Indigenous People's Alliance of Mauripur

10/06/2026

عوامی پریس کلب ٹھٹھہ کی خبر کی کوریج روزنامہ سندھ کاز، آوازِ مہران، آئینو اور سحر اسپیشل کراچی میں مورخہ 10 جون 2026 کو شائع ہوئی۔

09/06/2026

بتاریخ 8 جون 2026ء کو ضلع ٹھٹہ اور کراچی سے تعلق رکھنے والے سماجی رہنما شعیب محمد جوکھیو اور ضلع کیماڑی کراچی کے سماجی رہنما عبدالحفیظ بھنڈ جوکھیو نے پاکستان پیپلز پارٹی (شھید بھٹو) کراچی ڈویژن کے چیف آرگنائزر کامریڈ سلیم راجپوت کی قیادت میں، شہید میر مرتضیٰ بھٹو کے دیرینہ ساتھی اور سینئر رہنما ڈاکٹر جاوید احمد جوکھیو کے ہمراہ 70 کلفٹن کراچی میں ذوالفقار علی بھٹو جونیئر سے ملاقات کی۔

ملاقات کے دوران علاقے کے مختلف سماجی معاملات، عوامی مسائل اور باہمی دلچسپی کے امور پر تفصیلی تبادلہ خیال کیا گیا۔

اس موقع پر یہ بھی طے پایا کہ 11 جولائی 2026ء کو بدھنی جوکھیو گوٹھ، یوسی لال بکر، ضلع کیماڑی میں فلاحی بنیادوں پر ایچ آئی وی (HIV) آگاہی و میڈیکل کیمپ منعقد کیا جائے گا۔ یہ کیمپ ذوالفقار علی بھٹو رابطہ کمیٹی کی جانب سے عبدالحفیظ بھنڈ جوکھیو اور شعیب محمد جوکھیو کے زیرِ نگرانی لگایا جائے گا، جس میں ڈاکٹرز کی ٹیم عوام کو آگاہی، مشاورت اور طبی سہولیات فراہم کرے گی۔

پروگرام میں ذوالفقار علی بھٹو جونیئر بھی خصوصی طور پر شرکت فرمائیں گے۔

15/03/2026

بلدیاتی نمائندوں کی چار سالہ مدتِ کار اب اپنے اختتام کے قریب ہے۔ اس عرصے کے دوران بلدیاتی اداروں بشمول ماڑیپور ٹاؤن اور اس کے ماتحت یونین کمیٹیز کو مختلف ترقیاتی منصوبوں اور عوامی سہولیات کے لیے بجٹ بھی فراہم ہوتا رہا، مگر آج ماڑیپور کے عوام یہ جائزہ لینے پر مجبور ہیں کہ آیا یہ بجٹ واقعی عوامی فلاح و بہبود، بنیادی سہولیات، سڑکوں کی مرمت، صفائی ستھرائی اور مقامی ترقی پر خرچ ہوا یا نہیں۔
دوسری طرف یہ تاثر بھی مضبوط ہوتا جا رہا ہے کہ بعض عوامی نمائندے خود ٹھیکوں، زمینوں کے معاملات اور نجی کاروباری سرگرمیوں میں مصروف رہے، جس کے باعث بلدیاتی فنڈز کے شفاف اور منصفانہ استعمال پر سوالات اٹھ رہے ہیں۔ ایسے میں ماڑیپور کے عوام کا یہ حق بنتا ہے کہ وہ اپنے منتخب نمائندوں سے جواب طلب کریں اور یہ پوچھیں کہ گزشتہ چار برسوں میں ملنے والا بلدیاتی بجٹ کہاں اور کس مقصد کے لیے خرچ کیا گیا اور کیا بلدیاتی اداروں کی کارکردگی کے نتائج واقعی عوامی زندگی میں بہتری کی صورت میں سامنے آئے؟

14/03/2026

سیاست

14/03/2026

14/03/2026

2021 میں ہاکسبے روڈ پر کی گئی روڈ کٹنگ کے دوران متعدد مقامی افراد اور کاروبار متاثر ہوئے۔ اس عمل کے نتیجے میں ہاکسبے روڈ کے اطراف رہنے والی مقامی کمیونٹی کو مختلف نوعیت کے نقصانات کا سامنا کرنا پڑا۔ تاہم چار برس گزرنے کے باوجود متاثرہ مقامی عوام کو مناسب ریلیف یا ازالہ فراہم نہ ہو سکا۔

