United Foundation Kohat

16/08/2026

یونائیٹڈ فاؤنڈیشن کے زیرِ اہتمام یومِ آزادی کی پُروقار تقریبات، تھیلیسیمیا آگاہی اور شجرکاری مہم کا انعقاد کیا گیا، جس میں پاکستان سے محبت، صحت سے متعلق آگاہی اور سرسبز مستقبل کے عزم کو اجاگر کیا گیا۔
مدرسہ عربیہ میرباش خیل میں مولانا شاہد نور اور معزز طلبہ کے ہمراہ یومِ آزادی کی پُروقار تقریب منعقد ہوئی۔ ڈائریکٹر یاسین آفریدی نے بچوں کے ساتھ کیک کاٹا، آزادی واک میں شرکت کی اور شادی سے قبل HB Electrophoresis ٹیسٹ لازمی کرانے کے حوالے سے خصوصی آگاہی دی۔

دوسری جانب چیف ایگزیکٹو افیسر سید واصف اللہ شاہ نے ڈویژنل فاریسٹ آفیسر جاوید رحمان کے ہمراہ شجرکاری مہم کا آغاز کیا۔ اس موقع پر پیغام دیا گیا کہ آج کا لگایا ہوا ایک پودا، آنے والی نسلوں کے محفوظ، صحت مند اور سرسبز مستقبل کی ضمانت ہے۔
تھیلیسیمیا سے متاثرہ بچوں کے ساتھ بھی یومِ آزادی کی خوشیاں بانٹی گئیں، کیک کاٹا گیا اور بچوں کے چہروں پر مسکراہٹیں بکھیرنے کا خوبصورت اہتمام کیا گیا۔
تقریب میں مہمانِ خصوصی نیشنل پیس کونسل خیبر پختونخوا کے چیئرمین حاجی شکیل بنگش، کوہاٹ بازار کے صدر باز محمد خٹک، ملک نظام الدین، ملک اول مرجان سمیت یونائیٹڈ فاؤنڈیشن کی ٹیم نے شرکت کی۔
آخر میں یونائیٹڈ فاؤنڈیشن کے سی ای او سید واصف اللہ شاہ نے اس کامیاب آگاہی، شجرکاری اور یومِ آزادی کی سرگرمیوں میں تعاون پر PPAF اور SABAWOON کا خصوصی شکریہ ادا کیا۔ انہوں نے کہا کہ ان اداروں کے تعاون اور معاونت سے عوامی خدمت، تھیلیسیمیا آگاہی اور صحت مند و سرسبز معاشرے کے قیام کا یہ سفر مزید مضبوطی کے ساتھ جاری رہے گا۔
پاکستان زندہ باد — ہم پاکستان کے ساتھ شانہ بشانہ کھڑے ہیں!
#شجرکاری

22/07/2026

یونائٹڈ فاؤنڈیشن کوہاٹ کے زیرِ اہتمام ضلع لوئر اورکزئی کے ہیڈکوارٹر چوک میں تھیلیسیمیا اور ہیموفیلیا سے متعلق ایک مؤثر آگاہی سیشن اور عوامی شعور بیدار کرنے کی مہم کا انعقاد کیا گیا، جس میں نوجوانوں اور مقامی افراد نے بھرپور شرکت کی۔

اس موقع پر ڈاکٹر نوید اقبال نے شرکاء سے خطاب کرتے ہوئے کہا کہ تھیلیسیمیا ایک موروثی بیماری ہے، جس کی روک تھام کا مؤثر ترین ذریعہ شادی سے قبل تھیلیسیمیا اسکریننگ (ٹیسٹ) کروانا ہے۔ انہوں نے نوجوانوں پر زور دیا کہ وہ اپنی اور آنے والی نسلوں کو اس بیماری سے محفوظ رکھنے کے لیے شادی سے پہلے لازماً تھیلیسیمیا ٹیسٹ کروائیں تاکہ ایک صحت مند اور خوشحال معاشرے کی بنیاد رکھی جا سکے۔

