Alfalah Scholarship Scheme

Alfalah Scholarship Scheme Alfalah Scholarship Scheme Pakistan is a non-profit organization helping poor students in fulfilling

Certified by Pakistan Centre for Philanthropy (P*P)
MOU Signed with EAD (Economic Affairs Division)

مالیاتی نظم و ضبط اور شفافیت | الفلاح سکالرشپ سکیم کا طرّہ امتیاز |مورخہ 08 جون 2026 الفلاح سکالرشپ سکیم کے مالی امور او...
09/06/2026

مالیاتی نظم و ضبط اور شفافیت | الفلاح سکالرشپ سکیم کا طرّہ امتیاز |

مورخہ 08 جون 2026 الفلاح سکالرشپ سکیم کے مالی امور اور اکاؤنٹس کی شفافیت کو یقینی بنانے کے سلسلے میں الفلاح انٹرنل آڈٹ ٹیم نے ماہ جنوری تا اپریل 2026 کا آڈٹ کامیابی کے ساتھ مکمل کیا۔اس تفصیلی آڈٹ کا عمل انٹرنل آڈٹ ٹیم کے معزز ممبر جناب طارق محمود ثاقب نے سرانجام دیا، جبکہ الفلاح سکالرشپ سکیم کے فنانس مینیجر حافظ توقیر حسن نے تمام مالیاتی ریکارڈز کی فراہمی اور پیشہ ورانہ معاونت کے ذریعے اس عمل کو احسن انداز میں پایہ تکمیل تک پہنچایا۔

الفلاح سکالرشپ سکیم کا عزم — سو فیصد شفافیت:
ڈونرز کے عطیات اور زکوٰۃ کو ایک مقدس امانت سمجھتے ہوئے، الفلاح سکالرشپ سکیم میں ہر سہ ماہی (Quarterly) بنیادوں پر باقاعدگی سے انٹرنل آڈٹ کیا جاتا ہے۔ مزید برآں، سالانہ آڈٹ کے لیے ہمیشہ بہترین اور مستند آڈٹ فرمز کی خدمات حاصل کی جاتی ہیں تاکہ الفلاح سکالرشپ سکیم کے مالی معاملات میں بین الاقوامی معیار کی شفافیت (Transparency) کو برقرار رکھا جا سکے۔

الفلاح کا پیغام | تعلیم رہے عام

الفلاح سکالرشپ سکیم کی ایچ آر کمیٹی کا اہم اجلاس | ادارہ جاتی ترقی اور سٹاف کی فلاح و بہبود کے لیے اہم فیصلے |الفلاح سکا...
07/06/2026

الفلاح سکالرشپ سکیم کی ایچ آر کمیٹی کا اہم اجلاس | ادارہ جاتی ترقی اور سٹاف کی فلاح و بہبود کے لیے اہم فیصلے |

الفلاح سکالرشپ سکیم کی کارکردگی کو مزید بہتر بنانے کے لیے مورخہ 06 جون 2026 الفلاح سکالرشپ سکیم کی ہیومن ریسورس (HR) کمیٹی کا ایک اہم اور تعمیری اجلاس منعقد ہوا۔

اس اہم اجلاس کی صدارت ڈاکٹر خالد محمود ثاقب (صدر ایچ آر کمیٹی) نے کی۔ اجلاس میں جناب مجید احمد چوہدری (چیئرمین، الفلاح سکالرشپ سکیم) نے خصوصی شرکت کی، جبکہ کمیٹی کے دیگر معزز ممبران محمد ابوذر (جنرل سیکرٹری)، چوہدری کاشف امیر ایڈوکیٹ (فنانس سیکرٹری)، میاں عبدالرؤف (ایگزیکٹو ممبر) اور عمر حیات عمر(پراجیکٹ مینیجر) بھی اس اہم مشاورتی میٹنگ کا حصہ تھے۔

