Jhang Development Program

21/08/2026

جھنگ سے محبت کرنے والوں کا اجتماع

17/08/2026

واہ رے جھنگ تیری قسمت

اصل سوال یہ نہیں کہ نمائندے کیا کر رہے ہیں۔ اصل سوال یہ ہے کہ عوام کیوں خاموش ہیں؟ صحافت کا کام یہی ہے کہ وہ اقتدار سے سوال کرے، مگر جمہوریت کا اصل امتحان یہ ہے کہ عوام خود اقتدار سے سوال کرنا سیکھیں۔ جب تک ووٹر یہ فیصلہ کرتا رہے گا کہ ووٹ برادری کے نام پر، نعرے کے نام پر یا خاندانی وابستگی کے نام پر دینا ہے، تب تک کارکردگی کبھی معیار نہیں بنے گی۔ اور جب کارکردگی معیار نہیں بنے گی، تو نمائندے کو جھنگ کے لیے کچھ کرنے کی کوئی مجبوری بھی نہیں رہے گی۔ وقاص اکرم کی اسلام آباد میں یونیورسٹی بنانا جھنگ کی دھرتی اور عوام کے ساتھ ناانصافی ہے۔ یہ ایک نظام پر سوال ہے، ایک روایت پر سوال ہے جس نے چھوٹے شہروں کو صرف ووٹ بینک بنا کر رکھ دیا ہے۔ جھنگ کے لوگ محنتی ہیں، باصلاحیت ہیں، اور اپنی سرزمین سے محبت رکھتے ہیں۔ کمی صرف اس ارادے کی ہے جو ان کے منتخب نمائندوں میں ہونا چاہیے تھا۔
جب تک جھنگ کا سوال زندہ نہیں رہے گا، جھنگ کا حق بھی زندہ نہیں رہے گا۔ اور یہ سوال زندہ رکھنا، اب صرف ایک فرد کا نہیں، ہر اس شہری کا فرض ہے جو اپنی سرزمین سے مخلص ہے۔ جھنگ کو کاروباری سیاستدانوں سے پاک کرنے کی ضرورت ہے۔ 177 سال پرانے ضلع کو اس کا حق دلوانے کی ضرورت ہے۔ سوشل میڈیا پر آواز بلند کریں۔ اب صرف جھنگ کی بات ہوگی صرف جھنگ کی

12/08/2026

خدمت کریں لیکن جھوٹ کی سیاست مت کریں، رانا محمد کاشف

07/08/2026

7 اگست، یوم جھنگ کے عنوان سے جھنگ سے محبت کرنے والوں کا عظیم الشان اجتماع

06/08/2026

*سیٹلائٹ ٹاؤن میں یومِ جھنگ کی دعوتی مہم کے سلسلے میں تقریب کا انعقاد*

یومِ جھنگ کی دعوتی مہم کے سلسلے میں سیٹلائٹ ٹاؤن میں ایک پُروقار تقریب کا انعقاد کیا گیا، جس میں مختلف شعبۂ ہائے زندگی سے تعلق رکھنے والے معزز احباب نے بھرپور شرکت کی۔

شرکاء نے یومِ جھنگ کے اغراض و مقاصد پر روشنی ڈالتے ہوئے اس عزم کا اعادہ کیا کہ شہر میں شعور، اتحاد، اپنے حقوق کے تحفظ اور جھنگ کی تعمیر و ترقی کے لیے اجتماعی کردار ادا کیا جائے گا۔ تقریب کے اختتام پر شرکاء نے یومِ جھنگ کے پیغام کو ہر گھر اور ہر فرد تک پہنچانے کے لیے عزمِ نو کا اظہار کیا اور جھنگ کی ترقی، امن اور خوشحالی کے لیے خصوصی دعا کی گئی۔

03/08/2026

یومِ جھنگ کی مناسبت سے انجمنِ تاجران جھنگ کے زیرِ اہتمام پروقار کیک کٹنگ تقریب کا انعقاد

