15/04/2026
گزشتہ کئی سالوں سے اسلامی جمعیت طلبہ مسلسل جامعہ کی انتظامیہ کے سامنے ہوسٹل رینویشن کا مطالبہ کرتی آئی ہے۔ گزشتہ سیمسٹر میں نئے صدر جامعہ نے یہ انتہائی خوش آئند فیصلہ کیا کہ تمام ہاسٹلز کی رینویشن کی جائے گی۔
اس کے لیے خطیر رقم اکٹھی کی گئی۔ طلبہ نے اس قدم کی بھرپور تحسین کی اور جامعہ کے ساتھ ہر ممکن تعاون کیا تاکہ اس مثبت فیصلے کو جلد از جلد نافذ العمل کیا جائے اور طلبہ کے مسائل کے اندر کسی حد تک کمی واقع ہو۔ یہاں تک کہ اسلامی جمعیت طلبہ نے اگے بڑھ کر سب سے پہلے اپنے کارکنان کے کمرے خالی کیے اور انتظامیہ کے ساتھ ہر ممکن تعاون کیا۔
لیکن افسوس کے ساتھ یہ کہنا پڑ رہا ہے کہ ہر دفعہ کی طرح اس دفعہ بھی جامعہ کی انتظامیہ نے بدترین نا اہلی کا مظاہرہ کیا ہے۔ آج تین سے زیادہ مہینے گزر جانے کے باوجود نہ صرف یہ کہ ہاسٹل کی رینویشن مکمل نہیں ہو سکی بلکہ ابھی تک صرف واش روم کی ہی مرمت نہیں ہو سکی۔ کئی دفعہ انتظامیہ سے رابطہ کرنے کے باوجود تاریخ پر تاریخ بتائی جا رہی تھی۔ اور اخری دفعہ جب اسلامی جمعیت طلبہ نے طلبہ کی نمائندگی کرتے ہوئے طلبہ کی تکلیف کے پیش نظر احتجاج کی کال دینے کا فیصلہ کیا تو انتظامیہ نے 13 تاریخ کی گارنٹی دی کہ پوسٹل رینویشن مکمل کر کے طلبہ کو اپنے کمروں میں فوری واپس شفٹ کر دیا جائے گا۔ جس کا باقاعدہ نوٹیفکیشن گارنٹی کے طور پر جاری کیا گیا۔
آج 14 تاریخ ہو چکی ہے اور انتظامیہ نے ایک دفعہ پھر اپنے وعدے کو پورا نہیں کیا۔
اس کے علاوہ اور ہاسٹل مسائل میں دن بدن اضافہ ہوتا جا رہا ہے صفائی کا مناسب انتظام نہیں ہے۔ واش رومز کی صورت انتہائی ابتر ہے۔ کھانے کا معیار دن بدن گرتا جا رہا ہے اور کھانے کی قیمتیں بڑھتی جا رہی ہیں۔ پانی کے فلٹر وقت پر تبدیل نہیں کیے جاتے۔ اس وقت بھی پیپرز کے دوران اولڈ کیمپس کے اندر نیٹ کی سہولت موجود نہیں ہے جس کی وجہ سے طلبہ پیپرز کی تیاری کرنے میں شدید مشکلات کا شکار ہیں۔
اس کے علاوہ بے شمار مسائل ہیں جو ایک لمبے عرصے سے حل نہیں کیے جا رہے۔ انتظامیہ کو تحریری طور پر بار بار ان تمام مسائل سے آگاہ کیا ہے۔ لیکن جواب میں صرف ٹال مٹول سے کام لیا جاتا ہے۔
لہذا تمام طلبہ کمیونٹی کی طرف سے ہم انتظامیہ کو یہ واضح پیغام پہنچاتے ہیں کہ فوری طور پر ان مسائل کے حوالے سے کوئی پیشرفت نہ ہوئی تو طلبہ اپنے حقوق کے لیے احتجاج کا حق محفوظ رکھتے ہیں۔ اور اسلامی جمعیت طلبہ مظلوم طلبہ کو ان کا حق دلوانے کے لیے کسی بھی حد تک جانے کے لیے تیار ہے۔
ترجمان اسلامی جمعیت طلبہ
جامعہ اسلامیہ اسلام آباد
