Mayo Students Itehad

Mayo Students Itehad ( M S I ) Mayo Students Itehad ( University Of The Punjab )
Chairman : Zaheer Khan Mayo
(03039288807)

📢 خوشخبری!پنجاب یونیورسٹی نے انڈرگریجویٹ پروگرامز کے لیے سیکنڈ ایڈمیشن ٹیسٹ 2026 کا اعلان کر دیا ہے۔اگر آپ کسی وجہ سے پہ...
16/06/2026

📢 خوشخبری!

پنجاب یونیورسٹی نے انڈرگریجویٹ پروگرامز کے لیے سیکنڈ ایڈمیشن ٹیسٹ 2026 کا اعلان کر دیا ہے۔

اگر آپ کسی وجہ سے پہلے ایڈمیشن ٹیسٹ میں شامل نہیں ہو سکے تھے تو یہ آپ کے لیے ایک بہترین موقع ہے۔ اپنی تیاری مکمل کریں اور بروقت درخواست جمع کروائیں۔

📅 آخری تاریخ برائے درخواست:
3 جولائی 2026

📝 ایڈمیشن ٹیسٹ کی متوقع تاریخ:
19 جولائی 2026

تمام امیدواروں سے گزارش ہے کہ مقررہ تاریخ سے قبل اپنی رجسٹریشن مکمل کریں اور داخلے کے اس سنہری موقع سے فائدہ اٹھائیں۔

نیک تمناؤں کے ساتھ

میو سٹوڈنٹس اتحاد
جامعہ پنجاب، لاہور

پریس ریلیزپنجاب اسمبلی میں پنجاب یونیورسٹی کے معاملات پر اٹھائے گئے سوالات نے طلبہ برادری میں تشویش کی لہر دوڑا دی ہے۔می...
11/06/2026

پریس ریلیز
پنجاب اسمبلی میں پنجاب یونیورسٹی کے معاملات پر اٹھائے گئے سوالات نے طلبہ برادری میں تشویش کی لہر دوڑا دی ہے۔
میو سٹوڈنٹس اتحاد مطالبہ کرتی ہے کہ جامعہ پنجاب سے متعلق تمام الزامات اور بے ضابطگیوں کی آزادانہ، غیر جانبدارانہ اور شفاف تحقیقات کی جائیں تاکہ حقائق قوم کے سامنے آسکیں۔
ہم سمجھتے ہیں کہ تعلیمی ادارے علم، تحقیق اور کردار سازی کے مراکز ہوتے ہیں۔ کسی بھی قسم کی بدانتظامی یا غیر شفافیت نہ صرف ادارے کی ساکھ بلکہ طلبہ کے مستقبل کو بھی متاثر کرتی ہے۔
ہمارا مطالبہ ہے کہ: ✅ تمام معاملات کی شفاف تحقیقات کی جائیں۔ ✅ تحقیقات کی رپورٹ عوام کے سامنے پیش کی جائے۔ ✅ ذمہ داران کا تعین کرکے قانون کے مطابق کارروائی کی جائے۔ ✅ طلبہ کے حقوق اور جامعہ کے وقار کا تحفظ یقینی بنایا جائے۔
ترجمان
میو سٹوڈنٹس اتحاد پنجاب یونیورسٹی لاہور

ORIC کی 55% رینکنگ: دعوؤں اور حقیقت کا فرق بے نقابپنجاب یونیورسٹی انتظامیہ کی جانب سے ORIC کی کارکردگی پر مبارکبادیں وصو...
09/06/2026

ORIC کی 55% رینکنگ: دعوؤں اور حقیقت کا فرق بے نقاب

پنجاب یونیورسٹی انتظامیہ کی جانب سے ORIC کی کارکردگی پر مبارکبادیں وصول کی جا رہی ہیں، جبکہ HEC کی سالانہ ORIC سیلف اسیسمنٹ رپورٹ 2024-25 کے مطابق پنجاب یونیورسٹی ORIC صرف 55 فیصد اسکور حاصل کر سکا۔

سوال یہ ہے کہ کیا 55 فیصد اسکور واقعی جشن منانے کی کامیابی ہے یا پھر ادارے کی کمزور کارکردگی کی نشاندہی؟

