Voice of Gulshan-e-Hadeed Views and News

Voice of Gulshan-e-Hadeed Views and News One Voice, One Community, Endless Impact
روایتی انداز سے ہٹ کر کچھ ایسا جو آپ کو سوچنے پر مجبور کرے

16/08/2026

گلشنِ حدید میں پانی و گیس کی مبینہ چوری—علاقے کے مستقبل کے لیے بڑا خطرہ

گلشنِ حدید میں پانی اور گیس کی مبینہ چوری کا سلسلہ جاری رہا تو خدشہ ہے کہ یہ علاقہ بھی ڈیفالٹ علاقوں کی فہرست میں شامل ہو سکتا ہے۔ اس کا نتیجہ شہر کے دیگر علاقوں کی طرح طویل لوڈشیڈنگ اور گھروں میں گیس کے کم پریشر کی صورت میں سامنے آ سکتا ہے۔

سوشل میڈیا اور واٹس ایپ گروپس میں گردش کرنے والی اطلاعات کے مطابق اس چوری میں بعض معروف وکلاء اور صحافیوں کے ملوث ہونے جبکہ انہیں مبینہ طور پر سیاسی سرپرستی حاصل ہونے کے الزامات بھی سامنے آ رہے ہیں۔ ضروری ہے کہ متعلقہ ادارے ان الزامات کا فوری نوٹس لیتے ہوئے شفاف اور غیرجانبدارانہ تحقیقات کریں، تاکہ حقائق عوام کے سامنے آسکیں۔

ذمہ دار ادارے فوری نوٹس لیں اور گلشنِ حدید کو مزید بحران سے بچانے کے لیے مؤثر کارروائی کریں۔

Voice of Gulshan-e-Hadeed Views and News

16/08/2026

ربیع الاول کے خطیر فنڈز کہاں گئے؟ گلشنِ حدید میں مرکزی جلوس کے روٹس گٹر کے گندے پانی، ٹوٹی سڑکوں اور بڑے گڑھوں کے رحم و کرم پر

انجمن فیضانِ عشقِ مصطفیٰ ﷺ اور سنی تنظیمات کی مشترکہ استقبالِ ربیع الاول ریلی گلشنِ حدید فیز 2 فیضان مدینہ مسجد سے نکالی گئی جو مختلف راستوں سے ہوتی ہوئی مین اللّٰہ والی چورنگی سے گزر کر دیارِ حبیب مسجد پر اختتام پذیر ہوئی۔ ریلی کے اختتام پر شرکاء نے حضرت علامہ مولانا محمد اکرم سعیدی رحمہ اللہ کی قبر پر حاضری دی اور فاتحہ خوانی کی۔

ریلی کے روٹس پر جگہ جگہ گٹر کا گندا پانی، ناقص صفائی کے انتظامات ، تباہ حال سڑکیں اور بڑے بڑے گڑھے موجود تھے جس کے باعث علماء کرام اور عاشقانِ رسول ﷺ کو گندے پانی سے گزر کر ریلی میں شریک ہونا پڑا۔ یہ صورتحال بلدیاتی نمائندوں اور متعلقہ اداروں کی کارکردگی پر ایک بڑا سوالیہ نشان ہے۔

دوسری جانب میئر کراچی کی جانب سے ربیع الاول کے حوالے سے خصوصی انتظامات کے لیے خطیر رقم کے فنڈز مختص کیے جانےکے باوجود گلشنِ حدید سمیت پیپری شاہ و گردونواح کی صورتحال انتہائی خراب دکھائی دیتی ہے۔ بالخصوص مرکزی جلوس کے روٹس کی سڑکیں تباہ حال ہیں، جگہ جگہ گٹروں کا پانی کھڑا ہے ناقص صفائی کے انتظامات ہیں اور بڑے بڑے گڑھے عوام کے لیے مشکلات کا باعث بن رہے ہیں۔

استقبال ربیع الاول ریلی والے دن 14 آگست کی رات کو مین اللہ والی چورنگی پر سرکاری اسٹریٹ لائٹس کا بند ہونا بھی متعلقہ اداروں کی کارکردگی پر سوالیہ نشان ہے۔

