16/06/2026
پارک ویو سٹی لاہور کی انتظامیہ، RUDA کے سی ای او عمران امین اور FWO کے سینئر افسران نے گزشتہ روز، مؤرخہ 15 جون 2026ء، پارک ویو سٹی کے گرد تعمیر ہونے والے حفاظتی بند (ایمبینکمنٹ) منصوبے کا تفصیلی معائنہ کیا اور جاری تعمیراتی کاموں کا جائزہ لیا۔
اس نہایت اہم اور حساس نوعیت کے منصوبے کی افادیت کو مدِنظر رکھتے ہوئے، حکام نے موقع پر موجود انجینئرز کو ہدایت کی کہ کام کی رفتار مزید بہتر اور تیز کی جائے تاکہ حفاظتی بند جلد از جلد مکمل ہو سکے اور علاقے کو ممکنہ سیلابی خطرات سے محفوظ بنایا جا سکے۔
ہم تمام رہائشی دعاگو ہیں کہ یہ منصوبہ جلد از جلد کم از کم اس حد تک مکمل ہو جائے کہ ہماری کمیونٹی آئندہ آنے والے ممکنہ سیلابی خطرات سے محفوظ رہ سکے۔ آمین۔
Residents Community Parkview City Lahore