Zindagi

Directions Contact the organization

Zindagi زندگی معرفت کے بنا اللہ پاک کی مرضی کی نہیں ہوتی اس لیے اپنی زندگی میں اللہ پاک کو لازمی جان لیں

ایک دکان سے میں نے بقایا لیا تو یہ 20 کا نوٹ ملا مجھے،میں نے نوٹ کو غور سے دیکھا، انگلیوں کے بیچ گھمایا اور کافی دیر تک ...
26/07/2026

ایک دکان سے میں نے بقایا لیا تو یہ 20 کا نوٹ ملا مجھے،میں نے نوٹ کو غور سے دیکھا، انگلیوں کے بیچ گھمایا اور کافی دیر تک سوچتا رہا کہ ۔"یہ بیس روپے شاید کسی عام لین دین کا حصہ نہیں تھے، اس میں کسی اپنائیت کی خوشبو ہے۔""لگتا ہے کسی بہن نے بھائی کی دی ہوئی چھوٹی سی خوشی سمجھ کر اسے مدتوں سنبھال کر رکھا ہوگا۔""مگر آج یہ میرے جیب میں آ گیا ہے، اس سے صاف محسوس ہوتا ہے کہ کوئی بڑی مجبوری راستے میں آ کھڑی ہوئی تھی۔ شاید گھر میں ضرورت آن پڑی، شاید آنکھوں میں آنسو تھے اور ہاتھ خالی کہ یہ نوٹ استعمال کرنا پڑا۔""غریبی انسان سے آہستہ آہستہ سب کچھ لے لیتی ہے، حتیٰ کہ وہ یادیں بھی جو دل کے سب سے قریب ہوتی ہیں

26/07/2026

"میاں بیوی اگر اذکار مسنونہ اور نماز کی پابندی کریں
زبان کے استعمال میں احتیاط کریں تو سارے مسائل آہستہ آہستہ ختم ہو جاتے ہیں۔"