سوال یہ ہے کہ ربیع الاول کے لیے مختص کیے گئے خطیر فنڈز کہاں اور کیسے خرچ ہوگی؟ اگر مرکزی جلوس کے روٹس ہی گٹر کے گندے پانی، ٹوٹی سڑکوں اور اندھیرے کا شکار ہیں تو ان خصوصی انتظامات کا فائدہ عوام تک کب پہنچے گا؟

متعلقہ بلدیاتی اداروں سے مطالبہ ہے کہ فوری طور ہنگامی بنیادوں پر مرکزی جلوس کے روٹس کی صفائی، نکاسیٔ آب، سڑکوں کی مرمت اور اسٹریٹ لائٹس کی بحالی کو یقینی بنایا جائے۔

Voice of Gulshan-e-Hadeed Views and News

16/08/2026

گلشنِ حدید فیز 2 ماضی میں پاکستان اسٹیل ملز بلک واٹر سے حال کی واٹر بورڈ مینجمنٹ تک، ایل-12 سے ایل-14 کے مکین پانی سے محروم ۔۔۔۔

ماضی تا حال لوپ لائنوں کا گندا دھندا بھی مکمل آزادی کے ساتھ جاری ہے

پاکستان اسٹیل ملز کے بلک واٹر نظام کے دور میں بعض عناصر (کالی بھیڑوں) کی جانب سے مبینہ طور پر قائم کیا گیا غیر منصفانہ غیر قانونی لوپ لائنوں اور ڈسکوں کا نظام نئے پانی کے نظام کے آنے کے باوجود آج بھی مضبوطی سے موجود ہے۔ افسوس کہ اس غیر منصفانہ نظام کو مبینہ طور پر مکمل سرپرستی اور تحفظ حاصل ہے جس کے باعث ایل-12 سے ایل-14 کے مکین گزشتہ 13 سال سے پانی کی بنیادی سہولت سے محروم ہیں۔

ماضی میں قائم پانی کی تقسیم کے غیر منصفانہ نظام کا مسئلہ آج بھی برقرار ہے جبکہ نیا نظام آنے کے باوجود ان علاقوں کے مکین پانی کے منتظر ہیں۔

13 سال گزر گئے، سوال آج بھی وہی ہے آخر پانی کب ملے گا؟

Voice of Gulshan-e-Hadeed Views and News

15/08/2026

گلشنِ حدید کا مین برساتی نالہ — 50 کروڑ کے منصوبے میں دو نمبر کام؟

آواز اٹھانے کے باوجود ناقص تعمیرات کا سلسلہ جاری، عوامی پیسوں سے بننے والے منصوبے کے معیار پر سنگین سوالات

گلشنِ حدید پہلے ہی بے شمار بنیادی مسائل کا شکار ہے۔ علاقے میں ترقیاتی کام نہ ہونے کے برابر ہیں، سڑکیں، سیوریج، صفائی اور دیگر بنیادی سہولیات کے مسائل شہریوں کے لیے مستقل پریشانی کا باعث بنے ہوئے ہیں۔ ایسے میں جب کوئی بڑا ترقیاتی منصوبہ شروع ہوتا ہے تو عوام کو امید ہوتی ہے کہ ان کے دیرینہ مسائل حل ہوں گے۔

لیکن 50 کروڑ روپے کے برساتی نالے کے منصوبے میں مبینہ طور پر جس انداز سے کام کیا جا رہا ہے، اس نے شہریوں کے تحفظات مزید بڑھا دیے ہیں۔

گلشنِ حدید کا برساتی نالہ پہلے سے موجود تھا، جسے دوبارہ توڑ کر نئی تعمیر کی گئی۔ اب موجودہ کام میں نئے نالے کی تعمیر کے بجائے پرانے نالے کی دیواروں پر چھت ڈالنے کا کام جاری ہے۔ اگر منصوبے کی منظوری اور ادائیگی مکمل تعمیر کے حساب سے ہو رہی ہے تو عوام یہ سوال کرنے میں حق بجانب ہیں کہ کام واقعی مکمل کیا جا رہا ہے یا صرف کام دکھایا جا رہا ہے؟

شہریوں کا خدشہ ہے کہ پیسے پورے لیے جائیں گے، لیکن کام آدھا کیا جائے گا۔اگر یہ تاثر درست نہیں تو متعلقہ ادارے منصوبے کی مکمل تفصیلات، تخمینہ، ڈیزائن، تعمیراتی معیار اور کام کی نگرانی کے بارے میں عوام کو واضح جواب دیں۔

