Epi sub division Allai

23/04/2026

ایک بچے کو ویکسینیٹ کریں—پوری برادری کو محفوظ بنائیں۔ اس پیغام کو شیئر کریں تاکہ ویکسینیشن کی اہمیت ہر گھر تک پہنچے۔

اس عالمی ہفتہ برائے حفاظتی ٹیکہ جات کے موقع پر، آئیے یہ پیغام عام کریں کہ "ویکسینز نسل در نسل ہماری صحت کی ضامن ہیں"۔

23/04/2026

*والدین کے لیے عالمی ہفتہ حفاظتی ٹیکہ جات 2026 کے موقع پر پیغام*

*"ہر نسل کے لیے، ویکسین کام کرتی ہیں"* — یہ اس سال عالمی ہفتہ حفاظتی ٹیکہ جات 2026 کا تھیم ہے

پیارے والدین،

24 سے 30 اپریل تک ہم پوری دنیا کے ساتھ *World Immunization Week* منا رہے ہیں۔ یہ ہفتہ ہمیں یاد دلاتا ہے کہ ویکسین صرف بچوں کے لیے نہیں، زندگی کے ہر مرحلے پر تحفظ دیتی ہیں۔

- گھر میں موجود 5 سال سے کم عمر تمام بچوں کے کارڈ چیک کریں
- حاملہ خواتین بھی اپنا ٹی ڈی ٹیکوں کا کورس ضرور مکمل کروائیں
- اپنے خاندان، پڑوسیوں کو ویکسین کی اہمیت بتائیں
- افواہوں پر یقین نہ کریں، مستند معلومات کے لیے متعلقہ EPI سینٹر سے رابطہ کریں ۔

آج کا ایک ٹیکہ، آپ کے بچے کا کل محفوظ بناتا ہے۔ آئیں، اس عزم کو دہرائیں کہ ہم اپنی آنے والی نسلوں کو بیماریوں سے محفوظ رکھیں گے۔

23/04/2026

🌍 عالمی ہفتہ برائے حفاظتی ٹیکہ جات
24 اپریل تا 30 اپریل

“ویکسین ہر ایک کے لیے، ہر جگہ تحفظ”

آئیں مل کر عہد کریں کہ ہر بچے کو مکمل حفاظتی ٹیکے لگوا کر مہلک بیماریوں سے محفوظ بنائیں۔

10/04/2026

10/04/2026

*افتتاحی تقریب پولیو مہم اپریل 2026*
ڈپٹی کمشنر بٹگرام اشتیاق احمد نے آج اپنے آفس میں ایڈیشنل ڈپٹی کمشنر بٹگرام اسسٹنٹ کمشنر بٹگرام ڈی ایچ او بٹگرام ڈاکٹر شہزاد گل ڈاکٹر محمد غلام اسحاق ای پی آئی کوآرڈینیٹر اور ڈاکٹر ماجد خان ڈسٹرکٹ پولیو آفیسر ڈبلیو ایچ او اور دیگر متعلقہ اداروں کے سربراہان کے ہمراہ 13 اپریل سے شروع ہونے والی پولیو مہم کا باقاعدہ افتتاح کر دیا۔
افتتاحی تقریب کے دوران پانچ سال سے کم عمر بچوں کو پولیو سے بچاؤ کے حفاظتی قطرے پلا کر مہم کا آغاز کیا گیا۔
اس موقع پر محکمہ صحت کے نمائندگان، انتظامی افسران، متعلقہ ڈیپارٹمنٹس کے سربراہان اور دیگر ذمہ داران بھی موجود تھے۔

ڈپٹی کمشنر بٹگرام نے والدین سے اپیل کی کہ وہ اپنے پانچ سال سے کم عمر تمام بچوں کو پولیو کے حفاظتی قطرے ضرور پلوائیں تاکہ ان کا مستقبل محفوظ بنایا جا سکے۔
انہوں نے متعلقہ اداروں کو ہدایات جاری کرتے ہوئے کہا کہ مہم کے دوران ہر بچے تک پولیو ویکسین کی رسائی یقینی بنائی جائے اور کوئی بھی بچہ ویکسین سے محروم نہ رہے۔
پولیو کے خاتمے کے لیے یہ قومی فریضہ ہے، جس میں والدین، محکمہ صحت اور انتظامیہ کا باہمی تعاون نہایت ضروری ہے۔

17/11/2025

17/11/2025

پاکستان میں خسرہ اور روبیلا سے بچاؤ کی مہم آج 17 نومبر سے جاری ہے ۔ 💉

اس مہم کے دوران 6 ماہ سے 5 سال تک کی عمر کے تمام بچوں کو خسرہ اور روبیلا سے بچاؤ کی ویکسین مکمل طور پر مفت فراہم کی جائے گی۔

