26/05/2025
جنوبی ایشیا اس وقت شدید گرمی کی لہر کا سامنا کر رہا ہے جو ماحولیاتی تبدیلی کا ایک واضح ثبوت ہے۔ پاکستان، بھارت، بنگلہ دیش، میانمار اور افغانستان میں درجہ حرارت معمول سے 10 سے 20 فیصد تک زیادہ ریکارڈ کیا گیا ہے۔ بھارت کے کچھ علاقوں میں درجہ حرارت 47.6 ڈگری سینٹی گریڈ تک پہنچ چکا ہے جبکہ پاکستان کے شہروں سکھر، دادو اور سبی میں 48 ڈگری تک گرمی دیکھی گئی۔ ماہرین کے مطابق یہ غیرمعمولی حدت فصلوں، پانی کی فراہمی اور انسانی صحت پر سنگین اثر ڈال سکتی ہے۔