عوامی پیسہ عوام کی امانت ہے۔ گلشنِ حدید کے شہریوں کا مطالبہ ہے کہ منصوبے کا شفاف اور غیر جانب دارانہ معائنہ کیا جائے، تعمیراتی معیار کی جانچ کی جائے اور یہ یقینی بنایا جائے کہ منظور شدہ رقم کے مقابلے میں منصوبہ مکمل، معیاری اور پائیدار تعمیر ہو۔

عوام کی آواز کو نظرانداز نہ کیا جائے۔

عوامی منصوبوں میں شفافیت، معیار اور مکمل کام یقینی بنایا جائے۔

گلشنِ حدید کے عوام پوچھتے ہیں
50 کروڑ کا منصوبہ — کام مکمل ہوگا یا صرف حساب مکمل ہوگا؟

Voice of Gulshan-e-Hadeed Views and News

14/08/2026

جشنِ آزادی کے موقع پر گلشنِ حدید فیز 2 میں انوکھا احتجاج

جشنِ آزادی کے موقع پر گلشنِ حدید فیز 2 کے ایل 12 اور ایل 14 کے مکینوں نے پانی کی عدم فراہمی کے خلاف انوکھا احتجاج کیا۔

علاقہ مکینوں نے باجے اور بھونپلیاں بجا کر "پانی دو، پانی دو" کے نعرے بلند کیے اور مطالبہ کیا کہ فوری طور پر پانی کی فراہمی بحال کی جائے۔

آزادی کا جشن اپنی جگہ، مگر بنیادی سہولیات سے محرومی کے خلاف آواز اٹھانا بھی عوام کا حق ہے۔






Voice of Gulshan-e-Hadeed Views and News

🇵🇰 Happy 79th Independence Day, Pakistan 🇵🇰Let’s celebrate our freedom with unity hope and a commitment to building a st...
13/08/2026

🇵🇰 Happy 79th Independence Day, Pakistan 🇵🇰

Let’s celebrate our freedom with unity hope and a commitment to building a stronger peaceful and prosperous Pakistan.

May our beloved country always shine with peace progress and happiness. 💚

Pakistan Zindabad 🇵🇰✨









Voice of Gulshan-e-Hadeed Views and News

13/08/2026

گلشنِ حدید کی سڑکیں… کیا اب قسمت بدلے گی

اے سی ملیر نے گلشنِ حدید کا دورہ کیا اور مین انٹرنس باٹا موڑ پر رک کر سڑک کی صورتحال کا جائزہ لیا۔

اس روڈ کی خستہ حالی کے حوالے سے روزانہ سوشل میڈیا پر ویڈیوز سامنے آ رہی ہیں۔ آج موقع پر خود صورتحال دیکھ لی گئی ہے اب اصل امتحان عملی اقدامات کا ہے۔

کیا یہ دورہ صرف ایک جائزہ بن کر رہ جائے گا، یا واقعی گلشنِ حدید کی سڑکوں کی قسمت بدلے گی؟

عوام اب صرف یقین دہانی نہیں زمین پر نظر آنے والی تبدیلی چاہتی ہے۔

اگر آپ بھی چاہتے ہیں کہ اس روڈ سمیت گلشنِ حدید کی دیگر سڑکوں پر بھی فوری اور مستقل توجہ دی جائے تو اس آواز کو زیادہ سے زیادہ آگے پہنچائیں۔
شاید آپ کی ایک شیئر متعلقہ حکام تک عوام کی آواز پہنچانے اور مسئلے کے حل کی جانب ایک اہم قدم ثابت ہو۔

Voice of Gulshan-e-Hadeed Views and News

استقبالِ ربیعُ الاول ریلی 202614 اگست 2026بعد نمازِ عشاء آئیے! عشقِ رسول ﷺ کے جذبے کے ساتھ استقبالِ ربیعُ الاول ریلی میں...
13/08/2026

استقبالِ ربیعُ الاول ریلی 2026

14 اگست 2026
بعد نمازِ عشاء

آئیے! عشقِ رسول ﷺ کے جذبے کے ساتھ استقبالِ ربیعُ الاول ریلی میں بھرپور شرکت کریں۔