اجلاس کے دوران ادارے کے وسیع تر مفاد میں درج ذیل اہم فیصلے اور اصلاحات کی منظوری دی گئی:
✔️ سٹاف کی تنخواہوں/الاونسز میں اضافہ: ملازمین کی انتھک محنت اور لگن کو سراہتے ہوئے یکم جولائی 2026 سے تنخواہوں/الاونسز میں اضافے کی منظوری۔
✔️ ایچ آر پالیسی میں ترامیم: دفتری ماحول کو مزید پروفیشنل بنانے کے لیے ایچ آر پالیسی میں اصلاحات کی منظوری
✔️ دفتری امور کی بہتری: روزمرہ کے دفتری معاملات کو جدید، تیز تر اور احسن انداز میں چلانے کے لیے نئی حکمتِ عملی کی تشکیل

ایجنڈے کے تمام نکات پر متفقہ مشاورتی فیصلوں کی منظوری کے بعد ادارے کی فلاح و بہتری کے دعائیہ کلمات کے ساتھ اجلاس اختتام پذیر ہوا۔

May 28th, 1998 proved to be the ultimate guarantor of Pakistan's survival and national pride.Alfalah Scholarship Scheme ...
28/05/2026

May 28th, 1998 proved to be the ultimate guarantor of Pakistan's survival and national pride.
Alfalah Scholarship Scheme salutes the joint efforts of our scientists, Armed Forces, and the political leadership of the time whose untiring efforts made the country impregnable.



آپ اور آپ کے اہل خانہ کو عید الاضحی کی خوشیاں مبارک دعا ہے کہ یہ پُر مسرت دن آپ کے لئے خوشیوں، محبت اور سکون سے بھرپو...
28/05/2026

آپ اور آپ کے اہل خانہ کو عید الاضحی کی خوشیاں مبارک
دعا ہے کہ یہ پُر مسرت دن آپ کے لئے خوشیوں، محبت اور سکون سے بھرپور ہو۔
آئیں عید کے اس پُرمسرت موقع پر مستحق مگر ہونہار طلبا وطالبات کو زیورِ تعلیم سے آراستہ کرنے میں الفلاح سکالرشپ سکیم کا ساتھ دیجیے۔
اللّٰہ تعالی ہم سب کا حامی و ناصر ہو۔ آمین

۔

۔

۔

۔

الفلاح سکالرشپ سکیم کی مینجمنٹ اس مشکل اور دُکھ کی گھڑی میں میاں وقاص وحید صاحب اور ان کے اہل خانہ کے ساتھ دلی تعزیت کا ...
27/05/2026

الفلاح سکالرشپ سکیم کی مینجمنٹ اس مشکل اور دُکھ کی گھڑی میں میاں وقاص وحید صاحب اور ان کے اہل خانہ کے ساتھ دلی تعزیت کا اظہار کرتی ہے۔
ہماری دعا ہے کہ اللہ رب العزت مرحومہ کی کامل مغفرت فرمائے، انہیں جنت الفردوس میں اعلیٰ مقام عطا کرے اور لواحقین، بالخصوص میاں وقاص وحید صاحب کو صبرِ جمیل عطا فرمائے۔ آمین

الفلاح سکالرشپ سکیم کی جانب سے تمام اہلِ اسلام کو عید الاضحیٰ کی خوشیاں مبارک! 🌙! 🕋✨سنتِ ابراہیمی ہمیں ایثار، قربانی او...
26/05/2026

الفلاح سکالرشپ سکیم کی جانب سے تمام اہلِ اسلام کو عید الاضحیٰ کی خوشیاں مبارک! 🌙! 🕋✨

سنتِ ابراہیمی ہمیں ایثار، قربانی اور دوسروں کے کام آنے کا درس دیتی ہے۔ اللہ تعالیٰ اس مبارک دن کے صدقے ہم سب کی عبادات اور قربانیوں کو اپنی بارگاہ میں قبول فرما کر کامل صحت و دائمی خوشیاں عطا کرے۔ آمین۔

۔

۔

الفلاح سکالرز ٹریننگ سیشن | پوسٹ گریجوایٹ، میڈیکل و انجینئرنگ کلاسز | الفلاح سکالرشپ سکیم کی جانب سے مورخہ 23 مئی 2026ء،...
24/05/2026

