Sindh Graduates Association - Markaz

20/08/2026

20/08/2026

20.08.2026
رپورٽ (محمد اعظم پنھور) روشن تارا ھاءِ اسڪول ميھڙ جي 34ھين سالگره اسڪول جي خوبصورت گرائونڊ ۾ملھائي وئي.جنھن ۾ سگا ميھڙ شاخ جي نائب صدر ڊاڪٽر ھيمن داس مھراج، چئرمين روشن تارا اسڪول انجنيئر محمد اسلم چانڊيو، پرنسپال سائين عبدالڪريم چانڊيو،بي ايم سي ميمبر محمد اعظم پنھور ۽ ٻارڙن شرڪت ڪئي.ان موقعي تي سگا نائب صدر ڊاڪٽر ھيمن داس مھراج خيالن جو اظهار ڪندي چيو تہ مان جس ٿو ڏيان چئرمين،پرنسپال، ٽيچرس کي جن سالگره ملهائي آهي.سگا جو اڙانگو سفر ۽ ان ۾ اسڪول قائم ڪري ھڪ تعليم جي واڌاري جي وڌيڪ وک وڌائي جيڪا اڄ روشن ستارن جيان چمڪي رھي آھي.ھن چيو تہ تعليم ئي اسان جي ساڀيائن جي منزل آهي جنهن سان اسان جي ٻارڙن جومستقبل روشن ٿئي ٿو.چئرمين روشن تارا اسڪول انجنيئر محمد اسلم چانڊيو چيو تہ اسين خوش نصيب آھيون جو اڄ 34 ھين سالگره اسڪول جي ٻارڙن سان گڏجي ملھائي رھيا آھيون.ھن چيو تہ روشن تارا اسڪول مختلف مرحلن مان گذري ااڄ ھن خوبصورت بلڊنگ جي پنهنجي عمارت ۾ آهي.اھا اسان جي خوشنصيبي آهي ڇاڪاڻ تہ سٺو معاشرو تڏھن ٿئي ٿو جڏهن اتي سماج جي اندر علم جي ڏياٽي روشني سان روشناس ھجي ۽ جھالت جي خاتمي ڪرڻ ۾ ماڻھو بھتر ڪردار نڀائي سگهي.ھن چيو تہ تعليم ئي اسان جي روشنيءَ جي واٽ جو اھو چراغ آهي جنهن سان اسين سماج جي ساڀيا ڪري سگھون ٿا.

20/08/2026

19 آگسٽ 2026 تي محترم رفيق احمد جعفري چيئرمين سگا، محترم علي حسين بروهي سيڪريٽري جنرل سگا، محترم تاج محمد وساڻ ميمبر مرڪزي ڪاروباري ڪاميٽي، محترم ڊاڪٽر مسرت خواجه، محترم انجنيئر ممتاز علي ڦلپوٽو جنرل سيڪريٽري سگا خيرپور ميرس شاخ، محترم پروفيسر سريش ڪمار واڌواڻي صدر سگا حيدرآباد شاخ جي مهراڻ هوٽل ڪراچي ۾ سگا مرڪز ۽ شاخن جي مستقبل ۾ ٿيندڙ سرگرمين متعلق ڳالھ ٻولهه ڪئي انشاء ﷲ جلد ڪائونسل جو اجلاس گهرايو ويندو،