افسوس کی بات یہ ہے کہ گزشتہ عرصے میں انتظامیہ کی زیادہ تر توجہ طلبہ کے خلاف کارروائیوں، پابندیوں اور نظم و ضبط کے نام پر سخت اقدامات پر مرکوز رہی۔ اگر یہی سنجیدگی تحقیق، جدت، تعلیمی معیار، طلبہ کی فلاح، ہاسٹل مسائل اور ORIC کی بہتری پر صرف کی جاتی تو آج پنجاب یونیورسٹی HEC کی درجہ بندی میں کہیں بہتر مقام حاصل کر سکتی تھی۔

HEC رپورٹ یہ واضح کرتی ہے کہ ادارے کو اپنی ترجیحات پر نظرثانی کی ضرورت ہے۔ اصل کامیابی تشہیری بیانات، مبارکبادوں اور اشتہاری مہمات میں نہیں بلکہ طلبہ، اساتذہ اور محققین کے لیے بہتر تعلیمی اور تحقیقی ماحول فراہم کرنے میں ہے۔

HEC رپورٹ نے دعوؤں کے بجائے کارکردگی کی اصل تصویر سامنے رکھ دی ہے۔

ترجمان
میو اسٹوڈنٹس اتحاد
پنجاب یونیورسٹی لاہور

پنجاب یونیورسٹی: دعوؤں کی چمک، کارکردگی کی تاریکیپنجاب یونیورسٹی کی انتظامیہ ایک طرف کامیابیوں، ترقی اور اعلیٰ کارکردگی ...
09/06/2026

پنجاب یونیورسٹی: دعوؤں کی چمک، کارکردگی کی تاریکی
پنجاب یونیورسٹی کی انتظامیہ ایک طرف کامیابیوں، ترقی اور اعلیٰ کارکردگی کے دعوے کرتی نظر آتی ہے، جبکہ دوسری طرف زمینی حقائق ان دعوؤں کی نفی کرتے دکھائی دیتے ہیں۔ آج طلبہ، ملازمین اور سکیورٹی گارڈز سمیت جامعہ سے وابستہ مختلف طبقات شدید مشکلات اور غیر یقینی صورتحال کا شکار ہیں۔
تعلیم کے فروغ کے دعووں کے باوجود فیسوں میں مسلسل اضافہ کیا جا رہا ہے، جبکہ طلبہ کو بنیادی سہولیات فراہم کرنے میں ناکامی واضح ہے۔ کلاس رومز، ٹرانسپورٹ، رہنمائی اور دیگر ضروری سہولیات میں خاطر خواہ بہتری دکھائی نہیں دیتی، بلکہ مسائل میں اضافہ محسوس کیا جا رہا ہے۔
ہاسٹلوں کی محدود گنجائش اور رہائشی سہولیات کے فقدان نے ہزاروں طلبہ کو مشکلات سے دوچار کر دیا ہے۔ خصوصاً دور دراز علاقوں سے آنے والے طلبہ کے لیے اعلیٰ تعلیم کا حصول پہلے سے زیادہ دشوار ہو چکا ہے۔
جامعہ کا ماحول علمی، تحقیقی اور فکری سرگرمیوں کا مرکز بننے کے بجائے غیر ضروری پابندیوں کی زد میں دکھائی دیتا ہے۔ طلبہ کے بنیادی مسائل کے حل کے لیے مؤثر اقدامات نظر نہیں آتے، جبکہ انتظامیہ کی توجہ تشہیری مہمات اور کاغذی کارکردگی پر زیادہ مرکوز محسوس ہوتی ہے۔
ہم سمجھتے ہیں کہ کسی بھی جامعہ کی اصل کامیابی رپورٹس، اشتہارات اور دعوؤں سے نہیں بلکہ طلبہ کو معیاری تعلیم، مناسب رہائش، معقول فیسوں اور بنیادی سہولیات کی فراہمی سے ناپی جاتی ہے۔
وقت کا تقاضا ہے کہ پنجاب یونیورسٹی انتظامیہ تشہیری دعوؤں سے آگے بڑھ کر طلبہ کے حقیقی مسائل کے حل کو اپنی اولین ترجیح بنائے۔
ترجمان
میو اسٹوڈنٹس اتحاد
پنجاب یونیورسٹی لاہور

📢 PU Admission Test-1 Roll Number Slips جاری کر دی گئی ہیںتمام امیدوار اپنی سلپ آن لائن ڈاؤن لوڈ کر لیں۔🔗 https://pu.edu...
06/06/2026