الفلاح سکالرز ٹریننگ سیشن | پوسٹ گریجوایٹ، میڈیکل و انجینئرنگ کلاسز |

الفلاح سکالرشپ سکیم کی جانب سے مورخہ 23 مئی 2026ء، بروز ہفتہ کو بی ایس آنرز، میڈیکل اور انجینئرنگ کے طلبا و طالبات کے لیے تربیتی سیشن کا انعقاد کیا گیا۔ اس سیشن کا بنیادی مقصد اعلیٰ تعلیم حاصل کرنے والے نوجوانوں کی علمی، فکری اور اخلاقی آبیاری کرنا تھا۔ الفلاح سکالرشپ سکیم کے ایونٹ مینیجر طاہر رفیق بٹ نے سٹیج سیکرٹری کی ذمہ داریاں نبھاتے ہوئے سیشن کا آغاز کیا۔ سیشن کے آغاز میں تلاوت کلام پاک اور ہدیہ عقیدت نعتِ مصطفیﷺ پیش کی گئی۔

الفلاح کے وائس چیئرمین و صدر الخدمت فاؤنڈیشن گجرات " ڈاکٹر خالد محمود ثاقب صاحب" نے افتتاحی سیشن میں طلبہ کو اسلامی اصولوں کے مطابق کردار سازی اور بہترین اخلاقی اقدار اپنانے کے حوالے سے تفصیلی اور جامع رہنمائی فراہم کی۔

معروف ٹرینر "سید صباحت رضوی صاحب" نے طلبہ کو موجودہ دور کے تعلیمی چیلنجز سے نمٹنے اور اپنی تعلیمی کارکردگی کو جدید تکنیک کے ذریعے بہتر بنانے کے گر سکھائے۔

الفلاح سکالرشپ سکیم کےانفارمیشن سیکرٹری و معروف علمی شخصیت " ڈاکٹر ذکاء اللہ صدیق صاحب " نے اپنے مخصوص شگفتہ اور دلنشین انداز میں طلبہ کو زندگی کے اہم اصول سمجھائے اور فکری نشوونما کے لیے مختلف ذہنی و جسمانی سرگرمیاں (Activities) کروائیں۔

الفلاح بورڈ ممبر و ممتاز ٹرینر "طارق محمود ثاقب صاحب" نے طلبہ کو الفلاح سکالرشپ سکیم کے بنیادی اغراض و مقاصد اور مشن سے مکمل طور پر روشناس کروایا اور ادارے کے ساتھ اپنے تعلق و بنیاد کو ہمیشہ مضبوط رکھنے کی اہمیت پر زور دیا۔

الفلاح سکالرشپ سکیم کے چیئرمین "مجید احمد چوہدری صاحب" نے تمام طلبا و طالبات سے باضابطہ "عہد نامہ" لیا۔ اس عہد نامے کے بنیادی نکات درج ذیل تھے:
طلبہ اپنی تمام تر توجہ اور کامل یکسوئی کے ساتھ علم حاصل کریں گے۔
عملی زندگی میں قدم رکھ کر معاشرے کے ایک بہترین، باکردار اور معاون شہری ثابت ہوں گے۔
مستقبل میں برسرِ روزگار ہونے کے بعد وہ دنیا بھر میں الفلاح کے باقاعدہ سفیر (Ambassadors) بن کر اس تعلیمی مشن کو آگے بڑھائیں گے۔

الفلاح سکالرشپ سکیم کے جنرل سیکرٹری "محمد ابوذر صاحب" نے اپنے خیالات کا اظہار کرتے ہوئے طلبہ کو مستقبل کے تعلیمی سفر کے حوالے سے مفید مشورے دیتے ہوئے گرمی کے سخت موسم میں سیشن میں شمولیت پر طلبا و طالبات، ان کے والدین کو سراہا۔ انہوں نے تقریب کے مہمانِ اعزاز
" ڈاکٹر حافظ آفتاب احمد صاحب " (اقبال میموریل ہسپتال، منڈیر) کی آمد پر ان کا خصوصی شکریہ ادا کیا اور انہیں اعزازی شیلڈ سے نوازتے ہوئے ان کی عزت افزائی کی۔

