Human Rights Council of Pakistan - District South KHI

28/03/2026

01/03/2026

ایران کے سپریم لیڈر کی شہادت کی خبر نے پوری امتِ مسلمہ کو غمزدہ اور بے چین کر دیا ہے۔
ایسے نازک حالات میں جذبات سے نہیں بلکہ حکمت اور بردباری سے فیصلے کرنے کی ضرورت ہے۔
اسلام ہمیں صبر، عدل اور امن کا درس دیتا ہے۔
قرآن کی تعلیمات واضح کرتی ہیں کہ ایک بے گناہ جان کا ضیاع پوری انسانیت کے قتل کے مترادف ہے۔
آج وقت ہے کہ مسلم اُمہ اتحاد، اخوت اور تدبر کا مظاہرہ کرے، اور دنیا کو یہ پیغام دے کہ ہمارا راستہ انتقام نہیں بلکہ انصاف، امن اور انسانیت کا تحفظ ہے۔
اللہ تعالیٰ خطے کو مزید خونریزی سے محفوظ رکھے اور تمام فریقین کو حق و حکمت کے ساتھ فیصلے کرنے کی توفیق عطا فرمائے۔

28/02/2026

28/02/2026

Mashal with AUCIS is organizing a seminar titled “Empower her” at Air University, Islamabad.

The event will bring together passionate students to raise awareness about women’s rights, gender equality, and youth-led advocacy.

Day: Thursday
Date: 5th March 2026
Time: 12:00 pm to 02:00 pm
Venue: Main Auditorium

Note: Only students from Air University can join.
......
Facebook:
https://www.facebook.com/share/1HsUydx8uX/

Instagram:
https://www.instagram.com/p/DVTqPs4F1Ec/?igsh=ZmswZ2E1emNqYWFp

Twitter X:
https://x.com/i/status/2027773447460556868

28/02/2026

Human Rights Council of Pakistan is pleased to announce the appointment of Mr. Raja Azher Mehmood as:
• Provincial Focal Person to the Secretary General (Pakistan)
• Provincial Spokesperson (Authorized Representative of Secretary General Pakistan)
• Provincial Chief Coordinator (On behalf of Secretary General – Pakistan)
This appointment is effective immediately.
We look forward to strengthened coordination, discipline, and implementation of central policies across Sindh Region.

28/02/2026

اعلامیہ
ہیومن رائٹس کونسل پاکستان (HRCPakistan)

ہیومن رائٹس کونسل پاکستان ملک میں بڑھتی ہوئی دہشت گردی کی حالیہ لہر پر گہری تشویش کا اظہار کرتی ہے۔ افغانستان سے غیر منظم انخلا کے بعد جدید اسلحہ اور جنگی ساز و سامان کا خطے میں پھیلاؤ ایک سنگین مسئلہ بن چکا ہے۔ خصوصاً Taliban کے اقتدار میں آنے کے بعد سیکیورٹی خلا اور اسلحے کی دستیابی نے شدت پسند عناصر کو مضبوط کیا ہے، جس کے اثرات پاکستان پر بھی مرتب ہو رہے ہیں۔

کونسل اس امر پر تشویش ظاہر کرتی ہے کہ کالعدم شدت پسند گروہ، جنہیں عرفِ عام میں خوارج کہا جاتا ہے، سرحدی علاقوں اور اندرونِ ملک معصوم شہریوں اور سیکیورٹی اہلکاروں کو نشانہ بنا رہے ہیں۔ آئے دن سرحدی خلاف ورزیاں اور حملے پاکستان کی خودمختاری اور سالمیت کے لیے سنجیدہ خطرہ ہیں۔

ہیومن رائٹس کونسل پاکستان واضح کرتی ہے کہ ہر خودمختار ریاست کو اپنے شہریوں کے تحفظ اور دفاع کا مکمل حق حاصل ہے۔ اگر پاکستان نے اپنے دفاع کے حق کو استعمال کرتے ہوئے دہشت گرد عناصر کے خلاف کارروائی کی ہے تو اس کا بنیادی مقصد شہریوں کی جان و مال کا تحفظ اور قومی سلامتی کو یقینی بنانا ہے۔ تاہم ہم اس بات پر بھی زور دیتے ہیں کہ کسی بھی قسم کی کارروائی بین الاقوامی قوانین، انسانی حقوق کے اصولوں اور شہری آبادی کے تحفظ کو مدنظر رکھتے ہوئے کی جائے۔