20/08/2026

سنڌ گريجوئيٽس ائسوسيئيشن شاخ ڦلجي اسٽيشن

20/08/2026

Students selected in different universities from RTS Ghotki in2025

20/08/2026

سگا شاخ نئين ديري جي ساٿين جو، جانورن جي اسپتال جو دورو

سنڌ گريجوئيٽس ايسوسيئيشن (سگا) شاخ نئين ديري جي ڪاروباري ڪاميٽيءَ جو اجلاس 16 آگسٽ 2026ع، آچر ڏينهن صبح جو 11 وڳي ميونسپل ڪاميٽي نئين ديري جي هال ۾ ٿيو، جنهن ۾ مختلف اهم معاملن تي غور ويچار ڪندي اٺ فيصلا ڪيا ويا. انهن فيصلن مان هڪ اهم فيصلو نئين ديري جي جانورن جي اسپتال جو دورو ڪري، اتي جانورن جي علاج ۽ سهولتن بابت ڄاڻ حاصل ڪرڻ هو.
فيصلي تي عمل ڪندي شاخ جي صدر ڊاڪٽر غلام مصطفيٰ کهڙي، جنرل سيڪريٽري محمد شريف ڀرچونڊ ۽ ڪاروباري ڪاميٽيءَ جي ميمبر محترم عبداللطيف ڪرٽيو، وٽنري ڊاڪٽر ذيشان اظهر ڪلهوڙي صاحب سان فون تي رابطو ڪري اسپتال اچڻ ۽ ساڻس ملاقات ڪرڻ جي خواهش ظاهر ڪئي. ڊاڪٽر صاحب نهايت محبت ۽ خلوص سان آجيان ڪندي ملاقات جي دعوت ڏني.
سگا جي وفد جانورن جي اسپتال پهچي ڊاڪٽر ذيشان اظهر ڪلهوڙي سان ملاقات ڪئي. ان موقعي تي ڊاڪٽر صاحب اسپتال جي ڪارڪردگي ۽ جانورن کي فراهم ٿيندڙ طبي سهولتن بابت تفصيلي آگاهي ڏني. هن ٻڌايو ته چوپائي مال جي ويڪسين جي پهرين مرحلي جو ڪم مڪمل ڪيو ويو آهي، جڏهن ته بيمار جانورن جو توجهه سان علاج ڪرڻ سان گڏ ضرورت موجب سرجري جون سهولتون پڻ فراهم ڪيون وڃن ٿيون. هن وڌيڪ ٻڌايو ته سرڪاري دوائن جو استعمال اسپتال ۾ ئي جانورن جي علاج لاءِ ڪيو وڃي ٿو.
ڊاڪٽر ذيشان اظهر ڪلهوڙي موجب جانورن جي صحت بابت خدمتن کي وڌيڪ بهتر بڻائڻ لاءِ پاڪستان پيپلز پارٽيءَ جي ضلعي ۽ سٽي قيادت جو پڻ مڪمل سهڪار حاصل آهي.
ملاقات دوران ڊاڪٽر صاحب سگا جي وفد جي مانَ ۽ محبت ۾ خاطر مدارت ڪئي ۽ سنڌ جي ثقافتي روايت موجب اجرڪ اوڍائي مهمانن کي عزت ۽ مانُ ڏنو. سگا جي وفد ڊاڪٽر ذيشان اظهر ڪلهوڙي جي خلوص، محبت ۽ سهڪار تي سندس ٿورا مڃيا ۽ جانورن جي صحت لاءِ سندس خدمتن کي ساراهيو.
سگا شاخ نئين ديري جي وفد پاران اهڙن ادارن جي دوري جو مقصد عوامي ۽ سماجي خدمتن سان لاڳاپيل ادارن جي ڪارڪردگيءَ کي ويجهڙائي کان ڏسڻ، مسئلن جي ڄاڻ حاصل ڪرڻ ۽ بهتر خدمتن لاءِ سهڪار ۽ هم آهنگي پيدا ڪرڻ آهي.

18/08/2026

سنڌ گريجوئيٽس ايسوسيئيشن سگا شاخ قاضي احمد جي ماليات سيڪريٽري پياري دوست محترم ذوالفقار علي عباسي جي جنم ڏينهن جي حوالي سان هڪ خوبصورت تقريب منعقد ڪئي وئي جنهن ۾ سگا جي ساٿين اياز چانڊيو. حاڪم علي اوٺو. ممتاز علي ميمڻ. محمد ياسين چانڊيو. محمد يوسف ڀان. غلام رسول انڙ. انور علي انڙ. محمد بچل مهر کان علاوه ڪجھ شهرين به شرڪت ڪئي. ان موقعي تي آيل دوستن ذوالفقار علي عباسي کي لونگيون ۽ گلن جا هار پارائي مبارڪون ڏنيون. جڏهن ته سالگره جو ڪيڪ پڻ ڪاٽيو ويو.

17/08/2026

سگا مرڪز جي ساٿين جي ثقافتي لانڍي تي آمد، سگا جي بهتري بابت اهم ڪچهري

سنڌ گريجوئيٽس ايسوسيئيشن (SGA) مرڪز جي معزز ساٿين، وائيس چيئرپرسن محترم خالد حسين چنا صاحب، سيڪريٽري اطلاعات محترم احمد حسن پنھور صاحب ۽ اڳوڻو سي اي سي ميمبر وزير فرهاد صاحب جي ثقافتي لانڍي تي محترم انور علي سيال صاحب جي مهمان نوازيءَ ۾ آمد ٿي.

ان موقعي تي سگا برانچ پنوعاقل جي صدر غلام مجتبىٰ دايو، جنرل سيڪريٽري مجيب الله شيخ، چيئرمين روشن تارا اسڪول انور علي سيال، چيئرمين الشمس اسپتال ميجر ر. رشيد جمال مهر،اڳوڻو سي اي سي ميمبر عبدالحميد بلو ۽ انفارميشن سيڪريٽري رياض علي سيال پڻ شرڪت ڪئي ۽ معزز مهمانن جي آڌرڀاءُ ڪئي.

ملاقات دوران سگا جي تنظيمي معاملن، ڪارڪردگي ۽ مستقبل ۾ سگا جي وڌيڪ بهتري لاءِ مختلف معاملن تي نهايت ئي محبت، خلوص ۽ پنهنجائپ سان تفصيلي ڪچهري ٿي.

ان موقعي تي محترم خالد حسين چنا صاحب پنهنجي قلم سان سگا جي جاکوڙي ساٿي استاد حيدر بخش هڪڙو جي خدمتن ۽ جدوجهد تي لکيل ڪتاب، ساٿين کي محبت سان تحفي طور پيش ڪيو، جيڪو يقيناً هڪ قيمتي علمي ۽ ادبي تحفو آهي.

هيءَ ملاقات سگا جي ساٿين وچ ۾ محبت، ڀائيچاري ۽ تنظيم جي ترقي لاءِ گڏيل عزم جو خوبصورت اظهار هئي.

سگا زنده باد — ساٿ، خدمت ۽ جدوجهد زنده باد!

مجيب الرحمان شيخ
جنرل سيڪريٽري
سگا پنو عاقل شاخ