📢 PU Admission Test-1 Roll Number Slips جاری کر دی گئی ہیں
تمام امیدوار اپنی سلپ آن لائن ڈاؤن لوڈ کر لیں۔

🔗 https://pu.edu.pk/splash/allied
📅 Test Date: 14 June 2026

وقت پر اپنی سلپ پرنٹ کر کے ساتھ لے جانا لازمی ہے۔
میو سٹوڈنٹس اتحاد پنجاب یونیورسٹی لاہور

ارشاد نبوی کریمیومِ عرفہ کا روزہگزشتہ اور آئندہ سال کے گناہوں کا کفارہ بن جاتا ہےصحیح مسلم : 1162میوسٹوڈنٹس اتحاد پنجاب ...
26/05/2026

ارشاد نبوی کریم

یومِ عرفہ کا روزہ

گزشتہ اور آئندہ سال کے گناہوں کا کفارہ بن جاتا ہے

صحیح مسلم : 1162

میوسٹوڈنٹس اتحاد پنجاب یونیورسٹی لاہور

اب سے کچھ دیر قبل جامعہ پنجاب کی انتظامیہ کی جانب سے گرمیوں کی چھٹیوں کے دوران طلبہ و طالبات کو ہاسٹلز خالی کرنے کا نوٹی...
20/05/2026

اب سے کچھ دیر قبل جامعہ پنجاب کی انتظامیہ کی جانب سے گرمیوں کی چھٹیوں کے دوران طلبہ و طالبات کو ہاسٹلز خالی کرنے کا نوٹیفکیشن جاری کیا گیا ہے، جو کہ سراسر طالبعلم دشمن اقدام ہے۔

ہزاروں طلبہ و طالبات جو ان چھٹیوں میں اپنی انٹرن شپ مکمل کرتے ہیں، اس فیصلے سے براہِ راست متاثر ہوں گے۔ دورِ حاضر میں بہتر اور پرکشش ملازمت کے حصول کیلئے انٹرن شپ طلبہ کی بنیادی ضرورت بن چکی ہے، مگر انتظامیہ کا یہ اقدام ان کے مستقبل کو شدید نقصان پہنچانے کے مترادف ہے۔

مزید یہ کہ اس فیصلے کے باعث مختلف ڈیپارٹمنٹس میں سمر سیمسٹر بھی شروع نہیں کیا جا رہا، جس کی وجہ سے متعدد طلبہ و طالبات کی ڈگریاں مزید چھ ماہ تاخیر کا شکار ہو سکتی ہیں۔

انتظامیہ کی جانب سے پورے سال کی فیسیں وصول کرنے اور ہاسٹلز کے واجبات میں مسلسل اضافے کے باوجود طلبہ کو مناسب تعلیمی ماحول اور بنیادی سہولیات سے محروم رکھنا سنگین انتظامی ناانصافی ہے۔

میو سٹوڈنٹس اتحاد اس فیصلے کی شدید مذمت کرتا ہے اور مطالبہ کرتا ہے کہ فوری طور پر یہ نوٹیفکیشن واپس لیا جائے۔ بصورتِ دیگر طلبہ و طالبات اپنے حقوق کے تحفظ کیلئے بھرپور احتجاج اور مزاحمت کا حق محفوظ رکھتے ہیں۔
میو سٹوڈنٹس اتحادپنجاب یونیورسٹی لاہور

12/05/2026

میو اسٹوڈنٹس اتحاد پنجاب یونیورسٹی لاہور کے سابقہ چیئرمین مرتضیٰ خان میو چوتھی یوم تاسیس کے موقع پر طلباء سے وڈیو پیغام ۔ ✨

انہوں نے طلباء کے حقوق، اتحاد، تعلیمی بہتری اور نوجوان قیادت کے فروغ پر اپنے خیالات کا اظہار کیا اور میو اسٹوڈنٹس اتحاد کے چار سالہ کامیاب سفر کو طلباء کے اعتماد اور محبت کا نتیجہ قرار دیا۔ 🎓💫




Address

Punjab University
Lahore

Website

Alerts

Be the first to know and let us send you an email when Mayo Students Itehad posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Mayo Students Itehad:

Shortcuts

Share

Category