مقامی لوگوں کے مطابق ان کے نقصانات کے ازالے کے لیے کوئی مؤثر اور منصفانہ اقدام سامنے نہ آ سکا، جس کے باعث مقامی آبادی میں ناانصافی اور احساسِ محرومی میں اضافہ ہوا۔ مقامی کمیونٹی کو یہ تاثر ملا کہ ان کے مسائل کو وہ توجہ اور ترجیح حاصل نہ ہو سکی جس کی وہ توقع رکھتے تھے۔

دوسری جانب یہ تاثر بھی سامنے آیا کہ بعد کے عرصے میں بعض بااثر افراد نے اپنے اثر و رسوخ کے ذریعے مختلف معاملات (جائز و ناجائز) میں مالکانا حقوق یا دیگر فوائد حاصل کر لیے۔ اس صورتحال نے مقامی عوام میں یہ احساس مزید گہرا کیا کہ شاید سہولتیں اور مواقع زیادہ تر بااثر افراد کے لیے ہی میسر رہے۔

ایسے حالات میں ضروری ہے کہ متعلقہ ادارے اس معاملے کا شفاف اور منصفانہ جائزہ لیں، متاثرہ مقامی عوام کے مسائل کو سنجیدگی سے دیکھیں اور اس بات کو یقینی بنائیں کہ انصاف، شفافیت اور قانون کی بالادستی کے تقاضے ہر شہری کے لیے یکساں طور پر پورے ہوں۔

14/03/2026

ہاکسبے روڈ پر نادرا رجسٹریشن سینٹر کا قیام:
مقامی کمیونٹی کے لیے نادرا کی سہولیات تک آسان رسائی یقینا خوش آئند ہے۔ تاہم ایک اہم سوال یہ بھی ہے کہ نادرا رجسٹریشن سینٹر کا قیام بنیادی طور پر نادرا کا انتظامی فیصلہ ہوتا ہے جو عوامی ضرورت اور سروس کی دستیابی کے مطابق کیا جاتا ہے، نہ کہ عوامی نمائندوں کے اختیار سے۔ اس لیے یہ واضح ہونا چاہیے کہ اس مرکز کے لیے عمارت کا انتخاب نادرا کے باقاعدہ اور شفاف ٹینڈر یا پروکیورمنٹ کے عمل کے ذریعے کیا گیا ہے یا نہیں۔

خدشات اس وقت پیدا ہوتے ہیں جب سرکاری زمین مبینہ طور پر نجی افراد کو لیز پر دی جائے اور بعد ازاں وہی بااثر افراد یا عوامی نمائندے ایسی پراپرٹی کو کسی سرکاری ادارے کو کرائے پر فراہم کریں، جس سے ممکنہ طور پر ذاتی مالی فائدہ حاصل ہو جبکہ اس سہولت کا کریڈٹ بھی لیا جائے۔ ایسے معاملات میں مکمل شفافیت اور قانونی تقاضوں کی پابندی نہایت ضروری ہے تاکہ عوام کا اعتماد برقرار رہ سکے اور کسی بھی قسم کے مفادات کے ٹکراؤ (conflict of interest) کے خدشات کو دور کیا جا سکے۔

14/03/2026

مقامی قیادت کی چار سالہ بلدیاتی مدتِ کار اپنے اختتام کے قریب ہے۔ اب وقت آ گیا ہے کہ ماڑیپور کے عوام خود یہ جائزہ لیں کہ گزشتہ چار برسوں میں کیے گئے فیصلے اور کارکردگی واقعی عوامی توقعات پر پورا اترے ہیں یا نہیں۔ کیا اس دوران عوام کے لیے آسانیاں پیدا کی گئیں اور ان کی حقیقی خدمت کی گئی، یا پھر یہ مدت نام نہاد عوامی نمائندوں کے ذاتی مفادات، اناپرستی، زمینوں کے معاملات اور کاروباری ترقی تک ہی محدود رہی؟

13/03/2026

کمرشل پراپرٹی جس پر نادرہ رجسٹریشن سینٹر (ہاکسبے) کا قیام کیا گیا ہے وہ کس شخص کی ملکیت ہے؟

18/02/2026

گریکس ویلیج ھاکس بے روڈ ماڑیپور؛ کراچی کی ایک قدیمی آبادی۔ مقامی باشندے بے یار و مددگار۔ فروری ۲۰۲۱ کی ایک وڈیو ملاحظہ فرمائیں۔