ٹریننگ سیشن کے اختتام پر مہمانِ اعزاز" ڈاکٹر حافظ آفتاب احمد صاحب" اور الفلاح بورڈ ممبران نے تمام طلبا و طالبات میں شمولیت کے سرٹیفکیٹس (Participation Certificates) تقسیم کیے۔ " حافظ عبید الرحمن صاحب" کے اختتامی کلمات ، ملک و ملت کی ترقی اور طلبہ کے روشن مستقبل کے لیے نیک دعاؤں کے ساتھ یہ سیشن اختتام پذیر ہوا۔

الفلاح سکالرشپ سکیم کا تعارفی سیشن | جنرل سیکرٹری محمد ابوذر کی جامع پریزنٹیشن | اوورسیز پاکستانی کمیونٹی کے لیے منعق...
21/05/2026

الفلاح سکالرشپ سکیم کا تعارفی سیشن | جنرل سیکرٹری محمد ابوذر کی جامع پریزنٹیشن |

اوورسیز پاکستانی کمیونٹی کے لیے منعقدہ خصوصی تعارفی سیشن کے دوران الفلاح سکالرشپ سکیم کے جنرل سیکرٹری محمد ابوذر صاحب نے ادارے کی پچھلی پون صدی پر محیط خدمات، طریقہ کار اور مستقبل کے لائحہ عمل پر ایک نہایت تفصیلی اور جامع پریزنٹیشن پیش کی۔ اُنہوں نے اس ملٹی میڈیا پریزنٹیشن کے ذریعے شرکاء کو الفلاح سکالرشپ سکیم کے اغراض و مقاصد اور 28 سالہ کامیاب فلاحی سفر کا تفصیلی خاکہ پیش کرتے ہوئے بتایا کہ کس طرح الفلاح نے ایک پودے سے تناور درخت بن کر ہزاروں مستحق اور ہونہار طلبا و طالبات کے تعلیمی خوابوں کو حقیقت کا روپ دیا ہے۔

جنرل سیکرٹری نے معزز مہمانوں کے سامنے الفلاح سکالرشپ سکیم کے کام کرنے کے طریقہ کار (Working Methodology) کو انتہائی شفاف انداز میں پیش کرتے ہوئے واضح کیا کہ:
• طلبہ کی درخواستوں کی وصولی سے لے کر ان کی مینوئل اور فیلڈ ویریفکیشن (تحقیقات) تک کا نظام مکمل طور پر میرٹ پر مبنی ہے۔
• وظائف کی براہِ راست بینک اکاونٹس کے ذریعے ترسیل اور طلبہ کی تعلیمی کارکردگی کی باقاعدہ مانیٹرنگ کا ایک مربوط نظام فعال ہے، تاکہ مخیر حضرات کی امانتیں سو فیصد شفافیت سے نیک مقاصد کے لیے بروئے کار لائی جاسکیں۔

پریزنٹیشن کے آخری حصے میں جنرل سیکرٹری نے شرکاء سے الفلاح کے تعلیمی نیٹ ورک کو وسعت دینے کے لیے حسب استطاعت سٹوڈنٹ سپانسرشپ (Student Sponsorship) کی اپیل کرتے ہوئے بتایا کہ وہ کس طرح انفرادی یا ادارہ جاتی سطح پر کسی بھی ہونہار طالب علم کی تعلیمی کفالت کا ذمہ اٹھا کر اس تعلیمی انقلاب کا حصہ بن سکتے ہیں، تاکہ کوئی بھی جوہرِ قابل مالی وسائل کی کمی کے باعث تعلیم چھوڑنے پر مجبور نہ ہو۔

20/05/2026

AFSS Introductory Session - 2026

الفلاح سکالرشپ سکیم کا تعارفی سیشن | پیٹرن انچیف میاں محمد عبدالشکور کا ضلع گجرات کو 'ماڈل تعلیمی ضلع' بنانے کا عزم |ا...
20/05/2026