یومِ جھنگ کے پرمسرت موقع پر انجمنِ تاجران جھنگ کے زیرِ اہتمام ایک پروقار کیک کٹنگ تقریب کا انعقاد کیا گیا، جس میں شہر کے تاجروں، سماجی شخصیات اور شہریوں کی کثیر تعداد نے بھرپور جوش و خروش کے ساتھ شرکت کی۔ تقریب سے خطاب کرتے ہوئے صدر انجمنِ تاجران انارکلی بازار شیخ حسن کا کہنا تھا کہ یومِ جھنگ ایک شعور، ایک فکر اور ایک عہدِ وفا کی علامت ہے۔ انہوں نے کہا کہ اس دن کو منانے کا بنیادی مقصد جھنگ کے ہر باسی کے دل میں اپنے شہر سے محبت کا جذبہ بیدار کرنا، شہر کو درپیش مسائل کا ادراک پیدا کرنا اور شہریوں کو اپنے حقوق کے لیے مثبت انداز میں آواز بلند کرنے پر آمادہ کرنا ہے، تاکہ ہر فرد جھنگ کی تعمیر و ترقی میں اپنا فعال کردار ادا کر سکے۔ اس موقع پر سینئر رہنما انجمنِ تاجران حاجی شیخ عبدالحمید نے کہا کہ یومِ جھنگ ہمیں یہ موقع بھی فراہم کرتا ہے کہ جو ترقیاتی منصوبے پایہ تکمیل تک پہنچ چکے ہیں، ان پر اللہ تعالیٰ کا شکر بجا لایا جائے اور ان تمام افراد و اداروں کی خدمات کو خراجِ تحسین پیش کیا جائے جنہوں نے جھنگ کی ترقی میں اپنا حصہ ڈالا۔ انہوں نے مزید کہا کہ یہ دن ان زیرِ التوا منصوبوں کے لیے بھی صدائے احتجاج بلند کرنے کا دن ہے جو تاحال مکمل نہ ہو سکے، اور ان مستقبل کی ضروریات کی نشاندہی کا بھی، جن کے بغیر شہر کی ترقی کا سفر ادھورا رہے گا۔ رانا امتیاز ٹیپو نے اپنے خطاب میں کہا کہ یومِ جھنگ کے ذریعے عوام میں یہ شعور مزید پختہ کیا جائے گا کہ شہر کی ترقی کسی ایک فرد، ادارے یا طبقے کی نہیں بلکہ پورے معاشرے کی اجتماعی ذمہ داری ہے۔ جبکہ چوہدری عرفان جٹ نے کہا کہ جب شہری اپنے شہر کے مستقبل پر سوچیں گے، اپنے حقوق کے لیے متحد ہو کر بات کریں گے اور ترقیاتی وژن کی تعمیری انداز میں حمایت کریں گے، تبھی جھنگ ایک زیادہ ترقی یافتہ، خوشحال اور مثالی شہر کے روپ میں سامنے آ سکے گا۔

تقریب کے اختتام پر یومِ جھنگ کی مناسبت سے کیک کاٹا گیا، جس کے بعد جھنگ کی مسلسل ترقی، امن، خوشحالی اور پاکستان کی سربلندی و استحکام کے لیے خصوصی دعا کی گئی۔

01/08/2026

31/07/2026

UBK اسکل ڈویلپمنٹ سسٹمز جھنگ

داخلہ اور سہولیات
اہلیت (اہلیتِ داخلہ)
✅ علماء کرام
✅ حفاظِ کرام
✅ ایم اے اسلامیات
✅ ایم اے عربی
✅ جدید ٹیکنالوجی سیکھنے کا جذبہ رکھنے والے نوجوان

داخلہ کا طریقہ کار
1. داخلہ فارم مکمل کریں۔
2. ضروری معلومات اور دستاویزات جمع کروائیں۔
3. انٹرویو کے بعد داخلہ مکمل کیا جائے گا۔
4. منتخب طلبہ کو کلاسز کا شیڈول فراہم کیا جائے گا۔

سیکیورٹی فیس
💰 سیکیورٹی فیس: 12,000 روپے
یہ فیس 3 ماہ کے کورس کی تکمیل کے بعد ادارے کی پالیسی کے مطابق واپس کر دی جائے گی۔

کمپیوٹر سسٹم اور ہاسٹل سہولت
💻 جدید کمپیوٹر سسٹم کی سہولت
🏠 ہاسٹل کی سہولت
کمپیوٹر سسٹم اور ہاسٹل طلبہ کے لیے بالکل مفت فراہم کیے جائیں گے۔

کھانے کا انتظام (میس سسٹم)
🍽 ادارے میں یونیورسٹی کے معیار کا باقاعدہ 'میس سسٹم' موجود ہے۔

طلبہ کے لیے:
✅ صاف ستھرا اور معیاری کھانا
✅ میز اور کرسیوں کے ساتھ پروفیشنل انداز میں کھانے کا انتظام
✅ مختلف کھانوں کے لیے مناسب ٹوکن سسٹم کی سہولت فراہم کی جائے گی۔

UBK اسکل ڈویلپمنٹ سسٹم جھنگ
علم، مہارت اور کردار سازی کا بہترین پلیٹ فارم۔

آج کی مہارت، کل کی قیادت