آگاہی سیشن میں میڈیکل افیسر ڈاکٹر نوید اقبال صاحب ، ایڈمنسٹریٹر سید شہزاد علی شاہ، پی آر او زرولی خان آفریدی اور یونائٹڈ فاؤنڈیشن کی میڈیکل ٹیم نے بھی بھرپور شرکت کی۔ ٹیم نے شرکاء کو تھیلیسیمیا، ہیموفیلیا، رضاکارانہ خون کے عطیات اور بروقت تشخیص کی اہمیت سے آگاہ کیا اور عوام کے سوالات کے جوابات بھی دیے۔

آخر میں یونائٹڈ فاؤنڈیشن کے سی ای او سید وصیف اللہ شاہ نے اس کامیاب پروگرام پر (PPAF) اور سباؤن کا خصوصی شکریہ ادا کیا۔ انہوں نے کہا کہ ان اداروں اور رضاکاروں کے تعاون سے یونائٹڈ فاؤنڈیشن معاشرے میں تھیلیسیمیا اور ہیموفیلیا سے متعلق آگاہی پھیلانے، مریضوں کی مدد کرنے اور رضاکارانہ خون کے عطیات کو فروغ دینے کے اپنے مشن کو مزید مؤثر انداز میں جاری رکھے گی۔

09/07/2026

یونائٹڈ فاؤنڈیشن کوہاٹ کی جانب سے بمہ, کمرڈھنڈ مدرسہ، کوہاٹ میں تھیلیسیمیا اور ہیموفیلیا سے متعلق ایک مؤثر آگاہی سیشن اور رضاکارانہ بلڈ ڈونیشن کیمپ کا کامیاب انعقاد کیا گیا، جس میں 200 سے زائد طلبہ اور اساتذہ نے بھرپور شرکت کی۔

پروگرام کا مقصد تھیلیسیمیا اور ہیموفیلیا جیسے موروثی امراض کے بارے میں شعور اجاگر کرنا، بروقت تشخیص کی اہمیت کو اجاگر کرنا اور رضاکارانہ خون عطیہ کرنے کے جذبے کو فروغ دینا تھا، تاکہ ان مریضوں کی زندگیوں کو محفوظ بنایا جا سکے جنہیں باقاعدگی سے خون کی ضرورت ہوتی ہے۔

اس موقع پر حافظِ قرآن طلبہ کے لیے مفت بلڈ گروپنگ اور بلڈ اسکریننگ کی سہولت بھی فراہم کی گئی، جس کے تحتHBS،HCV،HIV،VDRL اور (MP) کے مفت ٹیسٹ کیے گئے۔

اس کامیاب پروگرام میں یونائٹڈ فاؤنڈیشن کی میڈیکل ٹیم نے بھرپور خدمات انجام دیے، جن میں ڈاکٹر نوید اقبال، ڈاکٹر محمد اللہ، سید شہزاد علی شاہ، زرولی خان آفریدی اور نورالرحمان شامل تھے۔ ٹیم نے طلبہ کو تھیلیسیمیا کی روک تھام، محفوظ خون کی اہمیت اور صحت مند معاشرے کی تشکیل کے حوالے سے مفید آگاہی فراہم کی۔

یونائٹڈ فاؤنڈیشن کے سی ای او سید واصف اللہ شاہ نے (PPAF) اور سباؤن کا خصوصی شکریہ ادا کرتے ہوئے کہا کہ ان کے مسلسل تعاون سے ایسے عوامی فلاحی اور آگاہی پروگرام کامیابی سے جاری ہیں، جو معاشرے میں صحت، شعور اور انسانیت کی خدمت کے فروغ میں اہم کردار ادا کر رہے ہیں۔

