15/10/2025
نشرح فاؤنڈیشن کے زیر اہتمام
گزشتہ روز نشرح اکیڈمی عزیز آباد کراچی میں ممتاز عالم دین طبیب ، مصنف اور نبیرہ محدث سورتی حکیم قاری احمد علی بھیتی(متوفی 1976) کی یاد میں فکری، علمی اور ادبی نشست کا انعقاد کیا گیا۔
جس سے مرحوم کے بڑے صاحبزادے محقق و مورخ ادیب و مصنف اور شاعر *خواجہ رضی حیدر* نے خصوصی خطاب کیا انہوں نے اپنے والد کی دینی خدمات کے ساتھ قائد اعظم کی شخصیت اور تحریک پاکستان کے حوالے سے مختلف سوالات کے جوابات بھی دیۓ جبکہ نعتیہ کلام اور غزل بھی پیش کی
ممتاز صحافی اور متعدد کتب کے مصنف جناب شاہ والی اللہ نے سپاسنامہ پیش کیا فاؤنڈیشن کے بانی اور روح رواں سید محمد اسلم غزالی نے خواجہ صاحب کی ادبی اور علمی خدمات پر روشنی ڈالی اور نظامت کے فرائض انجام دیۓ،
نشست میں ممتاز علمی ادبی تعلیمی اور سماجی شخصیات سمیت بڑی تعداد میں لوگوں نے شرکت کی جن میں فصیح الدین خان، ڈاکٹر جاوید احمد خورشید، محمد علی منظر، ندیم ہاشمی، کاشف حسین غائر عرفان الحق صدیقی، اور دانیال اسماعیل بھی شامل ہیں،