ہم افغان حکام سے مطالبہ کرتے ہیں کہ وہ اپنی سرزمین کسی بھی ملک کے خلاف استعمال نہ ہونے دیں، دہشت گرد گروہوں کے خلاف واضح اور مؤثر اقدامات کریں، اور پاکستان کے ساتھ سنجیدہ اور نتیجہ خیز مذاکرات کے ذریعے سرحدی امن کو یقینی بنائیں۔

ہیومن رائٹس کونسل پاکستان دہشت گردی کے ہر واقعے کی شدید مذمت کرتی ہے اور اس عزم کا اعادہ کرتی ہے کہ پاکستان کے امن، استحکام اور سالمیت کے خلاف ہر سازش کے خلاف آواز بلند کرتی رہے گی۔

ترجمان
ہیومن رائٹس کونسل پاکستان

28/02/2026

ہیومن رائٹس کونسل آف آزاد جموں و کشمیر (HRC-AJK) کی جانب سے
مسٹر ساجد مقبول ایڈووکیٹ
(لیگل ایڈوائزر – HRC-AJK)

کو سپریم کورٹ میں کیس
نوید ناصر بنام خضر حیات
میں شاندار کامیابی حاصل کرنے پر دلی مبارکباد پیش کی جاتی ہے۔

یہ کامیابی آپ کی پیشہ ورانہ مہارت، قانون فہمی اور انصاف کے لیے غیر متزلزل عزم کا واضح ثبوت ہے۔

ہم آپ کی مزید کامیابیوں اور عدل و انصاف کے فروغ کے لیے نیک تمناؤں کا اظہار کرتے ہیں۔

ہیومن رائٹس کونسل آف آزاد جموں و کشمیر (HRC-AJK)

28/02/2026

ہیومن رائٹس کونسل آف پاکستان
پریس ریلیز
​
​ہیومن رائٹس کونسل آف پاکستان (HRC-Pakistan) امریکہ اور اسرائیل کی جانب سے ایران پر کیے گئے حالیہ مشترکہ فوجی حملوں پر اپنی گہری تشویش کا اظہار کرتے ہوئے ان اقدامات کی سخت ترین الفاظ میں مذمت کرتی ہے۔ یہ عسکری کارروائی نہ صرف بین الاقوامی قوانین اور اقوامِ متحدہ کے چارٹر کی کھلی خلاف ورزی ہے، بلکہ اس سے خطے میں ایک وسیع تر انسانی المیے کے جنم لینے کا شدید خطرہ پیدا ہو گیا ہے۔ کونسل سمجھتی ہے کہ کسی بھی ریاست کی خودمختاری پر حملہ عالمی امن کے لیے ایک سنگین خطرہ ہے جسے کسی بھی صورت جائز قرار نہیں دیا جا سکتا۔
​کونسل تمام متعلقہ فریقین اور عالمی برادری سے پرزور مطالبہ کرتی ہے کہ وہ اشتعال انگیزی کے اس سلسلے کو روکنے کے لیے فوری اور غیر مشروط جنگ بندی کا راستہ اختیار کریں۔ تاریخ گواہ ہے کہ جنگیں کبھی مسائل کا حل نہیں ہوتیں بلکہ یہ صرف تباہی، معصوم جانوں کے ضیاع اور نسل در نسل منتقل ہونے والی نفرتوں کو جنم دیتی ہیں۔ انسانی حقوق کے تحفظ کے لیے ضروری ہے کہ طاقت کے استعمال کے بجائے سفارت کاری اور بامقصد مذاکرات (Dialogue) کو ترجیح دی جائے تاکہ تنازعات کا پائیدار اور پرامن حل نکالا جا سکے۔
​ہیومن رائٹس کونسل آف پاکستان اقوامِ متحدہ اور عالمی قوتوں سے اپیل کرتی ہے کہ وہ اپنی ذمہ داریاں پوری کرتے ہوئے مزید خونریزی کو روکنے کے لیے اپنا اثر و رسوخ استعمال کریں۔ اس وقت دنیا کسی نئی جنگ کی متحمل نہیں ہو سکتی؛ لہٰذا انسانیت کی بقا اور عالمی استحکام کی خاطر جنگی جنون کو ترک کر کے میز پر بیٹھ کر مسائل حل کرنا ہی واحد راستہ ہے۔ ہم حکومتِ پاکستان اور دیگر امن پسند ممالک سے بھی مطالبہ کرتے ہیں کہ وہ اس بحران کے سفارتی حل کے لیے اپنا بھرپور کردار ادا کریں۔
​ترجمان
ہیومن رائٹس کونسل آف پاکستان