یونائٹڈ فاؤنڈیشن کوہاٹ نے تھیلیسیمیا، ہیموفیلیا اور دیگر خون کے امراض میں مبتلا مریضوں کی خدمت، عوامی آگاہی اور رضاکارانہ خون عطیہ کرنے کے فروغ کے لیے اپنی کاوشیں اسی جذبے کے ساتھ جاری رکھے گی۔

"ایک بیگ خون، کسی کی پوری زندگی بچا سکتا ہے۔ آئیے، خون عطیہ کریں اور زندگی بانٹیں۔" ۔

14/06/2026

World blood Donor
day 14 june ::2026::

12/06/2026

10/06/2026

ورلڈ انوائرمنٹ ڈے کے موقع پر یونائٹیڈ فاؤنڈیشن کی شجرکاری مہم
کوہاٹ: یونائٹیڈ فاؤنڈیشن نے ورلڈ انوائرمنٹ ڈے کے سلسلے میں 6، 7 اور 9 جون کو شجرکاری مہم کا انعقاد کیا۔ مہم کا افتتاح پی پی اے ایف اور سباؤں کے تعاون سے کیا گیا، جبکہ افتتاحی تقریب میں ڈسٹرکٹ فاریسٹ آفیسر جاوید رحمان نے خصوصی شرکت کی۔
اس موقع پر یونائٹیڈ فاؤنڈیشن کے سربراہ و سی ای او سید واصف اللہ شاہ، پی آر او زرولی صاحب ، شہزاد علی شاہ، ملک اول مرجان اور دیگر سماجی شخصیات و مقامی افراد بھی موجود تھے۔ شرکاء نے ماحول کے تحفظ اور درختوں کی اہمیت پر زور دیتے ہوئے شجرکاری کو وقت کی اہم ضرورت قرار دیا۔
افتتاحی تقریب کے بعد یونائٹیڈ فاؤنڈیشن کی ٹیم نے ڈائریکٹرز یاسین آفریدی اور رضاکاروں کے ہمراہ مختلف مقامات پر پودے لگائے اور شجرکاری مہم کے حوالے سے عوامی آگاہی مہم بھی چلائی۔ اس دوران لوگوں کو درخت لگانے، ان کی حفاظت کرنے اور ماحول کو بہتر بنانے کے حوالے سے مفید معلومات فراہم کی گئیں۔
عوام نے اس مثبت اقدام پر یونائٹیڈ فاؤنڈیشن اور پی پی اے ایف کا شکریہ ادا کرتے ہوئے کہا کہ ایسی سرگرمیاں نہ صرف ماحول کے تحفظ میں مددگار ثابت ہوتی ہیں بلکہ نئی نسل میں بھی ماحول دوستی کا شعور اجاگر کرتی ہیں۔
آخر میں یونائٹیڈ فاؤنڈیشن کے سربراہ سید واصف اللہ شاہ نے اپنے پیغام میں کہا:
"ہم سب کی ذمہ داری ہے کہ اپنے ماحول کو سرسبز اور صاف ستھرا بنائیں۔ یونائٹیڈ فاؤنڈیشن آئندہ بھی اسی جذبے کے ساتھ شجرکاری اور ماحول دوست سرگرمیوں کا سلسلہ جاری رکھے گی تاکہ ہم مل کر اپنے ملک کو مزید سرسبز، خوبصورت اور محفوظ بنا سکیں۔"

10/06/2026

یونائٹڈ فاؤنڈیشن کوہاٹ کی جانب سے 2 جون تا 6 جون 2026 ضلع اورکزئی کے مختلف علاقوں میں تھیلیسیمیا اور ہیموفیلیا سے متعلق ایک جامع آگاہی مہم کا کامیاب انعقاد کیا گیا۔ یہ مہم PPAF اور سباؤن کے تعاون و اشتراک سے منعقد ہوئی، جس کا مقصد عوام بالخصوص نوجوان نسل میں تھیلیسیمیا اور ہیموفیلیا کے بارے میں شعور بیدار کرنا اور ان بیماریوں کی روک تھام کے حوالے سے مؤثر آگاہی فراہم کرنا تھا۔

