪️مرکز علم کا لیکچر معلمہ صوفیہ نور نے دیا۔
دعا کے ساتھ مرکز علم کی کلاس کا اختتام ہوا۔
شرکاء کی تعداد 07 تھی۔