​

28/02/2026

قونصلیٹ آف لبرلینڈ پاکستان کا لاہور میں پرتکلف افطار ڈنر، اتحاد بین المسلمین کا پیغام
چیئرمین ہیومن رائٹس کونسل آف پاکستان جمشید حسین کی خصوصی شرکت

قونصلیٹ آف لبرلینڈ پاکستان کی جانب سے ماہِ رمضان المبارک کی مناسبت سے لاہور میں ایک شاندار افطار ڈنر کا اہتمام کیا گیا۔ تقریب کی صدارت لبرلینڈ کے ایمبیسڈر ایٹ لارج فیصل بٹ نے کی۔ تقریب میں قونصلیٹ آف لبرلینڈ کے پریس سیکرٹری رانا علی زوہیب، پی آر او شعیب خان، فرسٹ سیکرٹری محمد علی بٹ، چیئرمین ہیومن رائٹس کونسل آف پاکستان جمشید حسین، صدر و بانی مشعل چوہدری محمد علی، ڈاکٹر اونگزیب، علی شریف، چوہدری شفیق، بیرسٹر سلمان، ایڈووکیٹ عائمن مفتی، قونصلیٹ کا عملہ، رانا فہد صفدر خان، ایس ایس پی خالد محمود افضل، سپیشل ایڈوائزر ٹو پرائم منسٹر توصیف شاہ، فیروزوالا پریس کلب سے فدا محمد فدا، تنویر جٹ، آصف بھٹی، حافظ خالد بن ولید، الیاس گجر، انسپکٹر جاوید حسنین قریشی، شیخ رضوان، چوہدری مہدی، مصفطیٰ بھٹی، ڈاکٹر منور، فرخ جمیل، ظہیر بابر، مسلم بن جمیل سمیت مختلف مکاتب فکر سے تعلق رکھنے والے علما، دانشور، سماجی شخصیات اور عمائدین شہر نے کثیر تعداد میں شرکت کی۔ تقریب سے خطاب کرتے ہوئے ایمبیسڈر ایٹ لارج فیصل بٹ نے ماہِ رمضان کی روحانی اہمیت پر روشنی ڈالی۔ انہوں نے کہا کہ رمضان المبارک صبر، برداشت، ایثار اور قربانی کا مہینہ ہے، جو امت مسلمہ کو اتحاد و یکجہتی کا عملی درس دیتا ہے۔ ان کا کہنا تھا کہ ''یہ بابرکت مہینہ ہمیں رنگ، نسل اور مسلک کی تفریق سے بالاتر ہو کر ایک صف میں کھڑے ہونے کا سبق سکھاتا ہے۔'ان کا مزید کہنا تھا کہ آج عالم اسلام کو درپیش چیلنجز کا واحد حل وحدت اور اتحاد میں پنہاں ہے۔ ہمیں انتہا پسندی اور فرقہ واریت جیسے مسائل سے نمٹنے کے لیے متحد ہونا ہوگا۔ اس موقع پر چیئرمین ہیومن رائٹس کونسل آف پاکستان جمشید حسین نے سفیر فیصل بٹ کو سندھی اجرک اور ٹوپی پہنائی. انہوں نے رمضان المبارک کو رحمت، مغفرت اور جہنم سے نجات کا مہینہ قرار دیتے ہوئے کہا کہ اس کے پہلے عشرہ میں رحمت، دوسرے میں مغفرت اور تیسرے میں جہنم سے نجات کا وعدہ ہے۔ انہوں نے اس بات پر بھی زور دیا کہ قرآن مجید کے نزول کا یہ مہینہ ہمیں اتحاد، اخوت اور باہمی احترام کی راہ دکھاتا ہے۔ تقریب کے اختتام پر ایمبیسڈر ایٹ لارج فیصل بٹ نے تمام مہمانوں کا شکریہ ادا کیا۔

28/02/2026