اس مہم کے دوران اتمان خیل ٹھانڈے کلے، کرغان کلے، خواہ درہ کلے، ستوری خیل اور انجانی بازار سمیت مختلف علاقوں میں آگاہی سیشنز منعقد کیے گئے، جہاں مقامی عمائدین، نوجوانوں اور عوام الناس نے بھرپور شرکت کی

مہم کے دوران (5500) سے زائد افراد کو تھیلیسیمیا اور ہیموفیلیا کے حوالے سے آگاہی فراہم کی گئی، جبکہ 150 سے زائد افراد نے تھیلیسیمیا کے مریضوں کی زندگی بچانے کے لیے رضاکارانہ طور پر خون عطیہ کیا۔

مہم میں ڈاکٹر نوید اقبال، ڈاکٹر محمد اللہ، ایڈمنسٹریٹر سید شہزاد علی شاہ، پبلک ریلیشن آفیسر زرولی خان افریدی، اور یونائٹڈ فاؤنڈیشن کے میل و فیمیل میڈیکل ٹیکنیشنز نے فعال کردار ادا کیا۔ اس موقع پر ماہرین نے شرکاء کو تھیلیسیمیا اور ہیموفیلیا کی وجوہات، علامات، احتیاطی تدابیر اور بروقت تشخیص کی اہمیت سے آگاہ کیا۔

خصوصی طور پر نوجوانوں پر زور دیا گیا کہ وہ شادی سے قبل تھیلیسیمیا اسکریننگ ٹیسٹ ضرور کروائیں تاکہ آنے والی نسلوں کو اس قابلِ روک تھام بیماری سے محفوظ بنایا جا سکے۔ مقررین نے اس بات پر زور دیا کہ بروقت ٹیسٹ اور آگاہی کے ذریعے تھیلیسیمیا کے پھیلاؤ میں نمایاں کمی لائی جا سکتی ہے۔

اس کامیاب آگاہی مہم پر یونائٹڈ فاؤنڈیشن کے سی ای او سید وصیف اللہ شاہ، PPAF، سباؤن، مقامی مشران، نوجوانوں اور تمام شرکاء کا تہہ دل سے شکریہ ادا کرتے ہیں جنہوں نے انسانیت کی خدمت کے اس مشن میں بھرپور تعاون کیا۔

آئیں! یونائٹڈ فاؤنڈیشن کے ساتھ مل کر تھیلیسیمیا سے پاک، صحت مند اور روشن مستقبل کے حامل معاشرے کی تعمیر میں اپنا کردار ادا کریں۔


۔

25/05/2026

یونائٹڈ فاؤنڈیشن نے کوہاٹ اور گردونواح کے مختلف علاقوں میں تھیلیسیمیا آگاہی سیشنز اور بلڈ ڈونیشن کیمپس کا کامیاب انعقاد کیا۔ یہ تمام پروگرامز پی پی اے ایف اور سباؤن کے اشتراک سے منعقد کیے گئے، جن کا مقصد نوجوانوں میں تھیلیسیمیا سے متعلق شعور بیدار کرنا اور تھیلیسیمیا میں مبتلا بچوں کے لیے خون کی فراہمی کو یقینی بنانا تھا۔

18 مئی 2026 —
الفلاح کالونی جرمہ کوہاٹ میں منعقدہ آگاہی سیشن میں 100 سے زائد نوجوانوں اور علاقائی مشران نے بھرپور شرکت کی، جبکہ 35 سے زائد نوجوانوں نے اپنا قیمتی خون عطیہ کیا۔

