01/10/2026
انجمن طلبہ اسلام ضلع اسلام آباد کے زیرِ اہتمام ایک بابرکت حلقۂ درود و تربیتی نشست کا انعقاد کیا گیا، جس میں طلبۂ کرام اور رفقائے انجمن نے بھرپور شرکت کی۔
نشست کے دوران برادر عبدالشکور جلالی، ناظم انجمن طلبہ اسلام ضلع اسلام آباد کو سعادتِ عمرہ شریف حاصل ہونے پر دلی مبارکباد پیش کی گئی۔ اس موقع پر ان کے لیے قبولیتِ عمرہ، صحت و سلامتی اور بارگاہِ رسالت ﷺ میں حاضری کی قبولیت کے لیے خصوصی دعائیں بھی کی گئیں۔
اسی بابرکت موقع پر برادر فرحان گوہر ہزاروی، جنرل سیکرٹری انجمن طلبہ اسلام ضلع اسلام آباد کی نانی جان مرحومہ و مغفورہ کے لیے ایصالِ ثواب کیا گیا اور ان کے درجاتِ عالیہ کی بلندی، مغفرت و بخشش کے لیے خصوصی دعا کی گئی۔
انجمن طلبہ اسلام کی یہ تربیتی نشستیں نوجوانانِ ملت میں عشقِ رسول ﷺ، علمِ دین، حسنِ اخلاق، باہمی اخوت اور خدمتِ دین کے جذبے کو پروان چڑھانے کا ذریعہ ہیں۔ یہی وہ فکری و تربیتی مجالس ہیں جہاں محبتِ رسول ﷺ کے چراغ دلوں میں روشن ہوتے ہیں اور نسلِ نو کو دین و ملت کی خدمت کے لیے تیار کیا جاتا ہے۔
اللہ تعالیٰ اس بابرکت محفل کو شرفِ قبولیت عطا فرمائے، مرحومہ کی کامل مغفرت فرمائے، برادر عبدالشکور جلالی صاحب کے عمرۂ شریف کو اپنی بارگاہ میں قبول فرمائے اور تمام رفقائے انجمن کو اخلاص، استقامت اور عشقِ رسول ﷺ کے ساتھ دین کی خدمت کرنے کی توفیق عطا فرمائے۔
آمین بجاہِ سیدالمرسلین ﷺ 🌹
