12/08/2026
🇵🇰 14 اگست جشنِ آزادی اور ایک لمحۂ فکریہ 🇵🇰
ہم ایک آزاد ملک کے شہری ہیں، آج ہم آزادی کا جشن منا رہے ہیں۔ ہمیں اپنے وطن، اپنے پرچم اور اپنے بزرگوں کی قربانیوں پر فخر ہے۔
مگر جشنِ آزادی کے ساتھ ہمیں ایک لمحہ رک کر سوچنا بھی ہوگا…
اگر ایک 15 ماہ کی معصوم بچی محفوظ نہ ہو،
اگر کم عمر بچوں پر ظلم ہو،
اگر غریب کو انصاف کے لیے دروازے کھٹکھٹانے پڑیں،
اگر غریب دن بدن مزید غریب ہوتا جائے،
اور طاقتور اپنی مرضی کو قانون سمجھنے لگے،
تو ہمیں خود سے ضرور پوچھنا چاہیے کہ کیا یہی وہ پاکستان ہے جس کا خواب ہمارے بزرگوں نے دیکھا تھا؟
آزادی صرف جشن منانے کا نام نہیں؛
آزادی کا اصل مطلب عزت، تحفظ، انصاف، مساوات اور قانون کی حکمرانی ہے۔
ہم کسی انتشار، نفرت یا تصادم کی بات نہیں کرتے۔
ہم صرف یہ چاہتے ہیں کہ پاکستان میں قانون سب کے لیے برابر ہو، غریب کی آواز بھی سنی جائے، بچوں اور کمزوروں کو تحفظ ملے، کرپشن کا خاتمہ ہو اور ہر شہری کو انصاف اس کی حیثیت نہیں بلکہ اس کے حق کے مطابق ملے۔
آئیے اس 14 اگست پر صرف چراغاں نہ کریں،
بلکہ اپنے دل میں یہ عہد بھی کریں کہ ہم ایک محفوظ، باانصاف، کرپشن سے پاک اور مضبوط پاکستان بنانے میں اپنا کردار ادا کریں گے۔
پاکستان زندہ باد 🇵🇰
پاکستان کے عوام پائندہ باد 🇵🇰