اورکزئی چوک ہائی وے کرکٹ گراؤنڈ
یہاں منعقدہ بڑے آگاہی اور بلڈ ڈونیشن کیمپ میں 200 سے زائد نوجوانوں نے شرکت کی جبکہ 40 نوجوانوں نے انسانیت کی خاطر اپنا خون عطیہ کیا۔
20 مئی 2026 — مدرسہ کاشف العلوم، پشاور روڈ متنی
اس سیشن میں 80 سے زائد نوجوانوں نے شرکت کی جبکہ 28 نوجوانوں نے تھیلیسیمیا میں مبتلا بچوں کے لیے خون عطیہ کیا۔
ملک پلازہ، درہ بازار درہ آدم خیل
یہاں بھی تھیلیسیمیا آگاہی پروگرام اور بلڈ ڈونیشن کیمپ کا انعقاد کیا گیا جہاں بڑی تعداد میں لوگوں نے شرکت کی جبکہ 20 سے زائد نوجوانوں نے خون عطیہ کیا۔
ان تمام پروگرامز میں نوجوانوں، علاقائی مشران، سماجی شخصیات اور رضاکاروں نے بھرپور تعاون کیا، جو اس بات کا ثبوت ہے کہ ہماری قوم انسانیت کی خدمت کے جذبے سے سرشار ہے۔
ان پروگرامز میں ڈائریکٹر یاسین افریدی ڈاکٹر محمد اللہ، ڈاکٹر نوید اقبال، ایڈمنسٹریٹر سید شہزادہ علی شاہ، پبلک ریلیشن آفیسر زرولی افریدی اور میڈیکل ٹیکنیشنز نے خصوصی طور پر حصہ لیا اور مہم کو کامیاب بنانے میں اہم کردار ادا کیا۔
آخر میں یونائٹڈ فاؤنڈیشن کوہاٹ کی پوری ٹیم علاقائی مشران، نوجوانوں اور تمام رضاکاروں کا تہہ دل سے شکریہ ادا کرتی ہے جنہوں نے اس نیک مقصد میں بھرپور ساتھ دیا۔
خصوصی شکریہ
یونائٹڈ فاؤنڈیشن کوہاٹ کے سی ای او سید واصف اللہ شاہ کا پی پی اے ایف اور سباؤن کا بھی دل کی گہرائیوں سے شکریہ، جنہوں نے ہر قدم پر تعاون اور بھرپور سپورٹ فراہم کی۔

21/05/2026

One of the best, latest, reliable, and well-qualified medical laboratories in Kohat.
Specialized in blood testing, especially Hb Electrophoresis, Peripheral Blood Smear, HbA1c, and all other routine blood tests.

20/05/2026

آج محمد زئی اصلاحی کمیٹی کے صدر جناب خالد شاہ اور نائب صدر جناب مشتاق بنگش نے یونائیٹڈ فاؤنڈیشن کا دورہ کیا۔ یونائیٹڈ فاؤنڈیشن کے کوآرڈینیٹر جناب زرولی خان آفریدی نے محمد زئی اصلاحی کمیٹی ٹیم کی اچھی کارکردگی کو سراہا اور ایوارڈ سے بھی نوازا۔ اس کے ساتھ ساتھ یونائیٹڈ فاؤنڈیشن نے کوہاٹ میں پہلی بار HB Electophoresis پر کام شروع کیا۔ جس کا مقصد آنے والی نسل تھلیسیمیا سے پاک کروائیں۔
ہمارا مشن تھلیسیمیا سے پاک پاکستان
منجانب: محمد زئی اصلاحی کمیٹی کوہاٹ اس موقع پر یونائٹڈ فاؤنڈیشن کا ڈائریکٹر یاسین افریدی نے بھی مشین کے بارے میں بریفنگ دیا اور محمد زو اصلاحی کمیٹی کا صدر خالد حان اورمشتاق کا شکریہ ادا کیا یونائٹڈ فاؤنڈیشن کا مشن تھلسیمیا سے پاک پاکستان