استاذ زبیر غازی

26/07/2026

کاش اپنا بھی مدینے میں کوئی گھر ہوتا
دیکھتے روضہِ سرکار ﷺ کو آتے جاتے💞

26/07/2026

Allah ki Raza pa razi Raha karo afsos na kia karo

26/07/2026
26/07/2026

‏تم اہلِِ نظر ھو تو تمہیں کیوں نہیں آتا
نظروں کی گُزارش کو سمجھنے کا سلیقہ

26/07/2026

کبھی اپنے شوہر کو بھی غور سے دیکھیے... ❤️
ہم اکثر اپنی تھکن گن لیتے ہیں، لیکن کیا کبھی اُن کی تھکن کو بھی محسوس کیا ہے؟
شوہر لاکھ سخت مزاج ہی کیوں نہ ہوں، مگر کیا آپ نے دیکھا ہے کہ صبح گھر سے نکلنے سے پہلے پوچھتے ہیں: "آج کیا پکانا ہے؟" اور اگر پوچھ نہ سکیں تو جاتے جاتے ہاتھ میں پیسے پکڑا دیتے ہیں: "پیچھے سے کچھ اچھا بنا لینا۔" پھر کہتے ہیں: "کوئی مسئلہ ہو تو مجھے فون کر لینا۔"
یہ چھوٹی چھوٹی باتیں بھی محبت ہی تو ہوتی ہیں۔
آندھی ہو، طوفان ہو، موسلا دھار بارش ہو، سخت گرمی ہو یا ہڈیوں میں اتر جانے والی سردی... وہ پھر بھی کام پر جاتے ہیں۔ کیونکہ اُنہیں معلوم ہوتا ہے کہ اگر آج ذمہ داری سے منہ موڑ لیا تو کل گھر کے بل اُن کا انتظار کر رہے ہوں گے۔😔
بجلی کا بل، گیس کا بل، بچوں کی فیس، راشن، کرایہ... یہ سب امیر اور غریب ہر گھر کی حقیقت ہیں۔ اگر آج درد کی وجہ سے کام پر نہ جائیں، تو بل خود بخود ختم نہیں ہوتے، بلکہ بعض اوقات مزید بڑھ جاتے ہیں۔ کہیں میٹر کٹ جاتا ہے، کہیں جرمانہ لگ جاتا ہے، کہیں اگلے دن کی دیہاڑی بھی ہاتھ سے نکل جاتی ہے۔
اسی لیے بہت سے مرد اپنی تکلیف کو دل میں دبا کر، درد کو برداشت کرکے، صبح پھر اُٹھ کھڑے ہوتے ہیں۔
ان دنوں جیسی مسلسل بارشیں ہو رہی ہیں، میں ایک بات ضرور اپنے بچوں کو سکھاتی ہوں، اور میری پیاری بہنو! آپ بھی اپنے بچوں کو یہ ضرور سکھایا کریں۔
بچے صرف باتوں سے نہیں، احساس سے فرمانبردار بنتے ہیں۔
جب بارش بہت تیز ہوتی ہے اور اُن کے بابا کام پر ہوتے ہیں تو میں بچوں سے کہتی ہوں: "دیکھو، تم گھر میں محفوظ بیٹھے ہو، لیکن تمہارے بابا اس بارش میں تمہارے لیے رزق کما رہے ہیں۔"
میرا چاند تو اب بارش دیکھتے ہی کہتا ہے: "ماما... بابا بارش میں محنت کر رہے ہیں۔"
ایک دن وہ سو رہا تھا۔ اچانک تیز بارش شروع ہوئی تو گھبرا کر اُٹھا، میرے پاس بھاگتا ہوا آیا اور کہنے لگا: "ماما! میرے بابا بارش میں محنت کر رہے ہیں... میں کب بڑا ہوں گا؟ میں بابا کی مدد کب کروں گا؟"
اللہ گواہ ہے، اُس کی یہ بات سن کر میری آنکھیں بھی نم ہو گئیں۔
میں اپنے بچوں کو یہ احساس دلانا چاہتی ہوں کہ اُن کے باپ نے آسانیوں میں نہیں، بلکہ گرمی، سردی، بارش اور ہر مشکل میں محنت کرکے اُنہیں پالا ہے۔
اور میرے شوہر بھی بچوں کو یہی سکھاتے ہیں۔♥️
جب وہ گھر آتے ہیں اور میں بچوں کے لیے گرمی میں چولہے کے سامنے کھڑی کھانا بنا رہی ہوتی ہوں، تو وہ بچوں سے کہتے ہیں: "دیکھو، تم نے تو ماما کو نہیں بتایا تھا کہ کیا کھانا ہے، لیکن ماما نے پھر بھی تمہاری پسند کا کھانا بنایا ہے۔ ماما تمہارے لیے محنت کر رہی ہیں، اس لیے اُن کی قدر کرنا سیکھو۔"