الفلاح سکالرشپ سکیم کا تعارفی سیشن | پیٹرن انچیف میاں محمد عبدالشکور کا ضلع گجرات کو 'ماڈل تعلیمی ضلع' بنانے کا عزم |

اوورسیز پاکستانی کمیونٹی کے لیے منعقدہ خصوصی تعارفی سیشن سے الفلاح کے پیٹرن انچیف میاں محمد عبدالشکور صاحب نے اپنے صدارتی خطاب میں ادارے کے مستقبل کے انقلابی وژن اور 28 سالہ تاریخی خدمات پر تفصیلی روشنی ڈالی۔میاں محمد عبدالشکور صاحب نے ضلع گجرات میں تعلیمی انقلاب لانے کے حوالے سے اپنے عزم کا اظہار کرتے ہوئے کہا:
"ہمارا یہ خواب اور پختہ ہدف ہے کہ آئندہ 10 سے 15 سالوں کے دوران ضلع گجرات کو پاکستان کا ایک ایسا 'ماڈل ضلع' بنا دیا جائے، جہاں غربت یا وسائل کی کمی کے باعث کوئی بھی بچہ سکول سے باہر نہ ہو۔ تعلیم ہر بچے کا بنیادی حق ہے اور ہم اس کے حصول کو ہر ممکن حد تک یقینی بنائیں گے۔"

پیٹرن انچیف نے الفلاح سکالرشپ سکیم کے شاندار ماضی کا تذکرہ کرتے ہوئے شرکاء کو بتایا کہ 28 سال قبل ایک بیج سے جس مخلصانہ مشن کی ابتدا ہوئی تھی، اللہ رب العزت کے فضل و کرم سے آج وہ ایک تناور درخت بن چکا ہے، جس کی بدولت اب تک تقریبا 6,000 خاندانوں کی زندگیاں بدل چکی ہیں ۔ انہوں نے الفلاح سکالرشپ سکیم کے موجودہ تعلیمی نیٹ ورک اور مستقبل کے اہداف کا خاکہ پیش کرتے ہوئے مزید کہا:
"فی الوقت الفلاح سکالرشپ سکیم کے تحت 250 ہونہار مگر مستحق طلبا و طالبات کو اعلیٰ تعلیم کے لیے وظائف فراہم کیے جا رہے ہیں، ہمارا اگلا ہدف ضلع گجرات کے مخیر حضرات اور اوورسیز کمیونٹی کے تعاون سے اس تعداد کو بڑھا کر 1,000 تک پہنچانا ہے، اور اس مقصد کے حصول کے لیے ہم ہمہ وقت کوشاں اور پرعزم رہیں گے۔"

اپنے خطاب کے اختتام پر پیٹرن انچیف نے شرکاء سے پرزور اپیل کرتے ہوئے کہا کہ نیکی اور فلاح کا یہ سفر اکیلے طے نہیں ہو سکتا۔ انہوں نے حاضرین کو دعوت دی کہ وہ خود بھی الفلاح کے اس فلاحی سفر میں عملی طور پر شریک ہوں اور اپنے حلقہ احباب اور دوستوں کو بھی اس عظیم مشن میں شمولیت کی ترغیب دیں، تاکہ کوئی بھی ہیرے جیسا ہونہار طالب علم وسائل کی کمی کے باعث تعلیم سے محروم نہ رہ سکے۔

Address

Alfalah Haji Muhammad Hussain Memorial Centre, Gulshan-e-Razzak, Dinga-Kharian Raod Dhoria
Kharian
50090

Opening Hours

Monday 08:00 - 15:30
Tuesday 08:00 - 15:30
Wednesday 08:00 - 15:30
Thursday 08:00 - 15:30
Friday 08:00 - 15:30
Saturday 08:00 - 13:00

Telephone

+923451414457

Website

Alerts

Be the first to know and let us send you an email when Alfalah Scholarship Scheme posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Alfalah Scholarship Scheme:

Shortcuts

Share

Category