💧 اس مہم کے دوران مخصوص اضلاع میں پولیو کے قطرے بھی پلائے جائیں گے۔ لہٰذا اپنی قومی ذمہ داری نبھاتے ہوئے اس بات کو یقینی بنائیں کہ پیدائش سے پانچ سال تک کے تمام بچے پولیو کے دو قطرے ضرور پیئیں۔

📍 یہ ویکسین مندرجہ ذیل جگہوں پر دستیاب ہوگی:
✅ سرکاری مراکزِ صحت
✅ منتخب عارضی مراکز
✅ اسکولوں اور مدارس میں

یاد رکھئے! اگر آپ کے بچے کو پہلے ہی خسرہ اور روبیلا کی ویکسین لگ چکی ہے، تب بھی قومی خسرہ و روبیلا مہم کے دوران بچے کو دوبارہ ویکسین ضرور لگوائیں تاکہ قوتِ مدافعت مزید مضبوط ہو۔

📞 مزید معلومات کے لیے فیڈرل ڈائریکٹوریٹ آف امیونائزیشن کی صحت تحفظ ہیلپ لائن 1166 پر مفت کال کریں۔

14/11/2025

14/11/2025

*بٹگرام میں خسرہ اور روبیلا سے بچاؤ کی قومی مہم کا ریڈینس میٹنگ اور باقاعدہ افتتاح کر دیا گیا*

صوبائی حکومت کی ہدایات اور قومی صحت پالیسی کے تحت 17 نومبر سے شروع ہونے والی خسرہ اور روبیلا سے بچاؤ کی قومی مہم کا آج ڈپٹی کمشنر آفس بٹگرام ریڈینس میٹنگ اور بچوں کو خسرہ اور روبیلا سے بچاو کی ویکسین لگا کر مہم کا آغاز کر دیا گیا۔
میٹنگ میں محکمہ صحت کے افسران نے بریفنگ میں بتایا کہ خسرہ اور روبیلا بچوں میں پھیلنے والی خطرناک وائرل بیماریاں ہیں، جن کی بروقت ویکسینیشن نہ صرف بچوں کو بیماری سے محفوظ رکھتی ہے بلکہ اجتماعی مدافعت (Herd Immunity) کو بھی مضبوط کرتی ہے۔ اسی لیے یہ مہم قومی سطح پر خصوصی اہمیت رکھتی ہے۔

ڈپٹی کمشنر بٹگرام نے والدین، اساتذہ، علماء، میڈیا اور سماجی کارکنان سے اپیل کی کہ وہ انتظامیہ کا ساتھ دیتے ہوئے تمام بچوں کی بروقت ویکسینیشن یقینی بنائیں۔ انہوں نے واضح کیا کہ پیدائش سے 5 سال تک کے بچوں کو پولیو کے قطرے اور خسرہ و روبیلا کی ویکسین دونوں بنیادی قومی ذمہ داریاں ہیں اور معاشرے کا ہر فرد اس عمل میں بھرپور تعاون کرے۔

ڈپٹی کمشنر نے متعلقہ محکموں کو ہدایت کی کہ فیلڈ ٹیموں کی سخت مانیٹرنگ کی جائے، روزانہ کی پیش رفت رپورٹ مرتب کی جائے اور کسی بھی خلا یا کمی کو فوری طور پر دور کیا جائے تاکہ مہم مؤثر اور کامیاب رہے۔
افتتاحی تقریب میں ڈپٹی کمشنر بٹگرام اشتیاق احمد، ایڈیشنل ڈپٹی کمشنر (جنرل)، اے ڈی سی ریلیف، اسسٹنٹ کمشنر بٹگرام اور محکمہ صحت کے نمائندگان نے خصوصی شرکت کی۔ اس موقع پر ڈی سی بٹگرام نے کہا کہ بچوں کی صحت اور تحفظ انتظامیہ کی اولین ترجیحات میں شامل ہے، اور خسرہ و روبیلا کے خاتمے کے لیے مشترکہ کوششیں نہایت ضروری ہیں۔

مہم کے دوران محکمہ صحت کی ٹیمیں شہری اور دور دراز علاقوں میں جاکر 6 ماہ سے 5 سال تک کے تمام بچوں کو خسرہ اور روبیلا سے بچاؤ کی مفت ویکسین فراہم کریں گی۔ ویکسینیشن کے لیے سکولوں، مراکز صحت، آؤٹ ریچ پوائنٹس، اور کمیونٹی مقامات پر خصوصی کاؤنٹرز بھی قائم کیے گئے ہیں تاکہ کوئی بچہ ٹیکے سے محروم نہ رہے۔
یہ مہم 17 نومبر سے 29 نومبر 2025 تک جاری رہے گی، جس کا مقصد بٹگرام کے ہر بچے تک خسرہ و روبیلا سے بچاؤ کی ویکسین پہنچا کر علاقے کو ان بیماریوں سے محفوظ بنانا ہے۔