یہی تربیت ہمارے والدین نے ہمیں دی تھی، اور آج ہم وہی آگے اپنے بچوں کو دے رہے ہیں۔
بچے جب ماں اور باپ دونوں کی محنت کی قدر کرنا سیکھ جاتے ہیں تو اُن کے دلوں میں احترام خود بخود پیدا ہو جاتا ہے۔
عورت کی ذمہ داریاں بھی کم نہیں ہوتیں۔ وہ بھی ذہنی طور پر بہت تھک جاتی ہے۔ ان شاء اللہ کبھی اُن کے بارے میں بھی تفصیل سے لکھوں گی۔🖊💫
لیکن ایک حقیقت یہ بھی ہے کہ... کوئی جسمانی طور پر تھکتا ہے، اور کوئی ذہنی طور پر۔ دونوں کی تھکن اپنی جگہ حقیقت ہے، اس لیے ایک دوسرے کا مقابلہ نہیں، بلکہ ایک دوسرے کا سہارا بننا چاہیے۔
یہ پوسٹ میں نے ایک خاص وجہ سے لکھی ہے۔
کل رات میرے شوہر، چاند کے بابا، تقریباً ساڑھے گیارہ بجے گھر آئے۔ وہ درزی ہیں۔ بجلی بار بار جا رہی تھی، لیکن لوگوں کے کپڑے وقت پر دینے تھے۔ گھر آئے تو اُن کے کندھوں میں شدید درد تھا۔ ڈاکٹر نے بتایا کہ کندھے کی رگوں میں مسئلہ ہے۔ دوا کھائی، مگر صبح پھر اُسی درد کے ساتھ کام پر چلے گئے۔
میں بار بار کہتی رہی: "آج آرام کر لیں، گھر آ جائیں۔"
لیکن اُن کا جواب وہی تھا: "لوگوں کا کام وقت پر دینا ہے، ابھی بہت سا کام باقی ہے۔"
تب احساس ہوا کہ مرد اکثر اپنی تکلیف چھپا لیتے ہیں، کیونکہ اُنہیں معلوم ہوتا ہے کہ اگر وہ رک گئے تو گھر کے اخراجات بھی رک جائیں گے۔
اسی لیے اگر کبھی وہ تھکے ہوئے ہوں، خاموش ہوں یا کبھی غصے میں دو باتیں کہہ دیں، تو ایک لمحے کے لیے اُن کے کندھوں پر رکھی ذمہ داریوں کو بھی یاد کر لیا کریں۔
اور ایک بات ہمیشہ یاد رکھیے...🖊
اگر کسی دن بیوی کی طبیعت خراب ہو جائے اور ایک وقت کا کھانا نہ بن سکے، تو گھر والے باہر سے بھی کھانا منگوا سکتے ہیں، کسی نہ کسی طرح وہ وقت گزر جاتا ہے۔
لیکن اگر ایک مزدور، ایک دکاندار یا روزانہ محنت کرکے کمانے والا مرد ایک دن کام پر نہ جائے، تو اُس کی اُس دن کی کمائی ختم ہو جاتی ہے، کام پیچھے رہ جاتا ہے، اور اگلے دن کا بوجھ بھی بڑھ جاتا ہے۔
اسی لیے کبھی اپنی ذمہ داریوں کا مقابلہ اپنے شوہر کی ذمہ داریوں سے نہ کیجیے، اور نہ اُن کی اپنی ذمہ داریوں سے۔
یہ ہرگز مطلب نہیں کہ اگر کسی گھر میں ظلم یا زیادتی ہو تو اُس پر خاموش رہا جائے، نہیں۔ اسلام کسی ظلم کی تعلیم نہیں دیتا۔
لیکن جہاں محبت، نرمی، احترام اور ایک دوسرے کا ساتھ دینے کا حکم ہے، وہاں انا اور مقابلہ بازی کی نہیں، بلکہ پیار اور سمجھ داری کی ضرورت ہوتی ہے۔🙂
اگر بیوی بھی کماتی ہے اور شوہر بھی کماتا ہے، تو یہ بہت اچھی بات ہے۔ دونوں ایک دوسرے کا سہارا بنیں، ایک دوسرے کی خوشی کا سبب بنیں، ایک دوسرے کی عزت کریں، اور اپنے اپنے حصے کی ذمہ داری محبت سے نبھائیں۔
اللہ تعالیٰ میرے شوہر سمیت دنیا کے ہر محنت کرنے والے شوہر، والد اور بھائی کو صحت، تندرستی، حلال رزق، آسانیاں اور ایمان والی لمبی زندگی عطا فرمائے۔
اور اللہ تعالیٰ ہر عورت کو بھی اس کی محنت، صبر اور قربانی کا بہترین اجر عطا فرمائے۔
آمین یا رب العالمین۔ 🤲اس بارہ میں اپنی رائے ضرور دیں