بائیک اور گاڑیاں ضرور لے کر تشریف لائیں۔

آمدِ مصطفیٰ ﷺ مرحبا

Voice of Gulshan-e-Hadeed Views and News

گلشنِ حدید بوائز ڈگری کالج — دستاویزی ثبوت سامنے آگیا!سرکاری منظوری گلشنِ حدید کی، پھر بوائز کالج پپری کیوں پہنچ گیا؟کور...
12/08/2026

گلشنِ حدید بوائز ڈگری کالج — دستاویزی ثبوت سامنے آگیا!

سرکاری منظوری گلشنِ حدید کی، پھر بوائز کالج پپری کیوں پہنچ گیا؟

کورنگی سے گلشنِ حدید منتقل ہونے والے بوائز ڈگری کالج کا معاملہ ایک بار پھر سوالات کی زد میں

سرکاری دستاویزات کے مطابق 25 اگست 2023 کو حکومتِ سندھ کے کالج ایجوکیشن ڈیپارٹمنٹ کی جانب سے گورنمنٹ بوائز ڈگری کالج گلشنِ حدید کے قیام کی منظوری دی گئی تھی جسے گورنمنٹ گرلز ڈگری کالج گلشنِ حدید کی عمارت میں شام کی شفٹ میں چلایا جانا تھا۔

بعد ازاں 29 ستمبر 2024 کے ایک اور سرکاری مراسلے میں بھی گلشنِ حدید میں بوائز کالج کے حوالے سے انتظامی امور اور عملے کی تعیناتی کا ذکر موجود ہے۔

لیکن سوال یہ ہے کہ اگر سرکاری ریکارڈ میں گلشنِ حدید میں بوائز کالج کے قیام کے واضح احکامات موجود تھے تو پھر یہ کالج پپری کیوں منتقل کر دیا گیا؟

کیا گلشنِ حدید کے طلبہ کو ان کے بنیادی تعلیمی حق سے محروم کیا جا رہا ہے؟
سرکاری فیصلے کے باوجود مقام تبدیل کرنے کی وجہ کیا ہے؟
اس فیصلے کی منظوری کس سطح پر اور کن وجوہات کی بنیاد پر دی گئی؟

اہلیان گلشنِ حدید کا مطالبہ ہے کہ معاملے کی شفاف تحقیقات کی جائیں اور بوائز ڈگری کالج کو گلشنِ حدید میں اس کے اصل منظور شدہ مقام پر بحال کیا جائے۔

دستاویزات عوام کے سامنے ہیں اب جواب بھی عوام کو ملنا چاہیے۔

Voice of Gulshan-e-Hadeed Views and News

12/08/2026

گلشنِ حدید کی مین انٹرنس… اور یہ سڑک کی حالت

گلشنِ حدید کی یہ مین انٹرنس ہے جہاں سے روزانہ ہزاروں شہری گزرتے ہیں۔ کبھی یہی راستہ گلشنِ حدید کی خوبصورتی اور شناخت سمجھا جاتا تھا، مگر آج اس کی خستہ حالی دیکھ کر ایسا محسوس ہوتا ہے جیسے شہر سے نہیں بلکہ کسی نظرانداز شدہ علاقے میں داخل ہو رہے ہوں۔

اگر یہی منظر اسلام آباد کی کسی سڑک کا ہوتا تو شاید اسے میگا اسلام آباد بنانے کے دعوے کیے جاتے بلکہ عملی اقدامات بھی نظر آتے۔ مگر افسوس کہ منی اسلام آباد کہلانے والا گلشنِ حدید آج بنیادی سہولیات اور بہتر انفراسٹرکچر کی عدم توجہی کے باعث تباہی کے دہانے پر کھڑا ہے۔

سوال یہ ہے کہ گلشنِ حدید کی مین انٹرنس اور سڑکوں کی حالت کب بدلے گی؟ عوام کو صرف وعدے نہیں، عملی اقدامات چاہییں۔

Voice of Gulshan-e-Hadeed Views and News

Address

Gulshan E Hadeed
Karachi
75010

Website

Alerts

Be the first to know and let us send you an email when Voice of Gulshan-e-Hadeed Views and News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category