#خنساء ارسلان
ki mama

26/07/2026

گھر سے باہر رہنا شروع کیا تو بہت ساری ایسی چیزیں اور عادات سمجھ آئیں جو شاید پہلے اپنے گھر کی عورتوں میں ناگوار گزرتی تھیں۔

شیشے کے گلاس خود دھوئے تو پتا چلا کہ یہ تو گیلے ہو کر ہاتھوں سے پھسلتے ہی بہت ہیں۔
ذرا سی چوک ہوئی اور گلاس کرچی کرچی۔۔۔
اس میں عورت کی قسمت یا ٹوٹے ہاتھوں کا کوئی کردار نہیں ہے۔

خود کچھ پکایا تو پتا چلا کہ کھانے میں نمک، مرچ، پانی وغیرہ زیادہ کم ہو جانا تو بالکل عام سی بات ہے اور اس کا تعلق پھوہڑ ہونے سے نہیں، انسانی اندازوں کی غلطی کے ساتھ ہے۔

خود کو خود کھانا سروو کیا تو پتا چلا کہ کھانا کھا کر کبھی انسان کی طبیعیت اتنی بوجھل ہو جاتی ہے کہ فوراََ برتن اٹھانے اور دھونے کو دل نہیں کرتا ہے۔
کبھی رات کے برتن اگلی صبح اور دوپہر تک بھی بغیر دھلے پڑے رہ جاتے ہیں۔
اس کا تعلق فطرت کی نفاست اور صفائی پسندی سے نہیں ہے۔

خود کمرے کی صفائی کی تو پتا چلا کہ کبھی کبھی ہلکا پھلکا کوڑا کمرے کے کونے کھدرے میں رہ بھی جاتا ہے۔
نیچے بیٹھ کر جھاڑو دینا، برش سے صفائی کرنا اچھا خاصا جان جوکھوں کا کام ہے۔
اس کا تعلق نااہلی اور کام چوری کے ساتھ نہیں ہے۔

کبھی خود کپڑے دھوئے تو پتا چلا کہ کپڑے کو دھو کر نکھارنا اور داغ نکالنا تو باقاعدہ ایک آرٹ ہے۔
ایک انتہائی مشقت طلب کام ہے۔

کپڑے استری خود کیے تو پتا چلا کہ ہر کپڑے، ڈیزائن اور اقسام پہ استری کرنے کا طریقہ ہی سرے سے الگ ہے۔
کبھی کبھی پوری توجہ کے ساتھ استری کیے کپڑوں پہ بھی سلوٹیں رہ جاتی ہیں۔

کبھی نیت کے باوجود گرمی یا سردی کی شدت کی وجہ سے خود کھانا پکانے کو دل نہیں کیا اور باہر سے کھانا منگوایا تو پتا چلا کہ انسانی فطرت میں موسمی تقاضوں کے مطابق بدلاو آنا ایک عام سی بات ہے۔
اس کا تعلق کام سے جی چرانے، کاہلی اور بہانہ بازی کے ساتھ نہیں ہے۔

جب خود یہ سب کچھ عملی طور پر کیا تو بہت کچھ ایسا سمجھ میں آیا، جس سے نفسیاتی طور پر میں ناواقف تھا۔
اپنے گھر کی عورتوں کو روزانہ کی بنیاد پر یہ سب کام کرتے دیکھتا ہوں تو اب ان پہ رشک آتا ہے۔
کام کرتے ہوئے ان کے چہرے کی سلوٹوں کی وجہ بھی سمجھ میں آتی ہے۔
ان کا کبھی کبھی چڑچڑا ہونا اور بلا وجہ غصے میں آنا بھی سمجھ میں آ جاتا ہے کہ باہر کام کرنے کے ساتھ وہ ایک جنگ اندر بھی لڑ رہی ہوتی ہیں۔
وہ جنگ جو انسانی فطرت کے تقاضوں کے ساتھ جڑی ہوئی ہے۔
وہ کشمکش جو ایک کام کرنے یا نہ کرنے کے بیچ میں شروع ہو کر اس منطقی نتیجے پہ اختتام پذیر ہوتی ہے کہ جو بھی ہے، جیسا بھی ہے، کام کرنا ہی کرنا ہے، کیونکہ گھر اپنا ہے۔
گھر میں رہنے والے یہ سب اپنے ہیں۔

۔copied

کریونگ والی پوسٹ سے متصل چند نکات ۔۔کچی امبی،  املی یا کھٹا کھانے کی چاہت اس امر کا اظہار ہے کہ آپ کا معدہ درست مقدار می...
26/07/2026

کریونگ والی پوسٹ سے متصل چند نکات ۔۔

کچی امبی، املی یا کھٹا کھانے کی چاہت اس امر کا اظہار ہے کہ آپ کا معدہ درست مقدار میں تیزاب پیدا نہیں کر رہا یعنی عموما سے کم مقدار جس کی وجہ سے آپ بدہضمی کا شکار ہو سکتے ہیں سو جسم کا قدرتی نظام آپ کو کھٹا کھانے کی طرف مائل کرتا ہے تاکہ معدے اور انتوں کی تیزابیت بحال کی جا سکے ۔ زیادہ چکنائی والی خوراک بھی کھٹا کھانے کی طرف مائل کرتی ہے اور اسٹریس فل ماحول بھی۔ اسٹریس مینجمنٹ بھی اہم ہے

نمک کی کریونگ والے کڈنی فنکشن چیک کروائیں نیز سیرم الیکٹرلائٹس خصوصا سوڈیم لیول چیک کروائیں۔
یہ کریونگ چند بیماریوں مثلا Addison's fisease میں بھی دیکھی جاتی ہے

سوال ۔۔بچے کو چھپ چھپ کر مٹی ، سیمنٹ وغیرہ کھانے کی عادت ہے تو ڈاکٹر نے کچھ کیلشیم کے سیرپ وغیرہ دئیے تھے اور ڈاکٹر صاحبہ کا کہنا ہے کہ آئرن ہے کہ کمی ہوتی ہے؟

جواب۔۔ جی یہ آئرن کی کمی سے ہوتا ہے اور عموما ان بچوں میں پیٹ کے کیڑے پائے جاتے ہیں جو فولاد کی کمی کا باعث بنتے ہیں۔ بچوں کو پیٹ کے کیڑے کی دوا دیں اور آئرن دیں

سوال ۔۔۔میٹھے کی طلب رہ رہی ہے آج کل ۔ پہلے ایسا نہ تھا۔۔ اور سالن میں نمک ٹھیک بھی ھو ۔ پھر بھی جي چاہتا ہے ۔ 1 چٹکی اور چھڑک لوں

جواب۔۔۔انفیکشن رول آوٹ کیجیے۔
اور شوگر چیک کروائیں ۔ بلڈ پریشر پر نگاہ رہے

سوال۔۔ زیادہ دیر بھوکا رہنا پڑے تو ٹانگیں کانپنے لگتی ہیں۔ یا پھر سر چکرانے لگتا ہے۔ اس کی کیا وجہ ہو سکتی؟ جبکہ شوگر لیول بھی نارمل

جواب ۔انسولین ریزسسٹینس

سوال۔۔۔ کچھ آسان الفاظ میں بتا دیں۔ انسولین رزیسٹنس کا کیا مطلب ہے ۔ اور خدانخواستہ کوئی پریشانی والی بات تو نہیں

جواب ۔۔ آپ کے بلڈ میں موجود گلوکوز جسم کے خلیوں کے اندر نہیں جا پاتی کیونکہ ان پر اثر انداز ہونے والے ہارمون انسولین سے ریزسسٹینس موجود ہے ۔ اس کا علاج ورزش اور چند ادویات میں مضمر ہے ۔ نیز ایک بار زیادہ مت کھائیں دن میں تین بڑے کھانوں کی بجائے 6 چھوٹے کھانے کم وقفے سے لیا کریں ۔اور صبح شام ورزش لازم کر لیں وزن اگر زیادہ ہے تو کم کریں ۔
انسولین ریزسسٹینس کی ایک علامت جسم کے چند مخصوص حصوں پر رنگت کا سپاہی مائل بھورا ہونا بھی ہے جیسے گردن کا پچھلا حصہ بغلیں کہنی اور گھٹنے کے جوڑ اگر یہ ڈارک ہیں باقی جسم سے تو سو فیصد انسولین ریزسسٹینس ہے ۔ آپ خالی پیٹ شوگر چیک کروائیں اور پھر ناشتے کے پورے دو گھنٹے بعد بھی شوگر چیک کریں HBA1C اور s. Insulin level بھی چیک کروائیں ۔

جسم میں وٹامن سی کی کمی ہو یا آئرن ڈیفیشینسی اینیمیا دونوں صورتوں میں لیمن کا دل چاہتا ہے ۔
معدے میں تیزاب کم۔بنے تب بھی کھٹائی والی اشیا کا استعمال بڑھ جاتا ہے
۔
اصل میں کریونگ بجائے خود ایک دفاعی نظام ہے جو یہ بتاتا ہے کہ جسم میں کوئی کمی یا کوئی ایشو چل رہا ہے

ڈاکٹر رابعہ خرم درانی

پچھلی قسط
https://www.facebook.com/share/p/1Ptfds9i3d/

جنہیں کچے چاول یا گاچنی/ملتانی مٹی کی کریونگ (طلب زیادہ ہونا )ہے وہ آئرن سپلیمنٹ لیں۔ ایسیڈیٹی اور پیٹ کے کیڑے کا علاج لیں۔ سیمنٹ مٹی چپس کوئلہ برف ایسی ہر چیز جس میں آئرن موجود نہیں اسے کھانے کا شوق عموما آئرن کی کمی کا نتیجہ ہوتا ہے ۔
آئس یعنی برف چبانے کا شوق بھی آئرن کی کمی کا شاخسانہ ہے چاہے اینیمیا ہو یا نہ ہو۔ برف کھانے سے متاثرہ شخص ذہنی طور پر الرٹ محسوس کرتا ہے

جنہیں کافی ,چاکلیٹ زیادہ درکار رہتیہے انہیں ڈوپامین ہٹ dopamine hit کی خواہش ہے یعنی گڈ فیلنگ کی طلب ہے ۔ خصوصا کافی کے ساتھ ۔
چاکلیٹ کریونگ والے میگنیشیم سپلیمنٹ کا سوچیں ۔ چاکلیٹس اور کافی زیادہ کھانے والے احباب کیلشیئیم اور وٹامن ڈی کی طرف دھیان دیں اور دھوپ میں جایا کریں کیونکہ ان دو اشیا کے زیادہ استعمال سے ان کی ہڈیوں سے کیلشیئم کم ہو چکی ہو گی
اگر چاکلیٹ کافی والے احباب کے بال جھڑ رہے ہیں اور ڈپریشن بھی محسوس کرتے ہیں تو انہیں ایک نفسیاتی کیفیت کا سامنا ہو سکتا ہے جسے PICA کہتے ہیں ۔اس کے لیے علاج کی طرف جائیں

چٹپٹا کھانے کی شدید کریونگ ایک طرح سے ایڈکشن جیسی ہے ۔ آپ سمجھیں کہ جیسے نشے والا خوشی حاصل کرنے کے لیے نشہ کرتا ہے ۔ دوڑنے کا شوقین بھی دوڑ کر خوشی پاتا ہے بعینہ چٹپٹا کھانے کا شوق بھی ایسی ہی چیز ہے ۔سپائسی فوڈز کھانے کے نتیجے میں جلن والا چٹخارہ درد کی کیفیت کو سٹیمولیٹ کرتا اور جس کے نتیجے میں اینڈاورفن اور سیروٹونین ریلیز ہوتے ہیں جس سے جسم سکون آور ذہن خوشی محسوس کرتا ہے ۔ یہ برا نشہ نہیں

جنہیں میٹھے کی کریونگ ہوتی ہے وہ HBA1C چیک کروائیں وزن کم کریں . پروٹین فوڈز بڑھائیں ۔ اسٹریس مینجمنٹ کی طرف جائیں اپنی دیگر ادویات چیک کریں کہ ان کی وجہ سے میٹھے کی طلب بڑھ تو نہیں گئی ۔ ہارمونز کا لیول دیکھیں ۔نیند اور خوراک کے اوقات کار متعین کریں اور ورزش اپنا معمول بنائیں

ڈاکٹر رابعہ خرم درانی۔

اگلی قسط
https://m.facebook.com/story.php?story_fbid=1287895402707034&id=100044597586663&mibextid=Nif5oz

26/07/2026

Address

Jhang
Jhang Sadar

Website

Alerts

Be the first to know and let us send you an email when Zindagi posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Zindagi:

Shortcuts

Share